Latest topics

உள்ளாட்சி துறைக்கு வழங்கும் அரசு சிமென்ட் விலை உயருது

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

உள்ளாட்சி துறைக்கு வழங்கும் அரசு சிமென்ட் விலை உயருது

Post by ayyasamy ram Sun Jun 04, 2017 6:42 am

உள்ளாட்சி துறைக்கு வழங்கும் சிமென்ட் விலையை உயர்த்த,
தமிழக அரசின் சிமென்ட் உற்பத்தி நிறுவனமான, 'டான்செம்'
திட்டமிட்டுள்ளது.

இது குறித்து, 'டான்செம்' அதிகாரிகள் கூறியதாவது:

விருதுநகர் மாவட்டம், ஆலங்குளம் மற்றும் அரியலுாரில்,
'டான்செம்' சிமென்ட் உற்பத்தி ஆலைகள் உள்ளன.
அரியலுாரில், ஆண்டுக்கு, ஐந்து லட்சம் டன்; ஆலங்குளத்தில்,
இரண்டு லட்சம் என, ஏழு லட்சம் டன், சிமென்ட் தயாரிக்கப்படுகிறது.

இவற்றில், 50 சதவீதம், மாவட்ட ஊரக வளர்ச்சி முகமை
மேற்கொள்ளும் பணிகளுக்கு, குறைந்த விலையில் தரப்படுகிறது.

மீதமுள்ள, 50 சதவீதம், பொதுச்சந்தையில் விற்க வர்த்தகர்களுக்கு
தரப்படுகிறது.வெளிச்சந்தையில், ஒரு மூட்டை, 400 ரூபாய்க்கு
விற்கப்படுகிறது.

ஆனால், ஊரக வளர்ச்சி முகமைக்கு, ஒரு மூட்டை சிமென்ட்,
257 ரூபாய்க்கு தருகிறோம்.

இரண்டு ஆண்டுகளாக விலை உயர்த்தப்படவில்லை.
அதனால், விலையை உயர்த்த அரசிடம் அனுமதி கேட்டு உள்ளோம்.
அதே நேரம், வெளிச்சந்தைக்கு தரும், 310 ரூபாய் என்ற விலையை
உயர்த்தும் திட்டம் இல்லை.

இவ்வாறு அவர்கள் கூறினர். 'டான்செம்' நிறுவனத்தின் இந்த முடிவால்,
உள்ளாட்சித் துறையால் செயல்படுத்தப்படும், கட்டுமானப் பணிகளின்
செலவினம் அதிகரிக்க வாய்ப்பு உள்ளது.

- நமது நிருபர் -
தினமலர்

ayyasamy ram: வழிநடத்துனர்; பதிவுகள் : 82799
இணைந்தது : 30/09/2013