ரஜினி சொந்தமாக புதிய அரசியல் கட்சி தான் தொடங்குவார் ஜூலை இறுதியில் அறிவிப்பு வெளியாகலாம்

சென்னை,

நடிகர் ரஜினிகாந்த் அரசியலுக்கு வருவது உறுதி என்பதை அவர் தனது ரசிகர்கள் மத்தியில் சூசகமாக தெரிவித்தார்.

அதன் பின்னர் ரஜினி அரசியலுக்கு வரப்போவது நூறு சதவீதம் உண்மை என அவர் நண்பர் ராஜ் பகதூர் ஊடகங்களில் கூறினார்.

ரஜினி அரசியலுக்கு வருவார் என அவரது அண்ணன் சத்திய நாராயணா முதன் முதலாக அறிவித்துள்ளார்.இது தொடர்பாக அவர் அளித்த பேட்டி வருமாறு:-

ரஜினிகாந்த் அரசியலுக்கு வர வேண்டும் என்பது மக்கள் விருப்பமாகும். இது தொடர்பாக அவர் தன் ரசிகர்களுடனும், தனது நல விரும்பிகளான நண்பர்களுடனும் ஆலோசனை நடத்தி வருகிறார். தற்போது முதல் சுற்று ஆலோசனையை அவர் முடித்துள்ளார்.

அடுத்த மாதம் (ஜூன்) மீண்டும் ரசிகர்களை சந்தித்து இரண்டாம் சுற்று ஆலோசனை நடத்தவுள்ளார். அவரது ரசிகர்கள் அனைவரும் ஒட்டு மொத்தமாக அவரை அரசியலுக்கு வருமாறு வற்புறுத்தி அழைத்துக் கொண்டிருக்கிறார்கள். எனவே ரஜினியின் அரசியல் பிரவேசம் தவிர்க்க முடியாதது.

ரஜினி அடுத்து தனது ரசிகர்களை சந்திக்க தயாராகி வருகிறார். அதிகபட்சமாக எவ்வளவு ரசிகர்களை சந்திக்க முடியுமோ, அவ்வளவு ரசிகர்களை சந்தித்து விட வேண்டும் என்று அவர் விருப்பம் தெரிவித்துள்ளார். அதன் பிறகே அவர் தனது முடிவை வெளியிடுவார்.

பொதுமக்களிடமும், ரசிகர்களிடமும் அவருக்கு ஏகோபித்த ஆதரவு உள்ளது. எனவே ரஜினி எடுக்கும் முடிவும் அதற்கு நேர் மறையாக இருக்கும். அது தமிழக அரசியலில் புதிய அத்தியாயம் படைப்பதாக இருக்கும்.

ரஜினி தனது முடிவை ஜூலை மாத இறுதியில் வெளியிட திட்டமிட்டுள்ளார். அவரது அரசியல் வருகையின் முக்கிய நோக்கமே, பொது வாழ்வில் உள்ள ஊழலையும், லஞ்சத் தையும் ஒழிக்க வேண்டும் என்பதுதான்.

அரசு சார்பில் நிறைய திட்டங்களுக்கு அதிக அளவில் நிதி ஒதுக்கீடு செய்யப்படுகிறது. ஆனால் அந்த பணம் ஏழை எளியவர்களுக்கு சென்று சேருவதில்லை. அதுபோல நலத் திட்டங்களின் பயன்களும் தேவைப்படுபவர்களுக்கு கிடைப்பதில்லை.

ஏழைகளுக்கு அரசுத் திட்ட பலன்கள் உரிய வகையில் கிடைக்காமல் போவதற்கு காரணமே அடிமட்டம் வரை ஊழல் புகுந்து இருப்பதுதான். இந்த ஊழலை ரஜினியால் திறம்பட ஒழிக்க முடியும் என்ற நம்பிக்கை மக்களிடம் ஏற்பட்டுள்ளது.

ரஜினி அரசியலுக்கு வருவதை அறிந்துள்ள சில கட்சிகள் அவரை தங்களுடன் இணைத்துக் கொள்ள முயற்சி செய்கின்றன. அதற்காக சிலர் அழைப்பு விடுத்துள்ளனர். ஆனால் ரஜினி எந்த கட்சியிலும் சேர மாட்டார்.

ரஜினி சொந்தமாக புதிய அரசியல் கட்சி தான் தொடங்குவார். அந்த கட்சிக்கான பெயர் மற்றும் சின்னம் மற்றும் உள்கட்டமைப்பு தொடர்பாக ஆலோசிக்கப்பட்டு வருகிறது.
-
தினத்தந்தி

புதிய கட்சி தொடங்குவதற்காக ரஜினி பல அரசியல் தலைவர்களிடம் ஆலோசனை கேட்டு வருகிறார் . திரு வை .கோ . அவர்களிடமும் ஆலோசனை கேட்டு , அவர் சொற்படி நடக்கவேண்டும் .

ரஜனி சார்,உங்கள் நடிப்பை இரசிக்கிறேன்.அரசியல்- too late Sir! -

அரசியலுக்கு வருமுன்னர் ஒருவர் குறைந்தது ஐந்து வருடங்கள் மக்கள் சேவையில் ஈடுபட்டிருக்க வேண்டும் என்ற விதியை செயல்படுத்த வேண்டும்.

ரஜினி : மக்கள் சேவையா ? அப்படியென்றால் என்ன ?

காவேரி பிரச்சனை,ஈழப் பிரச்சனை போன்ற பொதுப் பிரச்சனைகளுக்கான போராட்டங்களில் நடிகர்கள் (நடிகர் சங்கம்) கலந்து கொள்ளமாட்டார்கள் (கொள்ளாது) - தலைவர் விஷால் .

மக்கள்:இப்படி பொதுப்பிரச்சனைகளைக் கண்டால் ஒதுங்கி இருப்பதற்குப் பெயர்தான் மக்கள் சேவை ரஜனி சார்.

வைக்கோவைத் தொடர்ந்து தமிழருவி மணியன் தனது ஆதரவை ராஜனிக்கு தெரிவித்துள்ளார்.
வாழ்த்துகள் ரஜனி சார்.