மதிப்பிற்குரிய மேயர் பூரணிக்கு வாழ்த்துகள்

ஜூனியர் மேயராக தெரிவு செய்யப்பட்ட செல்வி பூரணிக்கு வாழ்த்துகள்.

அமெரிக்கா மேரிலாந்து கெயித்தர்ஸ்பர்க்(Maryland,Gaithersburg ,USA) நகரின் 2017 ஆம் ஆண்டுக்கான இளம் மேயராக (Junior Mayor) நான்காவது வகுப்பில் படிக்கும் 9 வயது பூரணி கண்ணன் தெரிவு செய்யப்பட்டுள்ளார். சென்ற ஆண்டு 2016 இல் செல்வி சிறீநிதி குருவாயூரப்பன் தெரிவு செய்யப்பட்டிருந்தார்.

செல்வி பூரணி, ஜூனியர் மேயராக ஏப்ரல் 13 ஆம் தேதி பதவி ஏற்றுக்கொண்ட பின், மே 1 ஆம் தேதி நடந்த  மேயர் மற்றும் நகர சபை கூட்டத்தின் போது, கெய்த்தர்ஸ்பர்க் நகர மக்களுக்கு முறைப்படி அறிமுகப்படுத்தப்பட்டாள்.

குழந்தைகளுக்கு சமூக நலப் பணிகளில் ஆர்வத்தை ஏற்படுத்தி, அவர்களை ஊக்குவிப்பதற்காக உருவாக்கப்பட்ட ஜூனியர் மேயர் என்னும் கௌரவப் பதவி, கெயித்தர்ஸ்பர்கில் கடந்த இரண்டு ஆண்டுகளாக நம் தமிழ் குழந்தைகளின் கைகளில் இருக்கிறது என்பது கூடுதல் உவப்பு! 
ஜுனியர் மேயராக தேர்ந்தெடுக்கப்பட்டால் அப்படி என்ன சிறப்பு? ஜுனியர் மேயராக தேர்ந்தெடுக்கப்படுபவர் தன் ஓராண்டு பதவி காலத்தில் நகர மேயர் கலந்துகொள்ளும் அனைத்து பொது விழாக்களிலும், மேடையில் அவருக்கு அடுத்த இருக்கையில் அமர்ந்தபடி கலந்து கொள்வார். சமூக நலப் பணிகளும் செய்வார்.

இவ்வாண்டு கூடுதலாக, ஜூனியர் மேயர் தான் செய்ய விரும்பும் சமூக நலப் பணிகளை முன் கூட்டியே திட்டமிட்டு, எழுத்து மூலம் சமர்ப்பிக்க வேண்டியிருந்தது. இப்பணிகளுக்கு தலைமை ஏற்றல், திட்டமிடுதல், செயல்படுத்துதல் ஆகிய அனைத்தும் ஜூனியர் மேயரின் பொறுப்புகள். ஜூனியர் மேயர் உருவாக்கும் சமூக நலத் திட்டத்தில் நகர மேயரும், தேர்ந்தெடுக்கப்பட்ட அதிகாரிகளும் (elected officials), நகர சபை உருப்பினர்களும் (City Council Members) பங்குகொள்வர். ஜூனியர் மேயரின் பள்ளியில், அவர் வகுப்பில் பயிலும் மாணவர்களும் இத்திட்டத்தில் உதவுவர்.



நன்றி- வலைத்தமிழ்.

மிக்க மகிழ்ச்சி ,வாழ்த்துகள்.பூரணி.

ரமணியன்