ஸ்மார்ட்போன் உறையில் காபி மிஷின்

**ayyasamy ram** · **ayyasamy ram** Fri Jun 02, 2017 4:18 am

-
இத்தாலியை சேர்ந்த நிறுவனம் காபி மிஷின் கொண்ட
ஸ்மார்ட்போன் உறையை தயாரித்துள்ளது.
-
இத்தாலியைச் சேர்ந்த ஒரு நிறுவனம் Mokase என்ற
பெயர் கொண்ட ஸ்மார்ட்போன் உறையை தயாரித்துள்ளது.

இந்த உறை மற்ற ஸ்மார்ட்போன் உறைகள் போல
போனை பாதுகாக்க மட்டுமல்ல; காபி மிஷினாகவும்
செயல்படும்.

இந்த நவீன உலகத்தில் மக்கள் தங்கள் வாழ்க்கையில்
ஓடிக்கொண்டே இருக்கின்றனர். இப்படி எந்நேரமும்
பிஸியாக இருப்பவர்களுக்காக சிறப்பாக இந்த ஸ்மார்ட்போன்
உறை தயாரிக்கப்பட்டுள்ளது.

அடிக்கடி காபி குடிப்பவர்களுக்கு தான் இந்த ஸ்மாட்ர்போன்
உறை முக்கியமாக பயன்படும்.

பணியில் இருக்கும் போது திடீரென காபி குடிக்க தோன்றினால்
எழுந்து சென்று குடித்து வர சோம்பல் படுவார்கள் சிலர்.

சிலர், காபி மிஷினை எங்கே தேடி செல்வது என விட்டு
விடுவார்கள். இதுபோன்ற கவலைகள் இனி வேண்டாம்;
ஸ்மார்ட்போன் உறையிலே காபி உருவாக்கப்பட்டுள்ளது.

இந்த ஸ்மார்ட்போன் உறையை வாங்கி மாட்டிக்கொண்டு,
அப்ளிகேஷனைத் தரவிறக்கம் செய்து கொள்ள வேண்டும்.
வழங்கப்படும் காபி காப்சூல்களை உறைக்குள் போட
வேண்டும்.

இந்த காப்சூல் தண்ணீரும் காபித்தூளும் கலந்து உருவாக்கப்
பட்டது. பின் அதிலிருக்கும் ஒரு பட்டனை அழுத்தினால்
போதும். 50-60 டிகிரி செல்சியஸில் சூடான காபி தயாராகி
விடும். ஒரு காப்சூலுக்கு 25 மி.லி. காபி கிடைக்கும்.

இந்த காபி மிஷின் ஸ்மார்ட்போன் உறையின் விலை
ரூ.3,600க்கு விற்கப்படுகிறது. மேலும் அனைத்து தரப்பு
ஸ்மார்ட்போன்களுக்கும் இந்த் உறை வடிவமைக்கப்பட்டுள்ளது.
-
-------------------------------
தமிழ் வெப்துனியா

**T.N.Balasubramanian** · **T.N.Balasubramanian** Fri Jun 02, 2017 8:07 am

கண்டு பிடிப்புகள் மனிதனை
மேலும் சோம்பேறி ஆக்குகிறது &
வ்யாதியஸ்தனாக மாற்றுகிறது.

ரமணியன்

**M.Jagadeesan** · **M.Jagadeesan** Fri Jun 02, 2017 11:03 am

இந்தக் காபியில் பால் இல்லையே ! அப்புறம் எப்படி டேஸ்ட்டாக இருக்கும்?

Guest · Guest Fri Jun 02, 2017 11:03 pm

காப்பி பாலுடன் ருசிதான்.காப்பியின் கடுமையையும் சிறிது குறைக்கும்.

அதே சமயம் வெளி நாட்டில் Black coffee/Regular Coffee/Filtor coffee என அதிகமானோர் வெவ்வேறு காப்பியை விரும்புகிறார்கள். காரணம்- சாதாரண காப்பி 10 கலோரியும் பால் கலந்த காப்பி 90 கலோரியையும் (சில 5/60) கொண்டிருக்கும். அடுத்து சில நாட்டுக் (தென் அமெரிக்கா-பிரேசில் போன்ற) காப்பி பால் சேர்க்காமல் ருசி கிடைக்கும். சில நாட்டுக் காப்பிகளில் (ஆபிரிக்கா,கொஸ்ரரிக்கா போன்ற) பால் சேர்த்தால் அமிலத்தன்மை குறைந்து ருசியாக இருக்கும். எதியோப்பிய போன்ற நாட்டு காப்பி, பில்டர் காப்பி போல் ருசி தரும்.காப்பி கடைகளில் (Coffee shop) பிரேசில்/ஆபிரிக்க/பில்டர் காப்பி என கேட்டுப் பெற்றுக் கொள்ளலாம்.
இங்கு சில பிரபலமான காப்பிக் கடைகள்-Starbucks , Café Du Monde ,Blacksmith

**T.N.Balasubramanian** · **T.N.Balasubramanian** Sat Jun 03, 2017 3:57 am

மேலை நாடுகளில் காஃபி என்றாலே கருப்பு காஃபிதான் .
நம் குடிப்பதெல்லாம் மில்க் காஃபி

ரமணியன்

Sponsored content · Sponsored content

ஸ்மார்ட்போன் உறையில் காபி மிஷின்

ஸ்மார்ட்போன் உறையில் காபி மிஷின்

Re: ஸ்மார்ட்போன் உறையில் காபி மிஷின்

Re: ஸ்மார்ட்போன் உறையில் காபி மிஷின்

Re: ஸ்மார்ட்போன் உறையில் காபி மிஷின்

Re: ஸ்மார்ட்போன் உறையில் காபி மிஷின்

Re: ஸ்மார்ட்போன் உறையில் காபி மிஷின்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக