கூழாங்கற்கள்...!!

ந.க.துறைவன் · ந.க.துறைவன் Thu Jul 14, 2016 6:33 am

இரண்டு கவிதைகள்.

1.
குழிப்புண்கள்
*
மேம்பாலத்தைக்
கடக்கும் போதெல்லாம்
பாலாற்று நதியைப்
பார்க்கிறது கண்கள்.
மணல் வாரி வாரி
எடுத்துள்ளதால்
உடம்பெல்லாம்
குழிப்புண்கள்.
*
2.
கட்டணம்
*.
நகராட்சி கட்டணக்
கழிப்பிடத்தில்
இலவசமாக
சிறுநீர் கழிக்கிறது
நாய்.
ந.க.துறைவன்.
*

ந.க.துறைவன் · ந.க.துறைவன் Thu Aug 18, 2016 6:32 am

பொருத்தம்…!!
*
பத்து பொருத்தத்தில்
ஆறு பொருந்தி வந்தது
மீதி நான்கு பொருந்தி
வரவில்லையென்று
கணித்துக் கொடுத்தது
கம்ப்யூட்டர் ஜாதகம்.
ந.க.துறைவன்.
*
முப்பது ஜாதகப்
பொருத்தம் பார்த்தார்கள்
பொருந்தி வரவில்லை.
பொருத்தமானவனோடு
அவள் ஒருநாள்
பறந்து போய்விட்டாள்.
ந.க.துறைவன்.

ந.க.துறைவன் · ந.க.துறைவன் Thu Sep 22, 2016 6:14 am

உயிர் பறிக்கும் மின்வயர்…!!
*
மின்சார வயரைக் கடித்து
தற்கொலை செய்துக் கொள்ளும்
புதியதொரு உத்தியை
அறிமுகமாக்கியுள்ளார்கள்
உங்கள் வீட்டில்
அவளோ / அவனோ இருந்தால்
பத்திரமான பாதுகாத்துக் கொள்ளுங்கள்.
அவர்கள் மனப்போக்கை அறிந்து
சற்றே விட்டுக் கொடுத்து
பழகி பாசமாயிருங்கள்.
எதற்கெடுத்தாலும் அவர்கள் மீது
குற்றப் பத்திரிகை வாசிக்காதீர்கள்.
அவளோ / அவனோ எதற்கேனும்
கோபித்து முரண்டு பிடிக்க
இடம் தராதீர்கள்.
அவர்களி்ல் எவரேனும் தற்கொலைக்கு
முயற்சிக்கலாம் உங்களுக்கே தெரியாமல்
வீட்டில் எட்டாத உயரத்தில்
இருக்கும் அறுந்த மின்சாரவயர்களை
உடனே பழுது பாருங்கள்
குடும்பபப் பிரச்னையில் ஏடாகூடமாக
ஏதேனும் நடக்க வாய்ப்பில்லாமல்
உயிர்களைப் பாதுகாக்கலாம்.
ந.க.துறைவன்.

**T.N.Balasubramanian** · **T.N.Balasubramanian** Thu Sep 22, 2016 6:39 am

அருமை துறைவன் அவர்களே . அன்பு மலர்

உங்கள் வீட்டில்
அவளோ / அவளோ இருந்தால்

ரெண்டாவது அவளோ , அவனோ என மாற்றப்படுகிறது .

ரமணியன்

**M.Jagadeesan** · **M.Jagadeesan** Thu Sep 22, 2016 7:24 am

மாற்றியிருக்கத் தேவையில்லை என்பது என் கருத்து.

முதலில் சொல்லப்பட்ட அவளோ மகளாகவும்
இரண்டாவதாகச் சொல்லப்பட்ட அவளோ மனைவியாகவும் இருக்கலாமே !

காதல் தோல்வியால் மகள் கரண்டைக் கடிக்க வாய்ப்புண்டு .
கணவன் சின்னவீடு வைத்திருப்பது தெரியவந்தால் , மனைவியும் கரண்டைக் கடிப்பதற்கு வாய்ப்புண்டு .

**T.N.Balasubramanian** · **T.N.Balasubramanian** Thu Sep 22, 2016 8:59 am

M.Jagadeesan wrote:மாற்றியிருக்கத் தேவையில்லை என்பது என் கருத்து.

முதலில் சொல்லப்பட்ட அவளோ மகளாகவும்
இரண்டாவதாகச் சொல்லப்பட்ட அவளோ மனைவியாகவும் இருக்கலாமே !

காதல் தோல்வியால் மகள் கரண்டைக் கடிக்க வாய்ப்புண்டு .
கணவன் சின்னவீடு வைத்திருப்பது தெரியவந்தால் , மனைவியும் கரண்டைக் கடிப்பதற்கு வாய்ப்புண்டு .

மேற்கோள் செய்த பதிவு: 1222292

கவிதையின் 13 வரியை பார்க்கவும்
அதிலும் அவளோ /அவளோ என்று இருந்திருந்தால் ,
நான் மாற்றியதை தவறாக காணலாம் .
அதில் அவளோ /அவனோ என்றல்லவா இருக்கிறது .

துறைவனின் கருத்து என்னவோ ??????.

ரமணியன்

ந.க.துறைவன் · ந.க.துறைவன் Thu Sep 22, 2016 3:32 pm

தங்களின் முடிவே என் முடிவும். ஆண் / பெண் இருபாலாரையும் குறிக்கவே அப்படி எழுத்னேன். மிக்க நன்றி.

ந.க.துறைவன் · ந.க.துறைவன் Mon Oct 24, 2016 4:13 pm

ஆறுசுவை…!!

1.
உன் கிளர்த்தலில்
மலர்ந்தது
நான்.
2.
எனது தனிமையை
வென்றாள்.
3.
உன் முந்தானை
அசைத்து காட்டுகிறது
பச்சை கொடி.
4.
உன் மூக்குத்தி
எனக்கு
சிக்னல் விளக்கு.
5.
மெட்டி அறியுமா?
உன்
கனிந்த வெட்கம்.
6.
பாமாவுக்கு
மாமாவைப் பிடிக்கும்.
ந.க.துறைவன். posted on 23-10-2016.ஆறுசுவை…!!

1.
உன் கிளர்த்தலில்
மலர்ந்தது
நான்.
2.
எனது தனிமையை
வென்றாள்.
3.
உன் முந்தானை
அசைத்து காட்டுகிறது
பச்சை கொடி.
4.
உன் மூக்குத்தி
எனக்கு
சிக்னல் விளக்கு.
5.
மெட்டி அறியுமா?
உன்
கனிந்த வெட்கம்.
6.
பாமாவுக்கு
மாமாவைப் பிடிக்கும்.
ந.க.துறைவன்.
*

*

ந.க.துறைவன் · ந.க.துறைவன் Fri Apr 21, 2017 9:18 am

சம்பந்தம்….!!

சம்பந்தம் இல்லாதவர்
சம்பந்தம் இல்லாததைப் பேசினார்
சம்பந்தம் உள்ளவர் அருகில்
இல்லாமலேயே அவரைப் பற்றி பேசுவது
எனக்கு சம்பந்தம் இல்லையென்று சொன்னார்.
யாருக்கு எது சம்பந்தம் என தெரியாது?
இருவருமே. எந்த சம்பந்தம்
இல்லாத ஒன்றைப் பற்றி பேசினார்கள்.
சம்பந்தம் இருந்தவரை அவரைப் பற்றி
சம்பந்தப்பட்டவர்கள் இவ்வளவு
விளாவாரியாகப் பேசியது கிடையாது என்று
சம்பந்தப்பட்டவர் சொன்னார்.
சம்பந்தம் இன்றில்லை நேற்று இருந்தார்.
அது சம்பந்தமாகவே
அவர்கள் பேசினார்கள் என்று
சம்பந்தப்பட்டவர் சொன்னபோது தான்
சம்பந்தம் உள்ளது எல்லாமே புரிந்தது.
ந.க.துறைவன்.

ந.க.துறைவன் · ந.க.துறைவன் Wed May 10, 2017 10:03 am

1. பரிசோதனை…!!

மருத்துவப் பட்டப் படிப்பிற்கு
முன்பே
மாணவ / மாணவியர்களின்
அங்கப் பரிசோதனைகள் -இப்
பரிசோதனைகளில் தேர்ந்தால் தான்
மருத்துவத் தேர்வில்
வெற்றி பெற முடியுமோ?
மனித உரிமை மீறல்கள்
மனதில் விழுந்தக் கீறல்கள்.
*
2. முடிச்சு…!!

முடிச்சை அவிழ் முடிச்சை அவிழ்
முந்தானையில் முடிச்சி போட்டு
வைத்திருக்கும் அவனை விடு
முடிச்சை அவிழ்
விடுதலைக் கேட்கிறான்
அவனை விடு
விடுதலை என்பது சுதந்திரமல்ல.
அடிமை அன்பு
அவனை விடுவிப்பதே
உன் சுதந்திரம்.
ந.க.துறைவன்.

Sponsored content · Sponsored content

கூழாங்கற்கள்...!!

கூழாங்கற்கள்...!!

Re: கூழாங்கற்கள்...!!

Re: கூழாங்கற்கள்...!!

Re: கூழாங்கற்கள்...!!

Re: கூழாங்கற்கள்...!!

Re: கூழாங்கற்கள்...!!

Re: கூழாங்கற்கள்...!!

Re: கூழாங்கற்கள்...!!

Re: கூழாங்கற்கள்...!!

Re: கூழாங்கற்கள்...!!

Re: கூழாங்கற்கள்...!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக