எப்போது பெய்யும் மழை?

by **ayyasamy ram** Mon May 29, 2017 8:47 pm

-
ஒரு நீள்சாலையென நீண்டிருக்கிறாய்
பகலின் நீலவானமென விரிந்திருக்கிறாய்
இரவில் நட்சத்திரங்களென நிறைந்திருக்கிறாய்
அழகான காட்சிகளின் ஜீவனாயிருக்கிறாய்
-
இருதய ஒலியின் ஜீவிதமாயிருக்கிறாய்
எண்ணங்களின் வண்ணங்களாயிருக்கிறாய்
காலத்தின் எல்லா வினாடிகளுமாயிருக்கிறாய்
-
இயற்கையின் பூக்களாயிருக்கிறாய்
பாடல்களின் இசையாயிருக்கிறாய்
நதிகளில் நீராயிருக்கிறாய்
உயிரின் வேராயிருக்கிறாய்
-
எப்போதும் பேசிக்கொண்டேயிருக்கிறாய்
எங்கு சென்றபோதும் வந்துவிடுகிறாய்
ஆத்மாவின் உயிராயிருக்கிறாய்
மனதின் கவிதைகளாயிருக்கிறாய்
-
மேனியெங்கும் முத்தங்களாயிருக்கிறாய்
இத்தனைக்குப்பின்னும்
மேகத்துள் மறைந்திருக்கிறாய்
எப்போது மழையொன்று பொழியும்?

– சௌவி
குங்குமம்

by **M.Jagadeesan** Tue May 30, 2017 12:18 pm

" எப்போது பெய்யும் மழை '

என்பது வெண்பாவுக்கு ஏற்ற அழகான ஈற்றடி . அதனால் கீழ்வரும் வெண்பா எழுதினேன் .

இப்போதும் சொல்கிறேன் ; என்நெஞ்சில் , என்னுயிரில்
எப்போதும் உன்நினைவு ஏந்திழையே ! வான்முகிலே !
முப்போதும் ஏங்குகிறேன் சொல்லிடுவாய் முத்தத்தில்
எப்போது பெய்யும் மழை .

by **T.N.Balasubramanian** Tue May 30, 2017 8:57 pm

எப்போதும் பெய்யும் மழை.--மலரும் நினைவுகள்.

தலைமை ஆசிரியர் பள்ளிநாட்களில்,
தவறாமல் எடுப்பார் ஆங்கில பாடங்கள்.
அழகுற எடுப்பாக இருப்பினும்
அவதிப்படுவோர் முன் பெஞ்சுவாசிகள்
பன்னீர்செல்வமென செல்லப் பெயர்
கட்டுப்படுத்த முடியா உமிழ்நீர்,
பாடம் நடத்துகையில்,சாரலென
எப்போதும் பெய்யும் மழை .
--ரமணியன்

அவரது ஆங்கில புலமை ,அவரிடம் கற்றது பல.
மனதில் அழியா poem பல.
வணங்குகிறேன் இன்றும்
ஸ்ரீ AV Sundaresan அவர்களே.

ரமணியன்

by **M.Jagadeesan** Wed May 31, 2017 6:28 am

திருச்சியில் மிகச்சிறந்த பள்ளிகளில் ER உயர்நிலைப்பள்ளியும் ஒன்று .

by **T.N.Balasubramanian** Wed May 31, 2017 7:21 am

ஆம் அய்யா ஆனாலும் நான் குறிப்பிட்டுள்ள தலைமை ஆசிரியர் ,
சென்னையில் நான் படித்த 10 /11 கிளாஸ் (5 /6 த் form ) படித்தபோது.
AG ஜெயின் ஹய்ஸ்கூல்.

ரமணியன்

by Sponsored content

எப்போது பெய்யும் மழை?

எப்போது பெய்யும் மழை?

Re: எப்போது பெய்யும் மழை?

Re: எப்போது பெய்யும் மழை?

Re: எப்போது பெய்யும் மழை?

Re: எப்போது பெய்யும் மழை?

Re: எப்போது பெய்யும் மழை?