தமிழுக்கு அங்கீகாரம் எங்கே? தம்பிதுரை திடீர் ஆவேசம்!

**ayyasamy ram** · **ayyasamy ram** Thu Aug 10, 2017 5:56 am

லோக்சபாவில் நேற்று நடந்த விவாதத்தில் பங்கேற்ற,
துணை சபாநாயகர், தம்பிதுரை பேசியதாவது:

நாடு, சுதந்திரம் பெற, அனைத்து மொழிகளைச் சேர்ந்த
மக்களும் போராடியுள்ளனர்.
குறிப்பிட்ட ஒரு மொழிக்கு மட்டும் முன்னுரிமை தருவதற்கு
பதில், அனைத்து மொழிகளையும் சமமாக நடத்துவது,
பார்லிமென்டின் கடமை.

நாட்டின் அனைத்து மொழிகளையும், பிராந்திய மொழிகளாக
மட்டும் அங்கீகரிக்காமல், தேசிய மொழிகளாக அங்கீகரிக்க
வேண்டும்.

தமிழ், தெலுங்கு, பெங்காலி உள்ளிட்ட அனைத்து மொழிகளுக்கும்,
அலுவல் அந்தஸ்து கிடைக்கும் வகையில் அங்கீகாரம் அளிக்க,
நாம் உறுதிமொழி ஏற்க வேண்டும்.

லோக்சபாவில் பேசுகையில்,தமிழ் உள்ளிட்ட, மாநில மொழிகளின்
மொழிபெயர்ப்பை கேட்க முடிவ தில்லை. இதனால், ஹிந்தி
அல்லது ஆங்கிலத்தில் பேச வேண்டிய நிலை ஏற்படுகிறது

.மறைந்த தலைவரும், தமிழக முதல்வருமான, எம்.ஜி.ஆர்., சிறந்த
காந்தியவாதியாக திகழ்ந்தார்; அவர் தாயாருக்கு, கைத்தறி ஆடை
அணிவதில் விருப்பம் கிடையாது.

கைத்தறி உடை அணிய அனுமதிக்காவிட்டால், திரு மணம் செய்ய
மாட்டேன் என, தன் அன்னையிடம், எம்.ஜி.ஆர்., நிபந்தனை
விதித்தார்.

அதனால், கைத்தறி ஆடை அணிய, எம்.ஜி.ஆருக்கு, அவரது தாயார்,
அனுமதி வழங்கினார். காங்., கட்சியுடன், திராவிட இயக்கத்திற்கு,
மாறுபட்ட கருத்து இருந்திருக்கலாம்.

இருப்பினும், சுதந்திர இந்தியாவுக்காக, அவை இரண்டும் போராடி
உள்ளன.இவ்வாறு அவர் பேசினார். லோக்சபாவில் நேற்று, தன்
உரையை துவக்கிய தம்பி துரை, தமிழில் பேசினார்;
இதனால், சபையில் முணுமுணுப்பு எழுந்தது.

-----------------------------------
தினமலர்

**M.Jagadeesan** · **M.Jagadeesan** Thu Aug 10, 2017 6:34 am

இப்போது ஆவேசப்பட்டு என்ன பயன் ?

ஜனாதிபதி , துணை ஜனாதிபதி தேர்தலில் வரிந்து கட்டிக்கொண்டு ஆதரவு தெரிவித்தீர்களே ! அப்போது எங்கே போயிற்று இந்த ஆவேசம் ?

NEET தேர்வுக்கு , தமிழ்நாட்டுக்கு விலக்கு கொடுத்தால்தான் உனக்கு ஓட்டு ! இல்லையேல் வேட்டு என்று மிரட்டி இருக்கவேண்டாமா ? உங்கள் தலைவி இருந்திருந்தால் மோடி இப்படி துள்ளுவாரா ?