அழிந்த பறவைகள்...

நவீன் · நவீன் Mon Aug 02, 2010 2:12 pm

யானைப் பறவை..யானைப் பறவை அழிந்துபோன பறவையினங்களில் ஒன்றாகும். இவை பதினாறாம்
நூற்றாண்டுடன் அழிந்து விட்டதாகக் கருதப்படுகிறது. யானைப் பறவையே உலகின்
மிகப் பெரிய பறவையாக இருந்தது. அது மூன்று மீட்டரை விட உயரமானதாகவும்
ஐநூறு கிலோகிராம் எடை இருந்ததாகவும் நம்பப்படுகிறது

யானைப் பறவையின் முட்டைகளின் எச்சங்கள் சில
கண்டுபிடிக்கப்பட்டுள்ளன. அவற்றில் சில ஒரு மீற்றரை விட அதிக
சுற்றளவுடையனவாக இருந்தன. யானைப் பறவைகளின் அழிவுக்கும் மனிதன் அவற்றை
வேட்டையாடியமையே காரணமாக இருக்கலாம் என நம்பப்படுகிறது.

நவீன் · நவீன் Mon Aug 02, 2010 2:13 pm

பெரிய ஓக்..

75 சதம மீட்டர் நீளமுள்ள, பறக்காத, பெரிய ஓக் எல்லா ஓக்குகளிலும்
பெரியதாகும். இவை நன்றாக நீந்தக் கூடியவை. தங்கள் சிறகுகளை உபயோகித்து
நீருக்கடியில் நீந்த வல்லவை. பெரிய ஓக்குகள் ஒரு வருடத்தில் ஒரு முட்டையை
மாத்திரமே இடும். மற்ற பறவைகளை போல பெரிய ஓக்குகளால் பறக்க முடியாது.
இதனால் தான் இப் பறவைகள் மனிதர்களால் அதிகமாக வேட்டையாடப்பட்டது. 8 ஆம்
நூற்றாண்டிலிருந்தாவது இப் பறவைகள், உணவுக்காகவும், மெத்தைகள்
செய்வதற்காகவும் வேட்டையாடப்பட்டன.

பெரிய ஓக்குகள் ஒரு காலத்தில், கனடாவுக்கு அப்பாலுள்ள தீவுகளிலும், கிறீன்லாந்து, ஐஸ்லாந்து, மற்றும் அயர்லாந்து
இடங்களில் பெரும் எண்ணிக்கையில் காணப்பட்டன. காலப்போக்கில் இப் பறவைகள்
அழிந்து போகும் வரை வேட்டையாடப்பட்டன. இவ்வினத்தின் கடைசிச் சோடிகள்,
1844, ஜூலை 3ல் ஐஸ்லாந்துக்கு அப்பாலுள்ள ஒரு தீவில் வைத்துக்
கொல்லப்பட்டன.

நவீன் · நவீன் Mon Aug 02, 2010 2:15 pm

டோடோ பறவை...

டோடோ அழிந்த பறவையினங்களில் ஒன்று. இது மொரீசியஸ் தீவில் வாழ்ந்த
பறக்க முடியாத பறவையாகும். ஏறத்தாழ ஒரு மீட்டர் உயரமான டோடோ நிலத்தில்
கூடு கட்டி வாழ்ந்தது; பழங்களை உணவாகக் கொண்டது.

கொன்றுண்ணிகளற்ற தீவில் வாழ்ந்த பறவை என்பதால் டோடோ மனிதர்களைக் கண்டு
அஞ்சாமை அதன் அழிவுக்கு காரணமானது. மொரீசியஸ் தீவுகளுக்கு போர்த்துக்கேயர்
1505 இல் சென்றனர். பின்னர் டச்சுக்காரர்கள் அங்கு குடியேறினர்.
மனிதர்களாலும் அவர்களது வளர்ப்பு விலங்குகளாலும் ஏறத்தாழ நூறாண்டுக்
காலத்தில் படிப்படியாக டோடோ பறவையினம் முற்றாக அழிக்கப்பட்டது.

**V.Annasamy** · **V.Annasamy** Mon Aug 02, 2010 2:19 pm

நல்ல, அரிய தகலகளைத் தொகுத்து அறியத் தந்தமைக்கு நன்றி நவீன். அழிந்த பறவைகள்... 154550

**உமா** · **உமா** Mon Aug 02, 2010 3:03 pm

தகவலுக்கு நன்றி நவீன் !

மீனா · மீனா Mon Aug 02, 2010 3:11 pm

நல்ல தகவல் பகிர்ந்தமைக்கு நன்றி நவீன் அண்ணா அழிந்த பறவைகள்... 154550

**அருண்** · **அருண்** Mon Aug 02, 2010 3:16 pm

அபூர்வ தகவல் மிக்க நன்றி நவீன்......

Sponsored content · Sponsored content

அழிந்த பறவைகள்...

அழிந்த பறவைகள்...

Re: அழிந்த பறவைகள்...

Re: அழிந்த பறவைகள்...

Re: அழிந்த பறவைகள்...

Re: அழிந்த பறவைகள்...

Re: அழிந்த பறவைகள்...

Re: அழிந்த பறவைகள்...

Re: அழிந்த பறவைகள்...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக