பத்து அறிவு

by sugumaran Mon May 29, 2017 11:16 am

பசிவந்தால் பத்தும் பறந்து போம் என்பார்கள் என்ன அந்தப்பத்து ? அந்தப்பத்து என்பது எவை ? என்பதற்கு பல்வேறு யூகங்கள் இன்றுவரை இருக்கின்றன .
ஆனால் திரு மூலரோ அறிவே பத்து என்கிறார் .
அவருக்கு முன் இருந்த தொலகாப்பியர் முதல் அனைவரும் 2000 ஆண்டுகளாக பத்து அறிவு 0nE14iqsT5KEFQCL7HQc+thirumo

பத்து அறிவு 0nE14iqsT5KEFQCL7HQc+thirumo

ஆறுதான் என்று கூறிக்கொண்டிருந்தபோது ,

ஓரறிவதுவே உற்றறிவு அதுவே
இரண்டறிவு அதுவே அதனொடு நாவே
மூன்றறிவு அதுவே அவற்றொடு மூக்கே
நான்கறிவு அதுவே அவற்றொடு கண்ணே
ஐந்தறிவு அதுவே அவற்றொடுசெவியே
ஆறறிவு அதுவே அவற்றொடு மனமே
(தொல்காப்பியம் மரபியல்)
இதற்குச் சான்றாகத் தொல்காப்பியம் கூறும் ஆறு அறிவுகளை இந்தப் பாடல் விவரித்தபோதும் ,
பிறகு உதித்த திருமூலர் முதல் முதலாக அறிவு பத்து என்கிறார் . என்ன அறிவு அந்த பத்து அறிவு என அறிய
அவரின் அந்த அற்புத பாடலைப்பார்ப்போமா

"உற்றறிவு ஐந்தும், உணர்ந்தறிவு ஆறு ஏழும்
சுற்றறிவு எட்டும் கலந்தறிவு ஒன்பதும்
பற்றிய பத்தும் பலவகை நாழிகை
அற்றறியாது அழிகின்ற வாறே."
திருமந்திரம் -741

ஐம்புலன்களில் ஐம்பொறிகள் பொருந்தி அறிந்து கொள்வது முதல் ஐந்து வகை அறிவு ஆகும்.
இந்த அறிவை அவற்றினின்றும் வேறாக இருந்து மனத்தால் அறிந்து கொள்வது ஆறாவது அறிவு ஆகும்.

பொருட்களின் நன்மை, தீமைகளை ஆராயும் அறிவு ஏழாவது அறிவு ஆகும்.
கல்வியால் பெறுவது எட்டாவது அறிவு.
அனுபவத்தால் பெறுவது ஒன்பதாவது அறிவு.
இந்த ஒன்பது அறிவுக்கும் காரணம் ஆனவர் பரம்பொருள் என்று அறிந்து கொள்வது பதிஞானம் என்னும் பத்தாவது அறிவு ஆகும்.

இத்தனை அறிவினையும் அறிந்து கொண்டு, அதற்கேற்ப நடக்காமல் இருப்பதனாலேயே மக்கள் அழிகின்றனர்.
இவ்வாறு திருமூலர் விவரிக்கிறார் !
அக்ண்ணாமலை சுகுமாரன்
29/5/17

by **T.N.Balasubramanian** Mon May 29, 2017 11:03 pm

அப்பிடியா ?

நானறிந்த வகையில் ,

"மானங் குலங் கல்வி வண்மை அறிவுடமை
தானந் தவம்உயர்ச்சி தாளாண்மை - தேனின்
கசிவந்த சொல்லியர்மேல் காமுறுதல் பத்தும்
பசிவந்திடப் பறந்து போம்!

பசிநோய் வரின், மானம், குடிபிறப்பு, கல்வி, ஈகை, அறிவுடமை, தவம், உயர்வு, தொழில், முயற்சி, தேன் போலும் இனிமை பொருந்திய சொல்லை உடைய மங்கையர்மேல் ஆசை கொள்ளுதல் ஆகிய பத்தும் ஓடிப்போம்!"

என்றுதான் நினைத்து இருந்தேன். தவறா அது சுகுமாரன் அவர்களே ?

ரமணியன்

by **M.Jagadeesan** Tue May 30, 2017 7:30 am

ஒளவைக் கிழவி சொன்னதுதான் சரி .

பசி வந்தால் மானம், குடிபிறப்பு, கல்வி, ஈகை, அறிவுடமை, தவம், உயர்வு, தொழில், முயற்சி, தேன் போலும் இனிமை பொருந்திய சொல்லை உடைய மங்கையர்மேல் ஆசை கொள்ளுதல் ஆகிய பத்து குணங்களும் நம்மைவிட்டுப் போய்விடும் என்று சொல்லுகிறார் .

ஐந்து புலன்கள் மூலமாக அறிகின்ற அறிவு உற்றறிவு . ஆறாவது அறிவு மனம் . மனத்தின் மூலமாக ஆராய்ந்து பெறுகின்ற அறிவு பகுத்தறிவு . இந்த பகுத்தறிவு விலங்குகளுக்கும் , பிற உயிர்களுக்கும் கிடையாது . மனிதனுக்கு மட்டுமே உண்டு .

திருமூலர் கூறுகின்ற உணர்ந்தறிவு , கற்றறிவு , கலந்தறிவு , பற்றிய அறிவு ஆகிய எல்லா அறிவுகளையும் மனதினுள் அடக்குகிறார் தொல்காப்பியர் . ஆக அறிவு மொத்தம் ஆறுதான் .!

by **ayyasamy ram** Tue May 30, 2017 8:11 am

by Guest Tue May 30, 2017 11:54 am

பகவத்கீதைக்கு வித்திட்டது திருமந்திரம் என்று படித்திருக்கிறேன். சரியோ தவறோ,திருமந்திரம் ஒரு யோக நூல்-சமய முறையில் சொல்லப்பட்டதாக கொள்ளலாம். ஔவையின் சொல் வாழ்க்கை நெறியாக கொள்ளலாம். ஔவை சொன்னது மக்களுக்காக. திருமந்திரம் சொல்வது……… அந்த அளவுக்கு அறிவு என்னிடம் இல்லை.

by Guest Tue May 30, 2017 12:07 pm

by sugumaran Wed May 31, 2017 11:26 am

நானறிந்த வகையில் ,

"மானங் குலங் கல்வி வண்மை அறிவுடமை
தானந் தவம்உயர்ச்சி தாளாண்மை - தேனின்
கசிவந்த சொல்லியர்மேல் காமுறுதல் பத்தும்
பசிவந்திடப் பறந்து போம்!

பசிநோய் வரின், மானம், குடிபிறப்பு, கல்வி, ஈகை, அறிவுடமை, தவம், உயர்வு, தொழில், முயற்சி, தேன் போலும் இனிமை பொருந்திய சொல்லை உடைய மங்கையர்மேல் ஆசை கொள்ளுதல் ஆகிய பத்தும் ஓடிப்போம்!"

என்றுதான் நினைத்து இருந்தேன். தவறா அது சுகுமாரன் அவர்களே ?//

தெரிந்ததைக் கொண்டு தெரியாததை சொல்லும் விதமாக நான் யாவர்க்கும் தெரிந்த அவ்வையின்வரிகளை ஆரம்பத்தில் பயன் படுத்தினேன் .
இது வாசகர்களை படிக்க ஈர்க்கும் யுக்தியே !
எனினும் திரு மூலர் கூறிய அறிவுகள் பத்து எனும் மொழி
அதிகம் அறியாதது .
இதில் இப்போது கருத்து ஒற்றுமை இராமல் இருக்கலாம் .
ஆயினும் கருத்துக்களை ,தரவுகளை தக்க நேரத்தில் பதிவு செய்யவேண்டியது நமது கடமை .
இன்னம் சில காலம் கழித்து இதன் உண்மைகளை இன்னமும் விரிவாக விவாதிக்கப்படலாம் .
நன்றி
அன்புடன்
அண்ணாமலை சுகுமாரன்