ஜூன் 14 - ஜூலை 19 நடைபெறுகிறது பேரவை கூட்டத்தொடர் :

ஜூன் 14 - ஜூலை 19 நடைபெறுகிறது பேரவை கூட்டத்தொடர் :
எந்தெந்த நாட்களில் என்னென்ன விவாதம் குறித்த தகவல்கள்
-
சென்னை:
தமிழக சட்டமன்ற கூட்டத்தொடர் வரும் ஜூன் 14-ம் தேதி
முதல், அடுத்த மாதம் ஜூலை 19-ம் தேதி வரை நடைபெறும்
என அறிவிக்கப்பட்டுள்ளது.

சபாநாயகர் தனபால் தலைமையில் நடந்த அலுவல் ஆய்வுக்குழு
கூட்டத்தில் இந்த முடிவு எடுக்கப்பட்டது.

இதுகுறித்து செய்தியாளர்களிடம் பேசிய அவர், விடுமுறை
நாட்களை தவிர்த்து மொத்தம் 24 நாட்கள் இந்த கூட்டத்
தொடரானது நடைபெறும் என்றும் அறிவிக்கப்பட்டுள்ளது.

ஜூன் 14-ம் தேதி துவங்க உள்ள பேரவை கூட்டத்தொடரில்
துறை ரீதியான மானியக் கோரிக்கை மீது விவாதம் நடக்கிறது.
மேலும் இந்த கூட்டத்தொடரின் போது GST மசோதா தாக்கல்
செய்யப்பட்டு நிறைவேற்றப்பட உள்ளதாகவும் தெரிகிறது.

காவல்துறை மானியக் கோரிக்கை மீதான விவாதம் ஜூலை
6 மற்றும் 7 தேதிகளில் நடைபெற உள்ளது.

பேரவை கூடும் நாளன்று வனம் மற்றும் சுற்றுச்சூழல் துறை
மானியக் கோரிக்கை மீதான விவாதமும், ஜூன் 15-ம் தேதி
பள்ளிக்கல்வி மற்றும் இளைஞர்நலம், உயர்கல்வி துறை,
ஜூன் 16-ம் தேதி கூட்டுறவு மற்றும் உணவு துறை மானியக்
கோரிக்கை மீதான விவாதம் நடைபெறும் என சபாநாயகர்
அறிவித்துள்ளார்.

மேலும் பேசிய அவர் ஜூன் 19-ம் தேதி எரிசக்தி, மதுவிலக்கு
மற்றும் ஆயத்தீர்வு துறை, ஜூன் 20 மற்றும் 21-ம் தேதிகளில்
உள்ளாட்சித்துறை மற்றும் நகராட்சி நிர்வாகம், ஊரகவளர்ச்சி
சிறப்பு செயலாக்கம் துறை மானியக் கோரிக்கை மீதான
விவாதம் நடைபெற உள்ளதாக தெரிவித்தார்.

ஜூன் 22-ம் தேதி நீதி நிர்வாகம், சிறைச்சாலைகள், சட்டத்துறை,
சுற்றுலா, கலை மற்றும் பண்பாடு துறை மானியக் கோரிக்கை
மீதான விவாதமும், ஜூன் 23-ம் தேதி தொழில்துறை,
குறு சிறு மற்றும் நடுத்தர தொழில்துறைகள் மானியக் கோரிக்கை
மீதான விவாதமும், ஜூன் 24-ம் தேதி சமூகநலம் மற்றும்
சத்துணவு திட்டம், மாற்றுத்திறனாளிகள் மானியக் கோரிக்கை
மீதான விவாதமும்,

ஜூன் 28-ம் தேதி நெடுஞ்சாலைகள், சிறு துறைமுகங்கள்,
கட்டிடங்கள், பாசனம் உள்ளிட்ட கோரிக்கை மீதான விவாதம்
நடைபெற உள்ளது.

ஜூன் 29-ம் தேதி கைத்தறி மற்றும் துணிநூல் மற்றும் கதர்,
கிராம தொழில்கள் மற்றும் கைவினை பொருட்கள், ஜூலை
3-ம் தேதி வீட்டுவசதி மற்றும் நகர்ப்புற வளர்ச்சி, தகவல்
தொழில்நுட்பத் துறை, ஜூலை 4-ம் தேதி மக்கள்
நல்வாழ்வுத்துறை, ஜூலை 5-ம் தேதி வேளாண்மைத் துறை,
ஜூலை 6 மற்றும் 7-ம் தேதிகளில் காவல்துறை மற்றும்
தீயணைப்புத் துறை மானியக்கோரிக்கை மீதான விவாதம்
நடைபெறும் என்றார்.

ஜூலை 10-ம் தேதி கேள்வி நேரம் ஒத்திவைக்கப்பட்டு
காவல்துறை மற்றும் தீயணைப்புத் துறைக்கு முதல்வரின்
பதிலுரை மட்டும், பின் வருவாய்த்துறை மற்றும் இயற்கை
சீற்றங்கள் குறித்த துயர் தணிப்பு மானியக் கோரிக்கை
எடுத்துக்கொள்ளப்படும் என தனபால் கூறினார்.

ஜூலை 11-ம் தேதி மீன்வளம் மற்றும் பால்வளம், கால்நடை
பராமரிப்பு குறித்த மானியக் கோரிக்கை மீதான விவாதம்
நடைபெறும். ஜூலை 12-ம் தேதி வணிகவரிகள், முத்திரை
தாள்கள் மற்றும் பத்திரப்பதிவு, ஜூலை 13-ம் தேதி
தொழிலாளர் மற்றும் வேலைவாய்ப்புத் துறை, பிற்பட்டோர்
மற்றும் மிகவும் பிறபட்டோர் மற்றும் சிறுபான்மையினர்
நலத்துறை, ஜூலை 14-ம் தேதி செய்தி மற்றும் விளம்பரம்,
எழுதுபொருள் மற்றும் அச்சு, தமிழ்வளர்ச்சி மற்றும்
இந்து சமய அறநிலைத் துறை மானியக்கோரிக்கை மீதான
விவாதம் நடைபெறும் என தெரிவித்துள்ளார்.

மேலும் கூட்டத்தொடரின் அனைத்து நாட்களும் பேரவை காலை
10 மணிக்கு கூடும், அனைத்து நாட்களும் கேள்வி நேரம்
இருக்கும் என்றார்.
-
--------------------------
தினகரன்