பாலில் கலப்படம் உள்ளதா என்பதனை அறியும் வழிமுறைகள்!

**krishnaamma** · **krishnaamma** Mon Jun 12, 2017 11:27 am

பாலில் கலப்படம் உள்ளதா என்பதனை அறியும் வழிமுறைகள் !

பாலில் தண்ணீர் கலப்பதை கண்டறிய, பாலில் தண்ணீர் கலப்படம் செய்திருப்பதை லேக்டோ மீட்டர் மூலம் கண்டுபிடித்துவிடலாம். பாலில் லேக்டோ மீட்டரை வைத்தால் அது 1.026 எண்ணுக்குக் கீழே காட்டினால் தண்ணீர் கலப்படம் செய்யப்பட்டிருப்பதை உறுதி செய்யலாம்.

பாலில் மாவு பொருட்கள் கலந்திருந்தால், இதனைக் கண்டறிய சிறிது பாலில் ஒரு சில சொட்டு டிஞ்சர் சேர்த்தால் உடனடியாக பால் நீல நிறத்தில் மாறும். அப்படியானால் அது மாவு பொருள் கலப்படம் செய்யப்பட்ட பால் என்பதை உறுதி செய்து கொள்ளலாம்.

வழுவழுப்பான தரையில் சுத்தமான பாலை ஒரு சில துளிகள் விட்டால் அது அப்படியே தரையில் இருக்கும். ஆனால் மாவு கலந்த பாலை விட்டால் அது மாவின் கனத்தினால் தரையில் ஓடும்.

பாலில் சோப்புத் தூள் கலந்திருந்தால், அதை கண்டறிய ஒரு சிறிய கண்ணாடி குடுவையில் பாலை ஊற்றி நன்கு குலுக்கினால் நுரை வரும். வெறும் பாலாக இருந்தால் சிறிது நேரத்தில் அந்த நுரை தானாகவே போய் விடும். ஆனால், சோப்புத் தூள் கலந்த பாலாக இருப்பின் அந்த நுரை போகாது.

சுத்தமான பாலை இரண்டு ஸ்பூன் எடுத்து அதில் எலுமிச்சை சாறு கலந்தால், அந்த பால் உடனே திரிந்து விடும். ஆனால், கலப்பட பால் திரியாது.

பாலில் ரசாயனப் பொருட்கள் கலந்திருந்தால் அதனை பிஎச் காகிதம் கொண்டு கண்டு பிடித்து விடலாம். ஒரு சிறிய டம்ளரில் பாலை எடுத்து அதில் பிஎச் காகிதத்தைப் போட்டால் காகிதம் பச்சை நிறமாக மாறினால் அது நல்ல பால். அதுவே, மஞ்சள் அல்லது ஆரஞ்சு, வெளிர் மஞ்சள் நிறத்தில் இருந்தால் அது ரசாயனம் கலந்த பால் என்பதை உறுதி செய்யலாம்.

வெப்துனியா

**krishnaamma** · **krishnaamma** Mon Jun 12, 2017 11:30 am

இப்படி நாமே எல்லாவற்றையும் பார்த்து பார்த்தது செய்து கொள்ளலாம், அரசாங்கம் சாராயக்கடைகளை திறந்து வைத்துக் கொண்டும் என்ன என்ன அக்கிரம் செய்து எப்படி எப்படி பணத்தை கொள்ளை அடிக்கலாம் என்றும் பார்த்துக் கொள்ளட்டும் சோகம்

.
.
.
நாம் இப்படியெல்லாம் தழைந்து போவதாலேயே, அரசாங்கம் ' இவன் எத்தனை அடித்தாலும் தாங்குவாண்டா' என்கிற மாதிரி நடந்து கொள்கிறது என்று நினைக்கிறேன் சோகம்

**T.N.Balasubramanian** · **T.N.Balasubramanian** Mon Jun 12, 2017 10:27 pm

இதுமாதிரி பிற்காலத்தில் வருமென்று அறிந்தே ,
வெளுத்ததெல்லாம் பாலில்லை என்று
அன்றே சொன்னார்கள், நம் முன்னோர்கள்.
ரமணியன்

இந்த பதிவைத் துவங்கியவர் நன்றி கூறியுள்ளார் T.N.Balasubramanian

சிவனாசான் · சிவனாசான் Tue Jun 13, 2017 9:16 pm

கலப்படம் அறிந்தால் மட்டும் போதாது.கடுமையான நடவடிக்கை எடுத்து ஒழிக்கனும்ங்க>>>>>

Sponsored content · Sponsored content

பாலில் கலப்படம் உள்ளதா என்பதனை அறியும் வழிமுறைகள்!

பாலில் கலப்படம் உள்ளதா என்பதனை அறியும் வழிமுறைகள்!

Re: பாலில் கலப்படம் உள்ளதா என்பதனை அறியும் வழிமுறைகள்!

Re: பாலில் கலப்படம் உள்ளதா என்பதனை அறியும் வழிமுறைகள்!

Re: பாலில் கலப்படம் உள்ளதா என்பதனை அறியும் வழிமுறைகள்!

Re: பாலில் கலப்படம் உள்ளதா என்பதனை அறியும் வழிமுறைகள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக