பூரானை அடிக்காதீர்கள்!

**Dr.S.Soundarapandian** · **Dr.S.Soundarapandian** Sat 19 Aug 2017 - 13:14

First topic message reminder :

பூரானை அடிக்காதீர்கள்!

ஒரு மனைவி தனது கள்ளக் காதலனை அடைவதற்காகத் தாலி கட்டிய கணவனைக் கொல்ல நினைத்தாள்! அவனின் சாப்பாட்டில் விஷம் கலந்தாள் ! கணவன் சாப்பிட அமர்ந்தான் ! அப்போது, கூரையிலிருந்து ஒரு பூரான் ’தொப்’பென்று சாப்பாட்டில் விழுந்தது ! கணவன் சாப்பிடாமல் , தப்பினான்! சாப்பாட்டைப், பிறகு நாய்க்குப் போட்டபோது அது செத்து விழவே கணவன் மனைவியின் சூழ்ச்சியை அறிய வந்தான் ! தன்னைக் காப்பாற்றியது ஒரு பூரான் என்று ஊரெல்லாம் சொன்னான்! அன்று முதல் , கும்பகோணம் வட்டாரத்தில் ,’பூரானைக் கொல்லக்கூடாது’ என்ற வழக்கு ஆண்களிடம் வரவே , பிறகு எல்லோரிடமும் பரவியது!

ஒரு சமுதாயத்தில் எப்படி மூடக் கருத்துகள் பரவுகின்றன (Spreading of Superstitions in Society)என்பதற்கு இஃது ஓர் உதாரணம்!

**ayyasamy ram** · **ayyasamy ram** Tue 22 Aug 2017 - 9:51

கயவனான கணவன் ஆனாலும்
கணவனை தொழுதவள் கண்ணகி....
-
அதனால் தான் அவளுக்கு அப்படிப்பட்ட
பேராற்றல் இருந்தது....மதுரையை எரித்தாள்!!
-
திருக்குறளும் கணவனைத் தொழும் மனைவியாக
இருந்தால் பேராற்றல் பெற்றவளாக இருப்பாள்
என்கிறது
-
தெய்வம் தொழாஅள் கொழுநன் தொழுதெழுவாள்
பெய்யெனப் பெய்யும் மழை.
-
இந்த குறளே இடைச்செருகல் என்பாரும் உள்ளனர்....
-
ஜெகதீசன் ஐயா வி்ளக்கம் கொடுத்தால் நன்று....

**M.Jagadeesan** · **M.Jagadeesan** Tue 22 Aug 2017 - 12:30

ayyasamy ram wrote:
-
தெய்வம் தொழாஅள் கொழுநன் தொழுதெழுவாள்
பெய்யெனப் பெய்யும் மழை.
-
இந்த குறளே இடைச்செருகல் என்பாரும் உள்ளனர்....
-
ஜெகதீசன் ஐயா வி்ளக்கம் கொடுத்தால் நன்று....

மேற்கோள் செய்த பதிவு: 1247000

நான் படித்தவரையில் எந்த தமிழறிஞரும் இக்குறளை இடைச்செருகல் என்று சொன்னதாக நினைவில்லை .திருக்குறளில் ஆய்வு செய்து புகழ்பெற்ற டாக்டர் மு.வ. ; வ.சுப,மாணிக்கம் போன்ற பெருமக்கள் கூட இக்குறளை இடைச்செருகல் என்று கூறவில்லை .

ஆனால் வாதப் பிரதிவாதங்களுக்கு அதிகமாக ஆட்பட்டது இக்குறட்பாதான் .

இப்போது இருக்கும் கற்புடைய பெண்கள் வானத்தைப் பார்த்து " பெய் " என்று ஆணையிட்டால் மழை பெய்யுமா என்று கேட்கக்கூடாது . கற்புடைய பெண்களின் சக்தியை உலகுக்கு உணர்த்தவேண்டி ,உயர்வு நவிற்சியாக வள்ளுவன் அவ்விதம் கூறியதாகத்தான் கொள்ளவேண்டும் .