உதவி - தேவை - சித்தர் பாடல் விளக்கம்

by சரவணன் Sat Jul 01, 2017 2:05 pm

தமிழ் அறிஞர்களுக்கு!

அய்யா கீழ்வரும் பாடலின் விளக்கத்தை தெளிவாக அறிய முடிய வில்லை. தயவு கூர்ந்து யாரவது விளக்கினால் நன்று!

பாடினதோர் வகையேது? சொல்லக் கேளு
பாரதபு ராணமென்ற சோதி யப்பா!
நீடியதோர் ராவணன்தான் பிறக்க வென்றும்
நிலையான தசரதன்கை வெல்ல வென்றும்
நீடியவோ ராசனென்றும் முனிவ ரென்றும்
நிறையருள்பெற் றவரென்றுந் தேவ ரென்றும்
ஆடியதோர் அரக்கரென்றும் மனித ரென்றும்
பாடினார் நாள்தோறும் பகையாய்த் தானே.

by **T.N.Balasubramanian** Sat Jul 01, 2017 7:01 pm

தமிழ் முற்றும் கற்றறிந்தவர் விளக்கம் தருவார் என எண்ணுகிறேன், சரவணன்.
எந்தன் பார்வையில், ராஜரிஷி விசுவாமித்திரர் என்றே படுகிறது அல்லது
வால்மீகி முனிவரை பற்றியதா என்ற சந்தேகம்.

ரமணியன்

by **M.Jagadeesan** Sun Jul 02, 2017 11:11 am

ஈகரையில் உள்ள தமிழ்ச் சான்றோர்கள் தங்களுக்கு உதவுவார்கள் என்று நம்புகிறேன் .

by Guest Sun Jul 02, 2017 2:45 pm

இந்தப் பாடல் அகத்தியர் ஞானம் என்ற நூலில் உள்ளது. இதற்கு விளக்கவுரை Dr.சக்தி சுமணன் அவர்கள் எழுதி உள்ளார்.

சில பாடல்கள்…….

(தாத்தா கணினியில் முழு விளக்கம் உள்ளது-மொத்தமாக 49+1 =50 பாடல்கள் உள்ளன. முதலில் இருந்து படித்தால் விளக்கம் புரியும் என்கிறார்.அவர் கணினியுடன் இணைப்பு ஏற்படுத்த முடியவில்லை.அறிஞர்கள் யாரும் வராவிட்டால், எடுத்து பதிவிடுகிறேன்.)