மகளே..!மகளே..!!

by **ayyasamy ram** Sat Jul 15, 2017 1:52 pm

திருமணமான அன்று அந்த இளம் தம்பதியினர்
அவர்களுக்குள் ஒரு போட்டி வைத்து கொண்டனர்..

அதாவது இன்று முழுவதும் யார் கதவை தட்டினாலும்
நாம் திறக்க கூடது என்பது தான் அந்த போட்டி.

போட்டி துவங்கிய சில மணி நேரத்திலே கணவரின்
பெற்றோர்கள் கதவை தட்டினர். கணவர் கதவை
திறக்கலாம் என்று நினைக்கும் போது, போட்டி
நியாபத்துக்கு வரவே கதவை திறக்காமலே இருந்தார்.

அவரின் பெற்றோரும் சிறிது நேரம் கதவு அருகிலேயே
நின்றிருந்து, கதவு திறக்காததால் சென்று விட்டனர்.
சில மணி நேரத்தில் அந்த பெண்ணின் பெற்றோர்
கதவை தட்டினர்.

கணவனும் மனைவியும் ஒருவரை
ஒருவர் பார்த்து கொண்டனர். மனைவியால் தன்
பெற்றோர் வெளியே நிற்பதை பார்க்க முடியாமல்
கண் கலங்கி கொண்டே

“என்னால் இனி மேலும் சும்மா இருக்க முடியாது”
என்று கூறியவாரே கதவை திறந்து விட்டாள்.

கணவரும் ஒன்றும் சொல்லவில்லை .

நாட்கள் உருண்டோடின. அவர்களுக்கு நான்கு
மகன்களும் ஒரு மகளும் பிறந்தனர்.

அவள் கணவர் தனக்கு மகள் பிறந்ததை கொண்டாட பெரிய
விருந்து ஏற்பாடு பண்ணினார். மகிழ்சியுடன் விருந்து நடந்து
முடிந்தது.

அன்று இரவு அவர் மனைவி,

“நமக்கு மகன்கள் பிறந்த போது இந்த அளவு நீங்கள்
கொண்டாடவில்லையே ஏன்? என்று கேட்டார்.
அதற்கு அந்த‌ கணவர் சொன்னார்,

“என் மகள் தான் நாளை எனக்காக கதவை திறப்பாள்”
பெண்கள் எப்போதுமே விலை மதிப்பில்லாதவர்கள்,
பாசத்துக்குறியவர்கள்.
பெண்மையை போற்றுவோம்..!
–
———————————————-
படித்ததில் பிடித்தது

by **M.Jagadeesan** Sat Jul 15, 2017 2:38 pm

விக்டோரியா மகாராணிக்கும் அவரது கணவர் பிரின்ஸ் ஆல்பர்ட்டுக்கும் ஒருமுறை விவாதத்தில் கருத்து வேறுபாடு ஏற்பட்டது. ராணியாரின் பேச்சினால் மனம் புண்பட்ட ஆல்பர்ட், தன் அறைக்குச் சென்று கதவைத் தாழிட்டுக் கொண்டார். ஐந்து நிமிடம் கழித்து அறையைத் தட்டும் சத்தம் கேட்டது. “யார் அது?” வினவினார் ஆல்பர்ட். “ நான்தான் மகாராணி வந்திருக்கிறேன்” கதவு திறக்கப் படவில்லை. சற்று நேரம் கழித்து மீண்டும் கதவைத் தட்டினார் விக்டோரியா. “ நான்தான் உங்கள் மனைவி விக்டோரியா வந்திருக்கிறேன்” உடனே கதவைத் திறந்தார் ஆல்பர்ட், சமாதானம் ஏற்பட்டது.

இதிலிருந்து என்ன தெரிகிறது ? " நான் " என்ற அகந்தை பெண்களிடம் இல்லையென்றால் , ஆண்களும் அவர்களுக்கு வழிவிடுவார்கள் என்பது தெரிகிறதல்லவா !

by **T.N.Balasubramanian** Sat Jul 15, 2017 7:33 pm

படித்ததில் பிடித்தது ,ஈகரையில் ஏற்கனவே படித்த மாதிரி
எண்ணம் தோன்றுகிறது.

ரமணியன்

by **Dr.S.Soundarapandian** Sun Jul 16, 2017 7:31 pm

by **T.N.Balasubramanian** Mon Jul 17, 2017 12:13 am

T.N.Balasubramanian wrote:படித்ததில் பிடித்தது ,ஈகரையில் ஏற்கனவே படித்த மாதிரி
எண்ணம் தோன்றுகிறது.

ரமணியன்

மேற்கோள் செய்த பதிவு: 1245567

எந்தன் நினைவு சரியே, ayyasami ram !
இப்பதிவு ,திரு ராஜு சரவணன் அவர்களால் நான்காண்டுகளுக்கு முன்னால் ஜூன் 20 தேதி 2013 அன்று
http://www.eegarai.net/t100329-topic இல் பதிவு செய்யப்பட்டுள்ளது.

ரமணியன்

by **M.Jagadeesan** Mon Jul 17, 2017 6:07 am

ஐயா !

தங்களின் நினைவாற்றல் மெச்சத்தகுந்தது . எனக்கும் அப்படித்தான் ; யாராவது ஒரு கருத்தைச் சொன்னால் , அக்கருத்திற்குத் தொடர்பான இலக்கிய வரிகள் , நெஞ்சிலே பளிச்சிடும் .

by **T.N.Balasubramanian** Mon Jul 17, 2017 7:08 am

படிக்கும் சமாச்சாரம் ,கருத்தில் பதியக்கூடியது எனில்
நினைவில் இருப்பது நியாயம்தானே, Jagadeesan
உங்களுக்கு தெரிந்து இருக்குமே , நாம் நம்முடைய நினைவாற்றலை
3 விழுக்காடுகள்தான் உபயோகப்படுத்துகிறோமாம். முயற்சித்தால்
அதிகரிக்கக்கூடும் அநேகருக்கு இந்த விஷயம் தெரியாது.

ரமணியன்

by Sponsored content

மகளே..!மகளே..!!

மகளே..!மகளே..!!

Re: மகளே..!மகளே..!!

Re: மகளே..!மகளே..!!

Re: மகளே..!மகளே..!!

Re: மகளே..!மகளே..!!

Re: மகளே..!மகளே..!!

Re: மகளே..!மகளே..!!

Re: மகளே..!மகளே..!!