எங்கள் நாட்டு பிரதமர் ஆகுங்கள்: சுஷ்மாவை புகழும் பாக்., பெண்

**ayyasamy ram** · **ayyasamy ram** Fri Jul 28, 2017 5:23 pm

புதுடில்லி:
உடல்நலக்குறைவு காரணமாக விசா வழங்க நடவடிக்கை
எடுத்த சுஷ்மாவை, பாகிஸ்தானை சேர்ந்த பெண் ஒருவர்
புகழ்ந்து கருத்து தெரிவித்துள்ளார்.

சுஷ்மா பாகிஸ்தான் பிரதமராக இருந்திருக்க வேண்டும்.
எங்கள் நாடு மாறியிருக்கும் எனவும் அவர் கூறியுள்ளார்.

பாகிஸ்தானை சேர்ந்த ஹிஜாப் ஆசிப் என்ற பெண்,
கல்லீரல் பாதிப்பால் பாதிக்கப்பட்டுள்ளார். இந்தியாவில்
சிகிச்சை அளிக்க வேண்டி விண்ணப்பம் செய்தார்.

தொடர்ந்து அவர் டுவிட்டரில் இந்திய வெளியுறவு அமைச்சர்
சுஷ்மாவின் பக்கத்தில், என் உடல்நிலை குறித்து தெரிவித்து
இஸ்லாமாபாத்தில் உள்ள இந்திய தூதரக அலுவலகத்தில்
துணைத்தூதரை சந்தித்து, இந்தியா செல்ல விசா கேட்டு
விண்ணப்பம் செய்தேன்.

நீங்கள் தான் முடிவு செய்ய வேண்டும் எனக்கூறினார்.
உடனடி சிகிச்சை செய்ய வேண்டியுள்ளது எனக்
கூறியிருந்தார்.

இதனை பார்த்த வெளியுறவு அமைச்சர் சுஷ்மா, சிகிச்சை
பெற உள்ள பெண்ணுக்கு உடனடி விசா வழங்குமாறு,
இந்திய தூதர் பாம்பாவாலேவுக்கு உத்தரவிட்டார்.

இதனையடுத்து அவரும் விசா வழங்க நடவடிக்கை எடுக்கப்
பட்டு வருவதாகவும், அந்த பெண்ணுடன் தொடர்பில்
உள்ளதாகவும் டுவிட்டரில் சுஷ்மாவுக்கு பதில் அளித்தார்.

விசா வழங்க உத்தரவிடப்பட்டதை தொடர்ந்து ஆசிப் தனது
டுவிட்டரில், சுஷ்மா, நான் உங்களை எப்படி அழைப்பது?
சூப்பர் பெண்? கடவுள்? உங்கள் பெருந்தன்மையை விவரிக்க
வார்த்தையில்லை. உங்களை புகழ்வதை நிறுத்த மாட்டேன்.
எனது இதயம் உங்களுக்காக துடிக்கும்.

உங்கள் மீது மிகுந்த அன்பும் மரியாதையும் வைத்துள்ளேன்.
நீங்கள் எங்கள் நாட்டு பிரதமராக இருந்திருக்க வேண்டும்.
எங்கள் நாடு மாறியிருக்கும் என புகழ்ந்துள்ளார்.
-
------------------------------------------
தினமலர்

**M.Jagadeesan** · **M.Jagadeesan** Fri Jul 28, 2017 6:51 pm

இந்தியாவின் பிரதமராக சுஷ்மாஜி வந்திருந்தால் சிறப்பாக இருந்திருக்கும். பிரதமர் ஆவதற்கு அனைத்து தகுதிகளும் கொண்டவர். என்ன செய்வது ? அத்வானி அவர்களையே வரவிடாமல் செய்துவிட்டார்களே ! அப்புறம் கட்சியில் சீனியர் ஆக இருந்து என்ன பயன் ?

எங்கள் நாட்டு பிரதமர் ஆகுங்கள்: சுஷ்மாவை புகழும் பாக்., பெண்

எங்கள் நாட்டு பிரதமர் ஆகுங்கள்: சுஷ்மாவை புகழும் பாக்., பெண்

Re: எங்கள் நாட்டு பிரதமர் ஆகுங்கள்: சுஷ்மாவை புகழும் பாக்., பெண்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக