கடும் எதிர்ப்புக்கு இடையே துவங்கியது ஜி20 மாநாடு : இந்தியாவுக்கு சீனா பாராட்டு

ஹம்பர்க் :
தொடர் போராட்டம், வன்முறை சம்பவங்களுக்கு இடையே
ஜெர்மனியின் ஹம்பர்க் நகரில் ஜி20 மாநாடு துவங்கியது.

இதில் பயங்கரவாதத்திற்கு எதிராக போராடுவது குறித்து
உலக நாடுகளின் தலைவர்கள் கலந்தாலோசிக்க உள்ளனர்.
ஜி20 மாநாட்டில் கலந்து கொண்ட பிரதமர் மோடி, அங்கு
பிரிக்ஸ் தலைவர்களையும் சந்தித்து பேசினார்.

12வது ஜி20 மாநாட்டின் துவக்க விழாவில், ஜெர்மனி
சான்சிலர் ஏஞ்சலினா மெர்கல் உலக தலைவர்களை
வரவேற்றார். ஜி20 யின் ஒரு அங்கமாக நடந்த பிரிக்ஸ்
தலைவர்களுடனான சந்திப்பு கூட்டத்தில் பிரதமர் மோடி
பேசினார்.

அப்போது அவர், பயங்கரவாத தலைமைக்கு எதிராகவும்,
சர்வதேச பொருளாதாரத்திற்காகவும் வலிமையான குரலை
பிரிக்ஸ் எழுப்ப வேண்டும். பயங்கரவாதத்திற்கு முடிவு கட்ட
வேண்டும்.

சீன அதிபர் ஷின் ஜிங்பிங்கின் தலைமையில்
பிரிக்ஸ் மாநாடு நடக்க உள்ளது நல்ல விஷயம். பிரிக்ஸ்
மாநாட்டிற்கு எனது வாழ்த்துக்கள். இந்தியாவில் கடந்த
வாரம் அமல்படுத்தப்பட்டுள்ள ஜிஎஸ்டி.,யால் கடந்த
70 ஆண்டுகளில் இல்லாத மிகப்பெரிய வரி சீரமைப்பு
ஏற்பட்டுள்ளது.

இது தொழில்துறைக்கு பெரிதும் உதவும் என்றார்.
தொடர்ந்து பேசிய சீன அதிபர் ஷின் ஜிங்பிங்,
பயங்கரவாதத்திற்கு எதிராக இந்தியா எடுத்து வரும்
நடவடிக்கைக்கு பாராட்டு தெரிவித்தார். பிரிக்ஸ்
மாநாட்டிற்கு இந்தியா அளித்து வரும் ஒத்துழைப்பு
பாராட்டுக்குரியது எனவும் தெரிவித்தார்.

இந்த கூட்டத்திற்கு பிறகு கனடா, இங்கிலாந்து உள்ளிட்ட
நாடுகளின் தலைவர்களையும் மோடி சந்திக்க உள்ளார்.
-
--------------------------------------

தினமலர்