இந்தியாவை வீழ்த்தி சாம்பியன் பட்டத்தை தட்டிச்சென்றது பாகிஸ்தான்

-
லண்டன்:

சாம்பியன்ஸ் டிராபி கிரிக்கெட் தொடரின் இறுதி ஆட்டத்தில்
இந்தியா-பாகிஸ்தான் அணிகள் மோதுகின்றன.

லண்டன், கென்னிங்டன் ஓவல் மைதானத்தில் நடக்கும்
இப்போட்டியில் டாஸ் வென்ற இந்திய அணி கேப்டன்
விராத் கோஹ்லி பந்துவீச்சை தேர்வு செய்தார்.

இதனையடுத்து களமிறங்கிய பாகிஸ்தான் அணி 50 ஓவர்
முடிவில் 4 விக்கெட் இழப்பிற்கு 338 ரன்கள் குவித்தது.
பாகிஸ்தான் அணியில் அதிகபட்சமாக பாகார் சமான்
114, அசார் அலி 59, முகமது ஹபீஸ் 57,
பாபர் ஆஸம் 46 ரன்களும் எடுத்தனர்.
இந்திய அணி தரப்பில் சிறப்பாக பந்துவீசிய
புவனேஸ்வர் குமார், பாண்டியா, கேதர் ஜாதவ் தலா ஒரு
விக்கெட் வீழ்த்தினர்.

கடின இலக்கை துரத்திய இந்திய அணிக்கு துவக்கத்திலிருந்தே
பாகிஸ்தான் பந்துவீச்சாளர்களின் துல்லியமான பந்துவீச்சை
சமாளிக்க முடியாமல் விக்கெட்டுகள் மளமளவென சரியத்
தொடங்கியது.

இந்திய அணியின் முன்னணி வீரர்கள் சொற்ப ரன்களில்
ஆட்டமிழந்து ஏமாற்றம் அளித்தனர். ஒரு கட்டத்தில்
72 ரன்களுக்கு 6 விக்கெட்டுகளை இழந்து தடுமாறிய
அணியை தனது அதிரடியால் சரிவிலிருந்து மீட்டெடுத்தார்
பாண்டியா.

76 ரன்கள் குவித்த நிலையில் துரதிஷ்டவசமாக பாண்டியா
ரன் அவுட் ஆனதால் இந்திய அணியின் தோல்வி உறுதியானது.

பின்னர் வந்த வீரர்கள் சொற்ப ரன்னில் ஆட்டமிழந்ததால்
இந்திய அணி 158 ரன்களுக்கு ஆல் அவுட் ஆனது. இந்தியாவை
180 ரன்கள் வித்தியாசத்தில் வீழ்த்தி பாக்கிஸ்தான் அணி
சாம்பியன் பட்டத்தை தட்டிச்சென்றது.

இந்திய அணியில் அதிகபட்சமாக பாண்டியா 76, யுவராஜ் 22,
தவான் 21 ரன்கள் எடுத்தனர் மற்ற வீரர்கள் ஒற்றை இலக்க
ரன்னில் ஆட்டமிழந்தனர். பாகிஸ்தான் தரப்பில் சிறப்பாக
பந்துவீசிய ஆமீர் 3 விக்கெட்டுகளும், ஹசன் அலி,சதாப் கான்
தலா 2 விக்கெட்டுகளும் வீழ்த்தி பாகிஸ்தானின் வெற்றிக்கு
வித்திட்டனர்.
-
-----------------------------------
தினகரன்

இறுதி போட்டியில் , இரு அணிகளில் ஒரு அணிதான் வெற்றி பெறும்
என்பது தெரிந்த விஷயம். வெற்றி பெறும் இலக்கை நோக்கி, எவ்வளவு
மும்முரமாக போட்டி இடும் அணி முயல்கிறது என்பதை காண்பதில்தான்
ரசிகர்களுக்கு போட்டி விருந்தாக அமைகிறது.
அது இல்லாத போது .....ஏமாற்றம்தான் மிஞ்சுகிறது. .

ரமணியன்

நேரத்தை வீண்செய்து பார்க்காதீர் இவ்வணிகள்
பேரத்தை முன்பே முடித்தனரே -காரமில்லா
உப்பில்லா சாப்பாட்டை உண்டதுபோல் இந்தியர்கள்
சப்பென்று ஆடினரே அன்று .

இந்திய அணியின் பந்துவீச்சாளர்கள் விட்டுக்கொடுத்த wideகளை பார்த்தபோதே தெரிந்துவிட்டது முடிவு எப்படி இருக்க போகுதுன்னு , அப்பவே நான் டிவியை off செய்து விட்டேன்

ராஜா wrote:இந்திய அணியின் பந்துவீச்சாளர்கள் விட்டுக்கொடுத்த wideகளை பார்த்தபோதே தெரிந்துவிட்டது முடிவு எப்படி இருக்க போகுதுன்னு , அப்பவே நான் டிவியை off செய்து விட்டேன்

மேற்கோள் செய்த பதிவு: 1244655

ஆம் , மூன்றாவது விக்கெட் விழுந்தவுடனேயே தெரிந்து விட்டது, அடிவாங்கப் போகிறோம் என்று ,
நான் இன்டர்நெட் பக்கம் வந்துவிட்டேன். வீட்டில் மற்றவர்கள் பார்த்துக்கொண்டு இருந்தார்கள் ,
இவ்வளவு கேவலமாக தோற்போமென் எண்ணவில்லை.

ரமணியன்

கிரிக்கெட் போட்டியைப் பார்க்கும்போது டென்ஷன் உண்டாகும் ; அது நம் உடல்நலத்தைப் பாதிக்கும்.

ஆம் அய்யா ,ஆனால் இம்முறை இறுதி போட்டி /இறுதி பாகம்
அப்பிடி ஒரு நிலையை உண்டாக்கவில்லை .

ரமணியன்