திருப்பதியில் ரூ.24 கோடி பழைய நோட்டுகள்

**ayyasamy ram** · **ayyasamy ram** Tue Jul 11, 2017 12:26 pm

திருப்பதி:
உலகளவில் மிகப்பெரிய பணக்கார கோவிலாக கருதப்படும்
திருப்பதி வெங்கடாஜலபதி கோவிலில், 24 கோடி ரூபாய்
மதிப்புள்ள பழைய நோட்டுகள் தேங்கி உள்ளன.

உண்டியல் காணிக்கை

இது குறித்த திருமலா திருப்பதி தேவஸ்தான செயல் அதிகாரி
அனில் குமார் சிங்கால் கூறியதாவது:

திருப்பதி கோவில் உண்டியல் காணிக்கையாக, கடந்த ஆறு
மாதங்களில் பக்தர்கள் அளித்த வகையில், 24 கோடி ரூபாய்
மதிப்புள்ள பழைய 500 மற்றும் 1,000 ரூபாய் நோட்டுகள் உள்ளன.

இவற்றை மாற்ற ஒரு வாய்ப்பு தரலாம் என்று மத்திய அரசு
மற்றும் ரிசர்வ் வங்கிக்கு சுப்ரீம் கோர்ட் ஆலோசனை வழங்கி
உள்ளது. இந்த விஷயத்தில் மத்திய அரசு முடிவு அறிவித்த பிறகு,
பழைய ரூபாய் நோட்டுகளை மாற்ற முயற்சி எடுக்கப்படும்.
இது தொடர்பாக, ரிசர்வ் வங்கிக்கு விரைவில் தேவஸ்தானம்
சார்பில் கடிதம் எழுதப்படும்.

பல்வேறு வங்கிகளில், தேவஸ்தானம் சார்பில், 10 ஆயிரம்
கோடி ரூபாய் அளவுக்கு நிரந்த வைப்பு தொகையாக டிபாசிட்
செய்யப்பட்டுள்ளது. இவற்றுக்கான வட்டி விகிதத்தை வங்கிகள்
குறைத்து இருப்பதால், தேவஸ்தானத்திற்கு சில நூறு கோடி
ரூபாய் இழப்பு ஏற்படும் நிலை ஏற்பட்டுள்ளது.

இவ்வாறு அவர் கூறினார்.
-
---------------------------------------
தினமலர்

**M.Jagadeesan** · **M.Jagadeesan** Tue Jul 11, 2017 1:06 pm

திருப்பதி ஏழுமலையானை தரிசிக்க வரும் நடைபாதை பக்தர்களுக்கு இலவசமாக வழங்கப்பட்டு வந்த லட்டு இனிமேல் வழங்கப்படமாட்டாது என தேவஸ்தான நிர்வாகம் அறிவித்துள்ளது. இந்தியாவில் புகழ் பெற்ற கோவில்களில் முதன்மையானது திருப்பதி வெங்கடாஜலபதி.. இந்த கோவிலுக்கு தமிழகத்தில் இருந்தும், பிற மாநிலங்களில் இருந்தும் தினசரி ஆயிரக்கணக்கானோர் சுவாமி தரிசனம் செய்ய செல்கின்றனர். NO laddu for Divya Darshan devotees மேலும் இந்தியாவில் உள்ள சாதாரண குடிமகன் முதல் முதல்குடிமகனான ஜனாபதி வரை இந்த கோவிலுக்கு விரும்பி செல்வதால், எப்போதும் பக்தர்கள் கூட்டம் நிரம்பி வழிந்த வண்ணம் உள்ளது. இந்நிலையில் திருப்பதி ஏழுமையானை தரிசிக்க பாதயாத்திரையாக வரும் பக்தர்களுக்கு இலவசமாக லட்டு பிரசாதம் வழங்கப்பட்டு வருகிறது. குறிப்பாக விடுமுறை நாள்களின் போது பாதயாத்திரையாக வரும் பக்தர்களுக்காக மட்டும் 50 ஆயிரம் லட்டுகள் வரை இலவசமாக வழங்கப்பட வேண்டி உள்ளது. இவ்வாறு இலவசமாக லட்டு விநியோகிப்பதால் தேவஸ்தானத்திற்கு தினசரி ரூ.10 லட்சம் வரை நஷ்டம் ஏற்படுவதாக கூறப்படுகிறது. எனவே இலவச லட்டு வழங்குவதை நிறுத்த முடிவு செய்யப்பட்டுள்ளது. தற்போதைக்கு வெள்ளி, சனி, ஞாயிற்று கிழமைகளில் மட்டும் இலவச லட்டு வழங்கப்படமாட்டாது என தெரிவிக்கப்பட்டுள்ளது

**M.Jagadeesan** · **M.Jagadeesan** Tue Jul 11, 2017 1:06 pm

இதென்ன அக்கிரமம் !

வியாபாரம் செய்பவர்கள்தான் இலாப நஷ்ட கணக்கு பேசவேண்டும் . திருப்பதியில் வியாபாரமா செய்கிறார்கள் ? அங்கு உண்டியலில் தினமும் கோடிக்கணக்கில் வருமானம் வருகிறது . அதெல்லாம் இலாபம்தானே ! அதில் கொஞ்சம் செலவுசெய்து இலவச லட்டு கொடுத்தால் என்ன குறைந்துவிடப் போகிறது ?

Sponsored content · Sponsored content

திருப்பதியில் ரூ.24 கோடி பழைய நோட்டுகள்

திருப்பதியில் ரூ.24 கோடி பழைய நோட்டுகள்

Re: திருப்பதியில் ரூ.24 கோடி பழைய நோட்டுகள்

Re: திருப்பதியில் ரூ.24 கோடி பழைய நோட்டுகள்

Re: திருப்பதியில் ரூ.24 கோடி பழைய நோட்டுகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக