இன்று ரசித்த நகைச்சுவை ...நன்றி நடிகர் விஷால்.

**T.N.Balasubramanian** · **T.N.Balasubramanian** Mon 3 Jul 2017 - 22:48

இன்று ரசித்த நகைச்சுவை ...நன்றி நடிகர் விஷால்.

நடிகர் விஷால் கர்நாடகம் சென்று , தமிழக விவசாயிகளுக்கு நீர்ப்பாசனம் செய்ய
நீர் திறந்துவிடவேண்டும் என்று கேட்டாராம்
உடனே அவர்களும் திறந்து விட்டார்களாம் .
அதற்கு நன்றி கூறி நீர்ப்பாசன மந்திரிக்கு நன்றி கூறி
விஷால் கடிதம் எழுதியுள்ளாராம்.

தினசரிகளில் இதை படித்ததும் மெய்சிலிர்த்து விட்டது.
ஆஹா விஷால் ,
நீரே தமிழகத்திற்கு முதல் மந்திரியாக வரவேண்டும்.
நீரே இலங்கைக்கும் சென்று தமிழக மீனவர் பிரச்சனைகளையும் தீர்க்கவேண்டும்.
அப்பிடியே காஷ்மீர் விஷயம் நினைவு இருக்கட்டும்.
முடிந்தால் மத்ய அரசு தீர்வு காண முடியாத விஷயங்களில் உங்கள்
புத்திக்கூர்மையை கையாண்டு அறிவுரைகளையும் கொடுக்கவும்.

சீன இந்திய எல்லை தகராறு விஷயமாக சைனா போக உள்ளதாக ஒரு செய்தி அவுத்துவிடுங்கள்.
சைனா பிரதமரும் வழிக்கு வந்துவிடுவார்.

ரமணியன்

**ayyasamy ram** · **ayyasamy ram** Tue 4 Jul 2017 - 10:23

Guest · Guest Tue 4 Jul 2017 - 11:57

நன்றி விஷால். உங்கள் சேவை தமிழகத்திற்கு மட்டுமல்ல,இந்தப் பிரபஞ்சத்திற்கே தேவை.வாழ்த்துகள்,வாழ்க பல்லாண்டு.

இந்த பதிவைத் துவங்கியவர் நன்றி கூறியுள்ளார் Guest

**M.Jagadeesan** · **M.Jagadeesan** Tue 4 Jul 2017 - 14:20

விஷாலுக்குத்தான் எவ்வளவு விசாலமான மனசு ! பிறப்பால் தெலுங்கராக இருந்தாலும் , தமிழ்நாட்டின் தேவைக்காக , கர்நாடகாவிடம் கேட்டு , காவிரி நீரைப் பெற்று தந்திருக்கிறார் !

Guest · Guest Tue 4 Jul 2017 - 15:44

கர்நாடக மாநிலம் ஹாசன் நகரில் பேசிய முதலமைச்சர் சித்தராமையா, காவிரியில் இருந்து தமிழகத்திற்கு தண்ணீர் திறந்து விடப்பட்டுள்ளதற்கு விளக்கம் அளித்துள்ளார். நடுவர் மன்ற தீர்ப்பின் அடிப்படையில் ஜூன் மாதம் 10 டிஎம்சி தண்ணீர் தர வேண்டும் என்ற அடிப்படையில் காவிரியில் தண்ணீர் திறந்து விடப்பட்டுள்ளதாக அவர் கூறினார். மழை பெய்வதைப் பொறுத்து இது செயல்படுத்தப்படும் என்றார் அவர்.இது வழமையான ஒன்று தான் என்றார் அவர்.

காவிரி நீர்ப்பிடிப்பு பகுதிகளில் பெய்து வரும் கனமழை காரணமாக கர்நாடக அணைகளுக்கு நீர்வரத்து அதிகரித்துள்ளது. கிருஷ்ணராஜசாகர் அணைக்கு 5 ஆயிரத்து 500 அடியும், கபினிக்கு 3 ஆயிரத்து 800 கனஅடியும் தண்ணீர் வந்து கொண்டிருக்கிறது. இதையடுத்து, கடந்த சில நாட்களாக காவிரியில் தண்ணீரை கர்நாடக அரசு திறந்துவிட்டுள்ளது.
தொடர்ந்து மழை பெய்தால் தண்ணீர் அடுத்த மாதமும் இருப்பைப் பொறுத்து திறந்து விடப்படும்.
நன்றி-கூகிள்.

இந்நிலையில், சமீபத்தில் கர்நாடகாவில் நடைபெற்ற இசை வெளியீட்டு விழாவில் கலந்துகொண்டு பேசிய விஷால், காவிரி நீர் தமிழர்களின் உரிமை அதை மறுக்காமல் தரவேண்டும் என்று கூறியிருந்தார்.

காக்கா உட்கார பனம்பழம் விழுந்த கதையாக. தான் கேட்டதால் தான் கர்நாடக அரசு தற்போது தண்ணீரை திறந்து விட்டிருக்கிறது என நினைத்துக்கொண்டு, அதற்கு நன்றி தெரிவித்து கர்நாடக முதல்வருக்கு கடிதம் எழுதியுள்ளார் நடிகர் விஷால்.
நன்றி-கூகிள்.