இராஜராஜேச்சரம்

First topic message reminder :





கோயில்என்றால் சைவர்களுக்குசிதம்பரந்தான்
வைணவர்களுக்கு கோயில்என்றால் திருவரங்ம்
அதேப்போல் பெரிய கோயில்’ என்றால்பொது மக்களுக்கு அது தஞ்சை இராஜராஜேச்சரமே மட்டுமே ஆகும்.”

அது 214 அடி உயரமுள்ள விமானத்தாலா ?
13 அடி உயரமுள்ள மிகப்பெரிய சிவலிங்கத்தாலா ?
12 அடி உயர நந்தியாலா?
81 டன் எடையுள்ள உச்சி வட்டம் காரணமா ?

எப்படியோ பெரிய கோயில், ‘ப்ருஹத் ஈஸ்வரம்’ எனும் வடமொழிப் பெயரால் ‘பிரஹதீஸ்வரம்’ என்று தற்போது அழைக்கப்படுகிறது , பெரிய லிங்கத்திருமேனி இடம் பெற்றுள்ளது என்பதால் ‘பிரஹதீஸ்வரர் ஆலயம்’ எனவும் அழைக்கப்படலாயிற்று.
இராஜராஜேச்சரம் என்னுமபெயர்சோழர்கள்தஞ்சையை
விட்டு விலகியவுடன் சிறுக சிறுக மறையலாயிற்று
எப்போது ‘பிரஹதீஸ்வரர் ஆலயம் என்று பெயர்பெற்றது ஆராயப்படவேண்டும்

இக்கோயிலின் விமானம் தக்ஷிணமேரு எனப்பெயர் பெற்றுத் திகழ்கிறது. இந்த விமானத்தை முழுவதும் பொன்னால் மூடப்பட்டு மேரு மலை போல் ஒளிவிட்டதாக ஒரு சிதைந்த கல்வெட்டு தெரிவிக்கிறது .
சென்ற நூற்றாண்டில் இத்திருக்கோயிலின் வரலாறு மக்களால் தெளிவாக அறியப்பட்டிருக்கவில்லை.
பலராலும் அது கரிகாலன் எனும் சோழன் கட்டியதாக அறியப்பட்டிருந்ததாக தெரிகிறது
சைவர்களால் திருவிசைப்பா அப்போது படிக்கப்பட்டு வந்தபோதும், அதிலுள்ள இராஜராஜேச்சுரம் என்னும் தொடர் வரலாற்று உணர்வோடு புரிந்து கொள்ளப்படவில்லை.

இச்சிவாலயத்தைப் பற்றிப் பலவகையான கற்பனைக் கதைகள் , நாட்டிலும் வழங்கி வந்தன.
இக்கோயிலைக் கட்டியவர் என்று பலருடைய பெயர்கள் தவறாகப் பரவியிருந்தன.
1892இல் வெளியான ‘தென்னிந்திய கல்வெட்டுக்கள்’ என்னும் நூலில், “பாண்டிய குலாசனி வளநாட்டுத் தஞ்சாவூர்க் கூற்றத்துத் தஞ்சாவூர் நாம் எடுப்பிச்ச திருக்கற்றளி ஸ்ரீராஜராஜீஸ்வரம்” எனும் தொடரால்தான் இது மாமன்னன் ராஜராஜன் கட்டிய செய்தி உறுதி செய்யப்பட்டது.
இதுதவிர இந்தக் கோயிலைப் பற்றிய வேறு பல செய்திகளும் தவறாகவே சொல்லப்பட்டு வந்திருக்கின்றன. நிழல் கீழே விழாத கோபுரம்;
வளர்ந்து வருகின்ற நந்தி,
சாரப்பள்ளம் எனும் கிராமத்திலிருந்து சாரம் கட்டி கோபுர உச்சிக்கு 80 டன் எடையுள்ள பிரமரந்திரக்கல் ஏற்றப்பட்டது என்பது போன்ற பல செய்திகள் தவறானது .
நான் மாணவனாக இருந்தவரை அப்படித்தான் எனக்கு சொல்லப்பட்டது .நல்லவேளைஇப்போது அவைகள் தவறு என்று விளங்கியது .
இவ்வாலயத்தின் நுழைவு வாயிலாகத் திகழ்வது ‘கேரளாந்தகன் திருவாயில்’ எனப்படும் மாமன்னன் இராஜராஜன் தான் முடிசூடிய நான்காம் ஆண்டில் ‘காந்தளூர்ச்சாலை கலமருத்தருளிய கோஇராஜகேசரிவர்மன் என்று பெயர்பெற்றார்
கேரளத்தில் திருவனந்தபுரம் அருகிலுள்ள காந்தளூர்ச்சாலையை வென்று இப்பட்டப்பெயர் பெற்றார்
நுழைவு வாயில் இதனாலேயே ‘கேரளாந்தகன் திருவாயில்’
எனப்பட்டது .

அண்ணாமலை சுகுமாரன்
12/7/17

புனரமைப்பு/திருத்த வேலைகள் என்ற பெயரில் சமீப காலங்களில் அழிக்கப்படட கல்வெட்டுகள்.ராஜராஜ சோழன் காலத்தைய கல்வெட்டுத் தூண்களில் சில இவை. கல்வெட்டுத் தூண்களை அகற்றிவிட்டு வெள்ளை நிற புதிய கற்களை பதிக்கிறார்கள்.அன்றைய கல்வெட்டுக்  கற்கள் தேடுவாரற்று கிடைப்பதைக் காணலாம்.





நன்றி- இணையம்.

மூர்த்தி wrote:சில வரலாற்றுத்  தகவல்கள்…..
ராஜராஜன் பிறந்தது ஆடித் திருவாதிரை, ராஜேந்திரசோழன் பிறந்தது ஐப்பசி சதய நாள்


நன்றி-Dr.சுபாஷினி -THF

மேற்கோள் செய்த பதிவு: 1245573

ராஜராஜ சோழன் பிறந்தது ஐப்பசி சதயம் . ஆடித் திருவாதிரை அல்ல !

நன்றி-தமிழ் மரபுக் கட்டளை/தமிழக தொல்பொருள் ஆய்வக கல்வெட்டுகள்-தமிழக அரசு

பல நல்ல கருத்துக்கள் பல நண்பர்களாலும் பகிரப்பட்டது .
ஜெர்மனியில் இருந்து திருமதி சுபாஷினி ஒரு முறை (2009) வந்த போது திரு குடவாயில் பாலசுப்ரமணியம் அவர்கள் தஞ்சை கோவிலைப்பற்றி விளக்கமளித்தார் .அப்போது அங்கிருக்கும் வாய்ப்பு எனக்கு அமைத்தது .
சிறந்த முறையில் பெரியக்கோவிலைப் பற்றிய சிறப்புகளை விளக்கினார் .

நான் எனது பதிலில்

உண்மையில் அந்த பிரமரந்திரக்கல்( உச்சிக்கல) 80 டன் எடையுள்ளது ,ஒரேக்கல்லால் ஆனது அல்ல என பல வரலாற்று அறிஞர்கள் கூறுகிறார்கள் -- என்றுதான் கூறினேன்
திரு பாலகுமாரன் கூறியதாக எங்கும் குறிப்பிடவில்லை .

அடுத்து ராஜேந்திர சோழனின் பிறந்த நாள் என்ற எனது ஜூன் மாத கட்டுரையில் அடியில் கண்டவாறுதான் கல்வெட்டில் உள்ளது என கூறியிருந்தேன்

‘அய்யர் பிறந்து அருளிய ஐப்பிசைச் சதயத் திருவிழா வரைவுக்குத் திருமுளையட்டவும், தீர்த்தத்துக்கு திருச்சுண்ணம் இடிக்கவும், நாம் பிறந்த (ராஜேந்திர சோழன் பிறந்த) ஆடித் திருவாதிரை நாளில் திருவிழா வரைவு குருமுளையட்டவும், தீர்த்தத்துக்குத் திருச்சுண்ணம் இடிக்கவும்…’ கொடுத்த நிவந்தங்கள் குறிக்கப்பட்டுள்ளன

வரலாறு எங்கும் சரிவர பதிய வேண்டும் என உறுதியாக நம்புகிறேன் .
எனினும் ஆர்வம் கட்டிய நண்பர்களுக்கு நன்றி .
அண்ணாமலை சுகுமாரன்
16/7/17