"பாற்கடல்" - கேள்வி-பதில் (தொடர் பதிவு)

**ayyasamy ram** · **ayyasamy ram** Fri Aug 11, 2017 10:34 am

கவிப்பேரரசு வைரமுத்துவின் "பாற்கடல்" -
கேள்வி-பதில் தொகுப்பு புத்தகத்திலிருந்து
-
வெளியீடு : சூர்யா பதிப்பகம்

விலை : ரூ.150
பக்கங்கள்- 308

--------------------------------------------------.

காலையில் எழுந்ததும் என் கண்ணில் படுமாறு
ஒரு வாசகம் சொல்லுங்களேன் ...

---
பதில் :
"நின்ற இடத்தில நிற்க வேண்டுமா ?
ஓடிக்கொண்டே இரு "

**ayyasamy ram** · **ayyasamy ram** Fri Aug 11, 2017 10:39 am

கேள்வி : நான்கு பந்துகளை வைத்து சொன்ன வாழ்க்கை தத்துவம்...
-
பதில் : " ஒவ்வொரு மனிதனும் நான்கு வகை பந்துகளோடு
பயணமாகிறான் .

வலக்கரத்தில் ஒரு பந்து ;இடக்கரத்தில் ஒரு பந்து
வலகக்கத்தில் ஒரு பந்து; இடக்கக்கத்தில் ஒரு பந்து ;

ஒரு பந்துக்கு பெயர் தொழில் ;இன்னொரு பந்துக்கு பெயர்
குடும்பம் ;வேறொரு பந்துக்கு பெயர் நட்பு;

மற்றொரு பந்துக்கு பெயர் உடல்நலம் ;
இந்த நான்கு பந்துகளும் விழுந்து விடாமல் கடைசி வரை
கரை சேர்பவனே கடமை வீரன் .

நான்கு பந்துகளில் ஒன்று தான் ரப்பர் பந்து.
அது தொழில் எனும் பந்து கீழே விழுந்தாலும் உடையாது ;
கைக்கு திரும்பிவிடும் .

மற்ற மூன்று பந்துகளும் கண்ணாடி பந்துகள் கீழே
விழுந்தால் உடைந்து விடும்.

**ayyasamy ram** · **ayyasamy ram** Fri Aug 11, 2017 10:40 am

கேள்வி : வாழ்க்கை என்பது ....?-

பதில் : கல்யாணத்திற்கும் இழவிற்கும் ஆள் சேர்க்கும் போராட்டம் .
----
கேள்வி : யார் ஞானி ?
-

பதில் : நான்மறையை கற்றவன் அல்லன் ஞானி
" நான்" மறையக் கற்றவனே ஞானி.

கேள்வி :சேமிப்பு எப்படி இருக்க வேண்டும்?
-
பதில் : சேமிப்பு மூன்றாக இருக்க வேண்டும்
சோறு
அரிசி
விதைநெல் என்பதை போல
சோறு - இன்றையத்தேவை
அரிசி - நாளையத்தேவை
விதைநெல் - எதிர்காலத்தேவை

**ayyasamy ram** · **ayyasamy ram** Fri Aug 11, 2017 10:41 am

கேள்வி :வாழ்க்கை எங்கே இருக்கிறது?
-
பதில்: இன்னும் கொஞ்சம் பசியுள்ளபோதே நிறுத்திவிட
வேண்டும் உணவை;
இன்னும் கொஞ்சம் சக்தியுள்ளபோதே அடக்கிவிட
வேண்டும் கலவியை;
இன்னும் கொஞ்சம் ஈட்ட முடியும் போதே துரத்திவிட
வேண்டும் பணத்தை.
இன்னும் கொஞ்சம் வாழமுடியும் போதே விட்டுவிட
வேண்டும் மூச்சை.
இந்த முயற்சிகளுக்கும் - முடியாமைகளுக்கும்
இடைவெளியில் பாசியாய் மிதந்து கொண்டிருக்கிறது
பாவப்பட்ட மனித வாழ்க்கை.

**ayyasamy ram** · **ayyasamy ram** Fri Aug 11, 2017 10:43 am

கேள்வி: ஒரு பெயரைக்கொண்டு ஒருவரின் எதிர்காலத்தை
கண்டுபிடிக்க முடியுமா?
-
பதில் : எதிர்காலம் தெரியுமோ இல்லையோ.... சில பெயர்களை
கொண்டு நிகழ்காலம் கண்டுபிடிக்க முடியும்
குப்புஸ்வாமி
குப்புசாமி
குப்பு
குப்பன்
இந்த நான்கும் வெறும் பெயர்கள் மட்டுமல்ல; வர்க்க
அடுக்குகள் ஜாதி -பொருளாதாரம் - வாழ்நிலை - மனநிலை
போன்றவற்றை மங்கலாக காட்டக்கூடிய கண்ணாடிகள்தாம்
இந்தப்பெயர்கள்.
--------------
-
கேள்வி உங்கள் மகன்களை என்ன சொல்லி வளர்த்திருக்கிறீர்கள்?
-
பதில்: போராடுங்கள்!
செருப்பு தைத்தாலும் செயற்கைகொள் செய்தாலும் அதில்
முதலிடத்தில் இருங்கள்!
எந்தப் போர்க்களத்திலும் உங்கள் முதல் ஆயுதம் சத்தியமாக
இருக்கட்டும். சத்தியம் உங்கள் பகைவரின் வலிமை
பாதியாகி விடும்.
உங்கள் வெற்றி தனிமனித வெற்றியாக குறுகி விடாமல்
சமூக வெற்றியாக நீளட்டும்.
எந்த வெற்றியும் மனித நேயத்தில் நீளட்டும்.

**ayyasamy ram** · **ayyasamy ram** Fri Aug 11, 2017 10:45 am

. சலிக்காத பத்து?
ஜன்னலோர மழை .

"பாற்கடல்" - கேள்வி-பதில் (தொடர் பதிவு) Vairabirds

[size][url][/url][/size]

தலைக்குமேல் பறந்து போகும் பறவைப் பந்தல்.

உதவி பெற்றவரின் ஆனந்தக் கண்ணீர்.

"பாற்கடல்" - கேள்வி-பதில் (தொடர் பதிவு) Vairakiss

[size][url][/url][/size]

ஒவ்வொரு முறையும் முதல் முத்தம்.

சாலையோர மரங்கள் .
மலைகோதும் மேகம்.

"பாற்கடல்" - கேள்வி-பதில் (தொடர் பதிவு) Vairajas

[size][url][/url][/size]

மல்லிகை வாசம்.

கடந்து போகும் ரயில்.
பொன்மாலைப் பொழுது.
போயிட்டு வா மகனே!

**ayyasamy ram** · **ayyasamy ram** Fri Aug 11, 2017 1:18 pm

"பாற்கடல்" - கேள்வி-பதில் (தொடர் பதிவு) W4oZmlDyS92q6d4e4RPy+20170811_130301_resized(1)

**T.N.Balasubramanian** · **T.N.Balasubramanian** Fri Aug 11, 2017 5:31 pm

வைர(ம்) முத்து மாணிக்கம் !

ரமணியன்

Sponsored content · Sponsored content

"பாற்கடல்" - கேள்வி-பதில் (தொடர் பதிவு)

"பாற்கடல்" - கேள்வி-பதில் (தொடர் பதிவு)

Re: "பாற்கடல்" - கேள்வி-பதில் (தொடர் பதிவு)

Re: "பாற்கடல்" - கேள்வி-பதில் (தொடர் பதிவு)

Re: "பாற்கடல்" - கேள்வி-பதில் (தொடர் பதிவு)

Re: "பாற்கடல்" - கேள்வி-பதில் (தொடர் பதிவு)

Re: "பாற்கடல்" - கேள்வி-பதில் (தொடர் பதிவு)

Re: "பாற்கடல்" - கேள்வி-பதில் (தொடர் பதிவு)

Re: "பாற்கடல்" - கேள்வி-பதில் (தொடர் பதிவு)

Re: "பாற்கடல்" - கேள்வி-பதில் (தொடர் பதிவு)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக