விவசாயம் வீழ்ந்து போச்சு

by Shivasakthi Danadjeane Tue Jul 25, 2017 12:01 am

விவசாயம் வீழ்ந்து போச்சு
எங்க பொழப்பும் காய்ந்து போச்சு
ஐநா சபை நீயும் கூட்டி
ஐயநாரே காப்பாத்து

விவசாயம் வீழ்ந்து போச்சு
எங்க குடும்பம் சாய்ந்து போச்சு
ஐநா சபை நீயும் கூட்டி
ஐயநாரே காப்பாத்து

கரிசல் காட்டு நிலமும் கூட
வெடிச்சே போச்சி
சோளக்கொல்லை பொம்ம இப்போ
ஒடைஞ்சே போச்சி
விவசாயி விடியலத்தான்
தேடி தேடி ஒடிவந்தான்
அது கிடைக்காம
படையலுக்கு உசுர விட்டான்

தண்ணியத்தான் தேடி தேடி
ஓடி வந்தோம் நாங்க
அது கெடைக்காம விவசாயம்
காஞ்சி போச்சி தாங்க
வெளிநாட்டுகாரன் தண்ணிய விக்க
பார்த்து நின்னோம் நாம

அரசாங்கம் கண்டுக்கல
நம் நாட்டின் முதுகெலும்பா தாங்க
அடுக்கடுக்கா வீழ்ந்து போச்சு எங்க உசிருதாங்க
விவசாயம் காப்பாத்த கையகொடுக்கனும் நீங்க

இளைஞா நீ எங்களையும் திரும்பிபார்க்க வேணும்
ஹைட்ரோ கார்பன் திட்டத்தில
பேசமறுப்பதேனோ

இயற்(க்)கை வளம் நாம காக்க
போராட வேணும்
நெடுவாசல் மக்கள் குறை கேட்க வேணும் நீங்க

ஊடகத்தில எங்கள பாத்து ரசித்தெல்லாம் போதும்
கடனனுக்காக நாங்க உசிர விட்டதெல்லாம் போதும்

ஒவ்வொரு வேளை சாப்பாட்டுல
எங்க உழைப்ப ருசிக்கிறிங்க.

by **T.N.Balasubramanian** Tue Jul 25, 2017 12:15 am

வாங்க சிவசக்தி ! அருமையான காலத்திற்கேற்ற கவிதை. அன்பு மலர்

ஈகரை உங்களை அன்புடன் வரவேற்கிறது.

அறிமுகப்பகுதிக்கு சென்று மேலதிக தகவல்களுடன்
உங்களை அறிமுகப்படுத்திக் கொள்ளுங்கள் .

இது உங்கள் சொந்த கவிதைதானே ?.
சொந்த கவிதை பகுதியில் இணைத்துவிடவா?

ரமணியன்