வர்தா நீயும் வா

வர்தா நீயும் வா

வர்தாவே தமிழகப் படையெடுப்புகளில் ஒன்றான நீ
எதனைக் கொள்ளையிட இங்கு வந்தாய்
எங்களிடத்தில் எஞ்சியிருக்கும் மரச்செல்வங்களை
வாாிச்சுருட்ட நீயும் வக்கணையோடு வந்தாயோ?

எறியாத தெருவிளக்கு கம்பங்களைச்
சாய்த்து எறிந்திட நீயும்
சீறிட்டு கிளம்பி வந்தாயோ?

ஊசிமுனையில் உயிர்பிடித்து நிற்கும்
வனவிலங்குகளின் காட்சியகத்தை
விடுவிக்க நீயும் விரைவாக வந்தாயோ?

நாடாப் புயலெனஉன்னைக் கட்டிப்போட்டிருந்தோம்
வர்தாப் புயலாக நீயும் வங்கக் கடலேறி வந்ததிங்கு ஏனோ?

ஓலைக்கீற்றில் காற்றாடி செய்து
வீதியெங்கும் நாங்கள் ஓலமிட்டு ஓடினோம்
எங்கள் ஓட்டு வீடுகளையும்
ஓலைக்கூரைகளையும்
சீதையாய் நீயும் சிறைப்பிடித்தது ஏனோ?

காரைக் கவிழ்து நீ வேடிக்கை பார்த்தாய்
மௌனமாய் மண்ணில் புதைந்திருக்கும்
மரத்தின் வேர்களையும் மல்லாக்கப் போட்டாய்
எங்களையும் தூக்கிச் செல்ல நீ எத்தனித்தாய்
அப்பொழுது எங்களுக்குள்
சாதி,மத, மொழிப்பேதங்களெல்லாம் கடந்துபோனது.
ஏழை, பணக்காரன் என்ற நிலையும் மறந்துபோனது
கைகோர்த்த கரங்கள் அனைத்தும்
வங்கக் கரையோரத்தில் கலந்து நின்றது.

வர்தாப்புயலே !
உன்னால் மண்ணுக்குள் மண்டிக்கிடக்கும்
மரத்தின் வேர்களைப் புரட்ட முடியுமே தவிர
எங்களின் மனிதத்தை உடைக்க முடியாது.

சுனாமியும் எங்களைச் சுழற்றிப் போட்டது
ஏாி வெள்ளதும் எங்கள் இல்லத்திற்குள்
புகுந்து சென்றது.
வர்தாப் புயலான நீ மட்டும்
என்ன எங்களை வாழ்த்தவா வந்தாய்

சுனாமியின் இரத்தக்கங்கையில்
முகமறியா சுற்றம்
எங்கள் முற்றம் நிறைத்தது
வார்த்தையற்ற சொந்தங்கள்
வாாியனைத்தது.
மழையில் மனிதம் துளிர்த்தது
காற்றே உன்னால்
எங்களின் ஒட்டுமொத்த கரங்களும் இணைந்தது.

வர்தா நீ வாழியவே!
வர்றதா இருந்தா இன்னும் நீ வளர்கவே!
எதிாிகள் கூட எங்களுக்கு இணையாக வேண்டும்
தமிழர்களின் தன்னம்பிக்கை வேர்களை
தலைத்தோங்கச் செய்திட வேண்டும்.

வர்தா நீயம் வா
விருந்தினனாக மட்டும் அல்ல
விரோதியாகக் கூட வா
வந்தாரை வரவேற்கும் தமிழ்நாடு
உன்னையும் அன்புடன் வரவேற்கிறது.

என்ன ஒரே குழப்பமாக இருக்கிறதே!
அது செய்த கொடுமைகளை பட்டியலிட்டு
வரவேற்கிறீர்களா ?

ரமணியன்

இயற்கைச் சீற்றம் மனிதத்தை தோற்றுவிக்கிறது என்ற பொருண்மையில் கவிதை புனைந்துள்ளேன் ஐயா

maheshpandi wrote:இயற்கைச் சீற்றம் மனிதத்தை தோற்றுவிக்கிறது என்ற பொருண்மையில் கவிதை புனைந்துள்ளேன் ஐயா

மேற்கோள் செய்த பதிவு: 1230566

ஓ...சரி சரி...............