என் வங்கி சேமிப்பு 28 ஆயிரம் ரூபாய்! – சாருஹாசன்

**ayyasamy ram** · **ayyasamy ram** Thu Aug 10, 2017 9:37 pm

-
உங்க வழக்கறிஞர் வாழ்க்கையில் நடந்த சுவாரஸ்
சம்பவம் ஏதாவது இருக்கா?
–
சாருஹாசன் பேட்டியில் சொன்னது:
நிறைய இருக்கு ,என் அனுபவத்தில் ஒரு கேஸ் நடந்தது.
கிராமத்தில் ஒருவன் வீட்டுக்கு முன்னால இருந்த மரத்தை
இன்னொருவன் நைட்டோ நைட்டா வெட்டிக் கொண்டு
போய் விட்டான்.

ஒருத்தன் வீட்டுக்கு முன்னால இருக்கும் மரத்தை
வெட்டிட்டா அது பெரிய அவமானம். அந்த கேஸ் என்கிட்ட
வந்தது. வெட்டி எடுத்துப் போனவனை உடைந்துபோன
வாளை அங்கேயே போட்டுவிட்டு போய்விட்டான்.

நான் மரம் அறுத்தவன் சார்பா ஆஜராகி வாதாடினேன்.
மரத்துக்கு சொந்தக்காரன் கையில் பாதி வாள் இருந்தது.
சில வருஷத்துக்கு முன்னால உன்மேல ஒரு பஞ்சாயத்து
ஆச்சே. அப்ப உனக்கு அபராதம் போட்டாங்களே
தெரியுமானு கேட்டேன்.

அவன் போட்டிருக்கலாம் ஆனா எனக்குத் தெரியாதுனு
சொன்னான். அவனுக்கு அபராதம் போட்டது ஒரு
பொம்பளையை கையைப் பிடிச்சு இழுத்ததற்காக,
ஆனா அவனால வெளிப்படையா கோர்ட்ல சொல்ல
முடியுமா? முடியாது. இத நான் தெரிஞ்சுக்கிட்டேன்.

நான் சொல்றேன். நீ ஒருத்தனோட வாளை வாங்கிட்டுப்
போன, அத உடைச்சு கொண்டு வந்து கொடுத்த,
அதனால் அபராதம் போட்டாங்கனு சொன்னேன்.
அவனால மறுக்க முடியல.

ஏன்னா பொம்பளை மேட்டர். அத எப்படி சொல்லுவான்.
அவன் நான் யாருகிட்டயும் வாளை வாங்கவும் இல்ல.
உடைக்கவும் இல்லைனு சொன்னான். நானே ஒரு சாட்சி
ரெடி பண்ணி மீதி வாளை அவன் கையில கொடுத்து
கோர்ட்டுக்க வரச் சொன்னேன்.

அவன் உடைஞ்ச வாளை எடுத்துகிட்டு வந்து சாட்சி
சொன்னான். மரத்தோட சொந்தக்காரன் இல்லவே
இல்லனு மறுத்தான்.

நீதிபதி கேட்டார். எப்படி நிரூபிப்பது? நான் சொன்னேன்.
என் சாட்சியின் கையில் இருக்குற வாளையும், அவன்
கையில் இருக்குற வாளையும் ஒண்ணா ஒட்ட வச்சுப்
பாருங்க. அது சரியா ஒட்டினா இவன் சொல்வது
பொய்னு சொன்னேன்.

வாங்கி ஒட்ட வச்சுப் பார்த்தாங்க. வாள் சரியா
பொருந்திப் போச்சு. உடனே பொய் கேஸ்னு சொல்லி
மரம் அறுத்த என் கட்சிக்காரரை விடுதலை
செஞ்சிட்டாங்க.

ஒர குற்றவாளி நேரடியா நீதிபதியிடம் வாதிட முடியாது.
அவன் தன் தரப்பை விளக்க ஒரு வழக்கறிஞர் தேவை.
நாம அதிகத் தவறுகள் நடக்காம காப்பாற்ற ஒரு
தரப்பை எடுக்கிறோம். அதான் தொழில் தர்மம்.

அத மீறி வேற அளவுக்குப் போய் யோசிக்கக் கூடாது.
நான் வாதாடி வாங்கின ஃபீஸ் ரொம்ப கம்மி.
நான் வாங்காம விட்ட தொகைகள் அதிகம்.
என் அசிஸ்டெண்டுகளே கேட்பாங்க. ஏன் சார் பாக்கிப்
பணத்தை வாங்காம விடுறீங்கனு.

அவன்கிட்ட பணமே இருக்காது. மீறி விரட்டினா அவன்
அடுத்த கேஸுக்கு வேற வக்கீலை பார்க்க போய்
விடுவான். அது எனக்குத் தெரியும்.

ஊர்கள்ல ஒருகடையில பாக்கி வச்சா அடுத்த கடையில
போய் ரொக்கம் கொடுத்து வாங்குவாங்க.
நீங்க கேள்விப் பட்டிருக்கீங்களா? அதப்போலதான்.
நானொரு நாத்திகன். லெஃப்டிஸ்ட்.
சொத்த சேர்க்கக்கூடாதுனு ஒரு கொள்கையோட
வாழ்ந்தவன் ரோட்டி, கப்டா மக்கன் தானே மனுஷனுக்கு
வேண்டியது.

அது எனக்கு குறைவே இல்லையே. என் வங்கி சேமிப்பு
28 ஆயிரம் ரூபாய் இருக்கு. அது போதுமே
–
———————————-
.
– ஆர். ஹைதர்கான்
குமுதம்

**T.N.Balasubramanian** · **T.N.Balasubramanian** Thu Aug 10, 2017 11:19 pm

ஒர குற்றவாளி நேரடியா நீதிபதியிடம் வாதிட முடியாது.

அப்பிடியா ? என்னுடைய கேஸை நானே வாதிடுகிறேன் என பெரிய அரசியல் தலைவர்கள் எல்லாம் சொல்லி
வாதிடுகிறார்களே!

ரமணியன்

**M.Jagadeesan** · **M.Jagadeesan** Fri Aug 11, 2017 6:24 am

குற்றம் சாட்டப்பட்டவரும் வாதிடுவதற்கு சட்டத்தில் இடமுள்ளது ; ஆனால் சட்ட நுணுக்கங்கள் தெரிந்திருந்தால் நல்லது . பராசக்தி படத்தில் , குற்றம் சாட்டப்பட்ட சிவாஜி கணேசன் , வக்கீல் இல்லாமல் வாதிடுகிறாரே ! கருத்தாழமிக்க அந்த வசனங்கள் இன்றளவும் பேசப்படுகிறதே !

Sponsored content · Sponsored content

என் வங்கி சேமிப்பு 28 ஆயிரம் ரூபாய்! – சாருஹாசன்

என் வங்கி சேமிப்பு 28 ஆயிரம் ரூபாய்! – சாருஹாசன்

Re: என் வங்கி சேமிப்பு 28 ஆயிரம் ரூபாய்! – சாருஹாசன்

Re: என் வங்கி சேமிப்பு 28 ஆயிரம் ரூபாய்! – சாருஹாசன்

Re: என் வங்கி சேமிப்பு 28 ஆயிரம் ரூபாய்! – சாருஹாசன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக