ஜனாதிபதி தேர்தல் -ஸ்ரீ ராம்நாத் கோவிந்த் வெற்றி

**T.N.Balasubramanian** · **T.N.Balasubramanian** Thu Jul 20, 2017 6:24 pm

ஜனாதிபதி தேர்தல் -ஸ்ரீ ராம்நாத் கோவிந்த் வெற்றி

புதுடில்லி: நடந்து முடிந்த ஜனாதிபதி தேர்தலில் பா.ஜ., தலைமையிலான தேசிய ஜனநாயக கூட்டணியின் வேட்பாளர் ராம்நாத்கோவிந்த் மீராகுமாவரை விட 65 சதவீத ஓட்டுக்கள் பெற்று வெற்றி பெற்றார். கடந்த 17 ம் தேதி ஜனாதிபதி தேர்தல் நடந்தது. தேர்தலில் பா.ஜ., கூட்டணி சார்பில் ராம்நாத் கோவிந்தும், காங் கட்சியின் ஐக்கிய முற்போக்கு கூட்டணி சார்பில் மீராகுமாரும் போட்டியிட்டனர். தேர்தலில் 99 சதவீத ஓட்டுகள் பதிவாகின. முதல் சுற்றில் ராம்நாத் கோவிந்த் 4,79,585 மதிப்பு ஒட்டுக்களும், மீராகுமார் 2,42,594 மதிப்பு ஓட்டுகளும் பெற்றனர். இறுதிச்சுற்றில் ராம்நாத் கோவிந்த் 65.65 சதவீதம், மீராகுமார் 34.35 சதவீத ஒட்டு பெற்றனர்.
ராம்நாத் கோவிந்த் பெற்ற ஓட்டுக்கள்: 7 லட்சத்து 02 ஆயிரத்து 644.

மீராகுமார் பெற்ற ஓட்டு: 3 லட்சத்து 67 ஆயிரத்து 314 .
தேர்தலில் பதிவான ஓட்டுகள் கொண்ட பெட்டி பாதுகாப்புடன் டில்லி கொண்டு செல்லப்பட்டது. முதலில் பார்லிமென்ட் வளாகத்தில் பதிவான ஓட்டுகள் எண்ணப்பட்டன. தொடர்ந்து மாநில வாரியாக ஓட்டுகள் எண்ணப்பட்டன. ஓட்டுகள் எண்ணி முடிக்கப்பட்டு இன்று மாலை 5 மணியளவில், தேர்தல் முடிவுகளை தேர்தல் அலுவலர் அனுப்மிஸ்ரா அதிகாரப்பூர்வமாக வழங்கினார்.

நன்றி தினமலர்

ரமணியன்

**ayyasamy ram** · **ayyasamy ram** Thu Jul 20, 2017 6:29 pm

ஜனாதிபதி தேர்தல் -ஸ்ரீ ராம்நாத் கோவிந்த் வெற்றி E66M5CQ428Dkd0K7K1bg+KOVINDjpga

ராம்நாத் கோவிந்த். கோப்புப்படம்
-
ஜூலை 24-ம் தேதி நடைபெறவுள்ள பதவியேற்பு விழாவில்
தமிழக முதல்வர் எடப்பாடி பழனிசாமி பங்கேற்க
உள்ளதாகத் தகவல் வெளியாகியுள்ளது.

இதனையடுத்து ராம்நாத் கோவிந்துக்கு ஆதரவளித்த
அனைவருக்கும் தமிழக பாஜக தலைவர்
தமிழிசை சவுந்தர்ராஜன் நன்றி தெரிவித்துள்ளார்.