முதுகு வலிக்கு மருந்து- பெரியவா தரும் health tips

**T.N.Balasubramanian** · **T.N.Balasubramanian** Sat Sep 02, 2017 5:04 am

முதுகு வலிக்கு மருந்து- பெரியவா தரும் health tips

பெரியவாளுக்கு நமஸ்காரம் பண்ணிவிட்டு, ரொம்ப கஷ்டப்பட்டு எழுந்தார் ஒரு பக்தர்!
நடு முதுகுத்தண்டில் தாங்க முடியாத வலி!
"நடு முதுகுல... பயங்கர வலி பெரியவா..! அத்தனை வகை... வைத்யமும் பாத்தாச்சு! ஒண்ணும் கேக்கல! பணம் கரைஞ்சதுதான்
மிச்சம்! வலி போகல!...பெரியவாதான் இத.. ஸொஸ்தப்படுத்தணும்"
முகத்தில் வேதனை தெரிந்தது.
" முன்னெல்லாம்.....செக்குல ஆட்டின நல்லெண்ணெய் தேச்சு, கொஞ்சம் ஊறி, வெந்நீர்ல... சீக்காயோ, அரப்போ தேச்சு குளிப்பா!.
இப்போ அவஸர யுகம் ! எண்ணெய் தேச்சு குளிக்கவே டைம் இல்ல.! "ஸனி நீராடு"ன்னு... ஸ்கூல்ல படிக்கறதோட ஸெரி. [இப்போ
அந்த படிப்பும் இல்லை]
அத... follow பண்ணணுங்கறது மறந்து போச்சு.! அரப்பு, சீயக்கா பொடிக்கு பதிலா, தலைக்கு தேச்சுக்க என்னென்னமோ வந்திருக்காம்....
! எல்லாம் கெமிக்கல்ஸ் சேந்தது.! பின்னால.... கெடுதி-ன்னு தெரிஞ்சாலும், அதையேதான் வாங்கறா...! போட்டும் போ! நீ இனிமே....
ரெகுலரா.... எண்ணெய் தேச்சுண்டு, வெந்நீர்ல குளி! மொளகு ரஸம், பெரண்ட தொகையல் பண்ணி ஸாப்டு..! என்ன?"

"கட்டாயம் பெரியவா சொன்னபடியே பண்றேன்"

மூணு மாஸம் கழித்து வந்தார் முதுகுவலிக்காரர்.
வலி போய்விட்டதாம்.!
எண்ணெய் தேச்சு வெந்நீர்ல குளியல், மிளகு ரஸம், பெரண்டை துவையல் இந்த மூன்றின் சேர்க்கை பற்றி யார் ஆராய்ச்சி பண்ணினால்
என்ன, பெரியவா சொன்ன ஸிம்பிள் வைத்யம் கை மேல் பலன்!

பெரியவா திருவாக்கிலிருந்து சில health tips...

வீடுகள்ள, மூணு எண்ணெய் எப்பவும் இருக்கணும்......
1. நல்லெண்ணெய் - வெளக்கேத்த, ஸமையல் பண்ண, எண்ணெய் தேச்சு குளிக்க;
2. வெளக்கெண்ணெய் - வர்ஷத்ல ரெண்டு தரம், காலேல வெறும் வயத்துல குடிச்சா..... வயறு ஸெரியா இருக்கும். வயத்துவலி
இருந்தா, கொஞ்சம் வெளக்கெண்ணெய் எடுத்து தொப்புளை சுத்தி நன்னாத் தடவிண்டா ஸெரியாப் போய்டும். சூடு தணியும்.
பாதத்ல வெடிப்பு-கிடிப்பு, புண்ணு இதெல்லாம் வராது.
3. வேப்பெண்ணெய் - வேப்பெண்ணையை தெனோமும் கை,கால், முட்டிகள்ள தடவிண்டா, முட்டி வலி வரவே வராது.
[பெரியவாளும் தினமும் கை, கால் முட்டியில், வேப்பெண்ணெய் தடவிக்கொண்டு குளிப்பாராம்]
தெனோமும் குளிச்சதும், ரெண்டு காலையும், பாதத்தையும் நன்னாத் தொடச்சுக்கணும். நம்ம ஒடம்புல, காலுதான் முக்யமான பாகம்.
பாதத்தை நன்னா கவனிச்சுண்டா, ஒடம்பும் நன்னா இருக்கும். ராத்ரி படுத்துக்கறதுக்கு முன்னாடி, பாதத்தை நன்னா அலம்பிண்டு,
ஈரம் போகத் தொடச்சிண்டு படுத்துக்கணும்.
அந்த காலங்கள்ள, வெளிலேர்ந்து வந்தா... குடிசைவாஸிகள் கூட, வாய் கொப்பளிச்சுட்டு, கை-கால், குதிகால்.... அலம்பிக்கிண்டுதான்
வீட்டுக்குள்ளியே நொழைவா!
இப்போ...? செருப்பே.... வீட்டுக்குள்ளதான் கெடக்கு! பின்ன...ஏன் வ்யாதி வராது?......

நன்றி முகநூல்

ரமணியன்

**M.Jagadeesan** · **M.Jagadeesan** Sat Sep 02, 2017 7:59 am

என் வீட்டில் பிரண்டை வளர்ந்திருக்கு . அதை எப்படி துவையல் செய்வது என்று தெரியவில்லை . கிருஷ்ணம்மா எங்குபோனார் என்று தெரியவில்லை . அவர் இருந்தால் பிரண்டை துவையல் எப்படி செய்வது என்று சொல்வார் .

**T.N.Balasubramanian** · **T.N.Balasubramanian** Sat Sep 02, 2017 8:41 am

க்ரிஷ்ணாம்மா கூடிய விரைவில் வருவார்கள்.
அதுவரை நீங்கள் பிரண்டை துவையலை தள்ளிப் போடவேண்டாம்.
உங்களுக்காக இதோ ........

தேவையானவை

நறுக்கிய பிரண்டை - கால் கப்
மிளகாய் வற்றல் - 3
தேங்காய் துருவல் - கால் கப்
உளுத்தம் பருப்பு - ஒரு மேசைக்கரண்டி
புளி - சிறிய நெல்லிக்காய் அளவு
உப்பு - அரை தேக்கரண்டி
கறிவேப்பிலை - 4 கொத்து
எண்ணெய் - 2 தேக்கரண்டி

செய்முறை

மிளகாய் வற்றலை இரண்டாக கிள்ளி வைத்துக் கொள்ளவும். பிரண்டையை தண்ணீர் ஊற்றி அலசி,
சிறு சிறுத் துண்டுகளாக நறுக்கி எடுத்துக் கொள்ளவும்.
வாணலியில் எண்ணெய் ஊற்றி காய்ந்ததும் உளுத்தம் பருப்பு, மிளகாய் வற்றல் போட்டு 3 நிமிடம் வதக்கவும்.
பிறகு அதில் கறிவேப்பிலை, பிரண்டை இரண்டையும் போட்டு ஒரு நிமிடம் வதக்கவும்.
இவை நன்கு வதங்கியதும் அதனுடன் தேங்காய் துருவல், புளி, உப்பு போட்டு ஒரு நிமிடம் வதக்கவும்.
ஆறியதும் எடுத்து மிக்ஸியில் போட்டு 3 மேசைக்கரண்டி தண்ணீர் ஊற்றி விழுதாக அரைத்து எடுக்கவும்.
இதை சாதத்துடன் போட்டு நெய் சேர்த்து சாப்பிட்டால் மிகவும் ருசியாக இருக்கும்.

{பிரண்டையில் பயன்படுத்தக்கூடாத‌ வகை என்று
எதுவும் கிடையாது. பிரண்டையின் சாறு கையில் உடம்பில் பட்டால் மிகவும்
மோசமாகத் தான் அரிப்பு எடுக்கும், ஆனால் முறிந்த‌ எலும்புகள் கூடுவதற்கும்.
குன்ம‌ வயிற்று வலிக்கும் மிக‌ மிகச் சிறந்த‌ மருந்து.
நீள‌ நீளமான‌ பிஞ்சாக‌( ஒடிக்க‌ வராது கத்தரியால்)
தான் கொடியில் இருந்து கத்தரித்து எடுக்கவேண்டும், அதை முதலிலேயே
நறுக்காமல் ஒரு கிடுக்கியால் பிடித்துக் கொண்டு தண்ணீரில் நன்றாக‌ முக்கிமுக்கி அலசி எடுத்து தண்ணீரை வடிய‌ விட்டுப் பிறகு கத்தரிக்கோலால்
இரண்டு கணுக்களுக்கும் இடையே உள்ள‌ தண்டை மட்டும் நறுக்கி எடுக்கவும்.
கையில் எண்ணெய்யைத் தடவிக்கொண்டு தான் நறுக்குவதோ அல்லது
நார்போன்ற‌ முற்றாலான வெளித்தோலை உரிப்பார்கள்.}

ரமணியன்

Sponsored content · Sponsored content

முதுகு வலிக்கு மருந்து- பெரியவா தரும் health tips

முதுகு வலிக்கு மருந்து- பெரியவா தரும் health tips

Re: முதுகு வலிக்கு மருந்து- பெரியவா தரும் health tips

Re: முதுகு வலிக்கு மருந்து- பெரியவா தரும் health tips

Re: முதுகு வலிக்கு மருந்து- பெரியவா தரும் health tips

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக