நண்பர்தினம் !!!

jairam · jairam Tue Aug 08, 2017 6:09 pm

நண்பர்தினம் !!!

அஞ்சல் பெட்டியென்று
அரைக்கால் சட்டை ஓட்டை நகைத்தோம்
ஓருயிரானோம் ஒர்நாள் அன்று !

பொதுவானமாய் தூவானமாய்
சாதிகள் மறந்து சாஸ்திரம் துறந்தோம்
நட்பில் நாமெல்லாம் இணைந்து !

பாலைவனச் சோலையாய்
உடல் உதிரமிழந்து விரைந்து உறைந்திடினும்
உயிர்த்தெழுவோம் உற்றநண்பன் உடனிருக்க !

புதைந்துவிடும் பொக்கிஷமாய்
அழிந்து போய்விடுமென பிரிவு பின்தொடர
சண்டையில் சாவதில்லை நம்நட்பு !

தயிர்கடைந்து வெண்ணையாகிவிட‌
நண்பன் பெயர் மறந்தேன் நான்
நாள்முழுதும் மச்சான் என்றழைக்க !

ஆனந்த அடைமழையில்
நாமெல்லாம் நமைமறந்து நற்கவி பாடிட‌
நண்பர்தினம் வருமா நாள்தோறும் !

**T.N.Balasubramanian** · **T.N.Balasubramanian** Tue Aug 08, 2017 8:34 pm

நற்கவி பாடிட
வரவேண்டுமா நண்பர் தினம்
தினம் தினம் ?

நட்புகள் பல
நன்றே போற்றும்
நவில்கின்ற கவிதையினை.!

நூறு நாளாய் காணவில்லையே
ஊறு ஒன்றுமில்லையே உடலுக்கு ?
அதிகம் வருவேன் எனக்கூறி
அதையும் மறந்தீரே ஏன்?

சொந்த கவிதை பகுதிக்கு
இந்த அருமிகு கவிதையும்
மாற்றுகிறேன் இன்று .
மறவாதீர் மதிமிகு நண்பரே.

ரமணியன்

jairam · jairam Tue Aug 08, 2017 10:02 pm

மிக்க நன்றி பாலா சார். ஈகரையுடன் இயைந்தேதான் இருக்க மனம் . ஆனால் இடைவெளிக்கு காரணம் உண்மையிலே கூறத்தெரியவில்லை ஐயா. இன்று கவிதை நயத்தில் உம் கனிவான வரிகள் கண்ட நான் கனிந்து விட்டேன் அதே நேரத்தில் ஈகரையில் வராமல் வந்த வருத்தமும் கூட.

வார்த்தைகள் வரவில்லை உமை வாழ்த்த . வணங்குகிறேன் ஐயா .

**T.N.Balasubramanian** · **T.N.Balasubramanian** Tue Aug 08, 2017 10:08 pm

நன்றி ,தொடர்ந்து பங்கேற்கவும். புன்னகை

ரமணியன்

Sponsored content · Sponsored content

நண்பர்தினம் !!!

நண்பர்தினம் !!!

Re: நண்பர்தினம் !!!

Re: நண்பர்தினம் !!!

Re: நண்பர்தினம் !!!

Re: நண்பர்தினம் !!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக