உங்களுக்குப் தெரியுமா?

தாமு · தாமு Sat Nov 28, 2009 6:46 am

தாமஸ் ஆல்வா எடிசன் கண்டுபிடித்த "கினிட்டோ ஸ்கோப்' என்ற கருவிதான் திரைப்படம் தோன்ற அடிப்படையாக இருந்தது.

இன்று நாம் பார்க்கும் திரைப்பட வடிவத்திற்கு மூல வடிவம்தான் சினிமாட்டோகிராஃபி. இதை 1895-ல் லூமியர் சகோதரர்கள் கண்டுபிடித்தனர்.

ஒரு நொடி நேர திரைப்பட காட்சிக்கு ஒன்றரை அடி நீளம் ஃபிலிம் தேவைப்படும். ஒரு நிமிடத்திற்கு 90 அடி நீள ஃபிலிம் தேவைப்படும்.

பிரான்ஸ் நாட்டில் பாரிஸ் நகரில் 1900-ஆம் ஆண்டில் ஏப்ரல் முதல் அக்டோபர் வரை நடந்த ஒரு கண்காட்சியில் ஒலியுடன் கூடிய படம் திரையிட்டுக் காட்டப்பட்டது. அதில் புரொஜக்டரை இயக்கியவர் திரைக் காட்சிகளுக்கேற்ப கிராமஃபோனையும் இயக்கினார். இதுதான் பேசும் பட சகாப்தத்தின் துவக்கம்.

தமிழகத்தில் ஊர் ஊராகச் சுற்றி டேரா போட்டு திரைப்படம் காட்டியவர் சாமிக்கண்ணு வின்சென்ட். இவர்தான் தமிழக சினிமா வரலாற்றின் முதல்வர்.

பின்னணிப் பாடகர் எஸ்.பி. பாலசுப்ரமணியம் இருபத்தி ஏழாயிரத்திற்கும் மேற்பட்ட பாடல்களை பாடியுள்ளார்.

"ஹரிதாஸ்' என்ற திரைப்படம் 768 நாட்கள் தொடர்ந்து அரங்கு நிறைந்த காட்சிகளாக ஓடின.

போஸ்டர் மூலம் விளம்பரப்படுத்தும் முறை இந்தியத் திரையுலகில் 1923-ல் வந்தது. பாபுராவ் பெயிண்டர் என்பவர் தம்முடைய "மாயா பஜார்' படத்தின் மூலம் இம்முறையை துவக்கினார்.

-- சினிமா எஸ்பிரஸ்.