ரூ.26 கோடி மணல் குவாரி உரிமம் பெற்ற அமைச்சரின் சமையல்காரர்

சண்டிகர் :
பஞ்சாப் மாநில மின்துறை அமைச்சராக இரப்பவர் ராணா குர்ஜித்.
பஞ்சாப் சட்டசபையில் பணக்கார எம்.எல்.ஏ., இவர் தான்.
இவரது சொத்து மதிப்ப ரூ.169 கோடி. இவருக்கு சொந்தமாக சர்க்கரை
ஆலை ஒன்று உள்ளது.

குர்ஜித்திற்கு சொந்தமான கம்பெனி ஒன்றில் சமையல்காரராக
இருப்பவர் அமித் பகதூர்(36). மாதம் ரூ.11,706 சம்பளம் பெறும் இவர்,
ஒரு மாதத்திற்கு முன்பு வேலையிலிருந்து விலகினார்.

இவர் சமீபத்தில் பஞ்சாப் அரசு நடத்திய மணல் குவாரி ஏலத்தில் கலந்து
கொண்டு, ரூ.26.51 கோடி மதிப்பிலான குவாரி உரிமத்தை பெற்றுள்ளார்.

மணல் குவாரி உரிமம் பெறுவதற்கான ஏலத்தொகையில் முதல்
தவணையாக ரூ.13.34 கோடியை மே 21 ம் தேதி பகதூர் செலுத்தி உள்ளார்.
ஏலத்தொகையுடன் இவர் அளித்த சான்றில் குறிப்பிட்டுள்ள தகவலின்படி
பகதூரின் வங்கிக் கணக்கில் கடந்த ஓராண்டில் ரூ.18,000 முதல் ரூ.22,000 க்கு
மேல் இருந்ததேயில்லை.

ஏப்ரல் 1 ம் தேதி கணக்கீட்டின் படி இவரது வங்கி கணக்கில்
ரூ.4, 840 மட்டுமே இருந்துள்ளது.

இந்த தகவல் வெளியே கசிய துவங்கியதும் பகதூர் தனது போனை
ஸ்விட்ஆப் செய்து வைத்துள்ளார். குர்ஜித்திடம் கேட்டபோது, என்னிடம்
ஆயிரக்கணக்கான தொழிலாளர்கள் வேலை பார்த்தார்கள்.

இப்போதும் பார்க்கிறார்கள். அவர்கள் வேலை முடிந்து சென்ற பிறகு
என்ன செய்கிறார்கள் என நான் கண்காணிக்க முடியாது.
என் கம்பெனியில் வேலையில் இருந்து சென்றவர்கள் செய்யும் காரியத்திற்கு
எல்லாம் நான் பொறுப்பாக முடியாது என தெரிவித்துள்ளார்.

ஆனால், குர்ஜித் தான் பகதூரிடம் பணம் கொடுத்து மணல் குவாரி உரிமம்
பெற வைத்துள்ளார். இதற்காக தான் ஒரு மாதத்திற்கு முன்பாகவே பகதூரை
வேலையில் இருந்து அனுப்பி உள்ளார் என எதிர்க்கட்சிகள் குற்றம்சாட்டி
உள்ளன.

மேலும் ரூ.11,000 மாத சம்பளம் பெறும் ஒருவரால் எப்படி ரூ.26 கோடி
மதிப்பிலான குவாரி உரிமம் பெற முடியும்? அதற்கு ஏலத்தொகையை ஒரே
தவணையாக எப்படி ரூ.13 கோடி செலுத்த முடியும் என கேள்வி எழுப்பி
உள்ளனர்
-
------------------------------------------
தினமலர்

என்னங்க எல்லாமே பினாமி தான். எப்படி குறுக்கு வழிமுறையில்
பணம் சம்பாதிப்பது என்பதற்கான வழிகளில் இதுவும் ஒன்று>>>>>>
இது என்னங்க நாட்ல இன்னும் என்னென்னவோ நடக்குது >>>எந்த
அமைச்சர் சொத்து சேர்க்காதவர் கல்வி நிறுவனம் போல் தொழில்
நிறுவனம் இல்லாமல் உள்ளார் எல்லாம் பினாமி பெயரில்கூட>>>

பினாமி - சொகுசான வாழ்க்கையை தரும். ஆனால் ஒரு நாள் சந்தேகத்திற்கிடமான முறையில் சாவு வரும்.

ஒருவருக்குப் பினாமியாக இருப்பதைவிடக் கடலில் சுனாமியாக இருப்பது எவ்வளவோ மேல் .