மூத்த குடிமக்களின் பிரச்சினையை போக்க சிறப்பு நீதிமன்றத்தை மாநில அரசு தொடங்க வேண்டும் ஐகோர்ட்டு நீதிபதி ஜெயந்த் எம்.பட்டீல் பேச்சு

**ayyasamy ram** · **ayyasamy ram** Mon Aug 21, 2017 6:32 am

கோலார் தங்கவயல்,
மூத்த குடிமக்களின் பிரச்சினையை போக்க சிறப்பு நீதிமன்றத்தை மாநில அரசு தொடங்க வேண்டும் என்று ஐகோர்ட்டு நீதிபதி ஜெயந்த் எம்.பட்டீல் கூறினார்.

கருத்தரங்கு

கோலார் மாவட்ட பஞ்சாயத்து அலுவலகத்தில் நேற்று ‘மூத்த குடிமக்கள் நலன்‘ என்ற தலைப்பில் கருத்தரங்கு நடந்தது. இந்த கருத்தரங்கை கர்நாடக ஐகோர்ட்டு நீதிபதி ஜெயந்த் எம்.பட்டீல் தொடங்கி வைத்தார்.
இந்த விழாவில் கலெக்டர் திரிலோக் சந்திரா, கோலார் மாவட்ட நீதிபதி மகாலட்சுமி நேரலே, தங்கவயல் நீதிபதி லோகேஷ், கோலார் மாவட்ட போலீஸ் சூப்பிரண்டு ரோகிணி உள்பட பலர் கலந்துகொண்டனர். இந்த கருத்தரங்கில் நீதிபதி ஜெயந்த் எம்.பட்டீல் பேசியதாவது:–

சிறப்பு நீதிமன்றம்

மூத்த குடிமக்கள் பிரச்சினையை போக்க ஒரு சிறப்பு நீதிமன்றத்தை கர்நாடக அரசு தொடங்க வேண்டும். மூத்த குடிமக்களுக்கு இன்றைய காலத்தில் சரியான பாதுகாப்பு இல்லை.
அவர்கள் நிராகரிக்கப்படுகிறார்கள். மூத்த குடிமக்களின் தேவைகளை நிறைவேற்றப்படுவதில்லை என்பது மிகுந்த வருத்தமளிக்கிறது. அவர்களின் உரிமைகளை காக்க இந்த நீதிமன்றம் அவசியம். அந்த காலத்தில் அனைவரும் கூட்டு குடும்பங்களாக வசித்து வந்தனர்.

அந்த சமயத்தில் அனைத்து மூத்த குடிமக்களும் தங்கள் கடைசி வாழ்க்கையை சந்தோ‌ஷமாக கழித்தனர். ஆனால், தற்போதைய காலக்கட்டத்தில் இளைய தலைமுறையினர் தனிக்குடித்தனம் என்ற ஆயுதத்தை கையில் எடுத்துள்ளனர். இவர்களின் இந்த முடிவு மிகுந்த வேதனை அளிக்கிறது. இதனால், மூத்த குடிமக்கள் நிராகரிக்கப்படுகிறார்கள்.
அவர்களின் வாழ்வாதாரம் சிறப்பாக அமைய இளைய தலைமுறையினர், மூத்த குடிமக்களை பாதுகாப்புடன் பார்த்துக் கொள்ள வேண்டும். தனிக்குடித்தனம் என்பதை கைவிட வேண்டும்.

இவ்வாறு அவர் பேசினார்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக