ஒரே நாளில் 33 வழக்குகள்: அசத்திய நீதிபதி

புதுடில்லி:
சுப்ரீம் கோர்ட் நீதிபதி ஒருவர் தன்னந்தனியாக,
33 வழக்குகளை விசாரித்து உத்தரவு பிறப்பித்தது பரபரப்பை
ஏற்படுத்தியுள்ளது.

இந்தியாவில் சுப்ரீம் கோர்ட் உருவான போது, 1950ம் ஆண்டில்,
தலைமை நீதிபதி உட்பட, எட்டு நீதிபதிகள் இருந்தனர்.

இது, 1956ம் ஆண்டு 11; 1960ம் ஆண்டில், 14; 1978 ம் ஆண்டில்,
18 நீதிபதிகள் என உயர்ந்தது. தற்போது, 31 நீதிபதிகள் வரை
நியமனம் செய்ய முடியும்.

ஆனால், 27 நீதிபதிகளை தற்போது பணியில் உள்ளனர்.
சுப்ரீம் கோர்ட்டை பொறுத்தவரை வழக்குகளை விசாரிக்க
குறைந்தபட்சம், இரண்டு நீதிபதிகள் தேவை.

ஆனால், இந்த விதி ஐகோர்ட மற்றும் விசாரணை
நீதிமன்றங்களுக்கு பொருந்தாது. ஐகோர்ட்டில், தனி நீதிபதி
விசாரித்து உத்தரவுகள் பிறப்பிக்கலாம்.
-
உடல் நலம் பாதிப்பு
-
சுப்ரீம் கோர்ட்டில், நீதிபதி சாந்தனா கவுதார் தலைமையிலான
பெஞ்ச்சில் இடம் பெற்ற நீதிபதி தீபக் குப்தா. கடந்த
திங்கட்கிழமை நீதிபதி கவுதார் உடல்நலம் பாதிக்கப்பட்டது.
மேலும், பல நீதிபதிகள் கோடை விடுமுறைக்காக வெளியூர்
சென்று இருந்தனர்.

இதனால் தலைமை நீதிபதி கேஹர், நீதிபதி தீபக் குப்தாவிடம்
அன்று பட்டியிலிடப்பட்ட 33 வழக்குகளையும் தனி ஒருவராக
விசாரிக்க வேண்டும் என கேட்டுக் கொண்டார்.

அதன்படியே நீதிபதி தீபக் குப்தாவும் செயல்பட்டார். அவர் தனி
ஒருவராக இருக்கையில் வந்து அமர்ந்ததும் அட்டர்னி ஜெனரல்
முகுல் ரோஹத்கி மிகவும் ஆச்சரியத்துடன், '' கடந்த
25 ஆண்டுகளில், முதல் முறையாக சுப்ரீம் கோர்ட்டில் தனி
நீதிபதி விசாரிக்க வந்திருக்கிறார்,'' என்று குறிப்பிட்டார்.

ஆனால், நீதிபதி தீபக் குப்தா எதுவும் கூறவில்லை.

அன்று பட்டியிலிடப்பட்ட, 33 வழக்குகளையும் விசாரித்தார்
.மேலும், சுப்ரீம் கோர்ட்டின் கவனத்தை ஈர்க்க, முக்கிய பிரச்னைகள்
குறித்து உடனடியாக விசாரிக்க வேண்டும் என வழக்கறிஞர்கள்
கொண்டு வந்த, 12க்கும் மேற்பட்ட முறையீடுகளையும் அவர்
விசாரித்து உத்தரவு பிறப்பித்தார்.
-
---------------------------
தினமலர்