ஊதாவும் ரோமும் !

கலை, மனிதனாக பிறந்த ஒவ்வொரு மனிதனும் அள்ளி அள்ளி பருக வேண்டிய அமிர்தமடா அது - திரையில் எம்.ஆர்.ராதா.

Blue is the warmest color - ஆண் -பெண் சேர்ந்து வாழும்போது எழும் சிக்கல்களை மையமாக வைத்து நிறைய திரைப்படங்கள் வந்துள்ளன. காதல் , கோபம் , உரிமை கொண்டாடுதல் , பூரிப்பு , கொண்டாட்டம் , பிரிவு , ஏக்கம் , கண்ணீர் போன்ற அனைத்தும் பெண்ணும் பெண்ணும் சேர்ந்து வாழும் போதும் நிகழும் என்பதை இத்திரைப்படம் முன்வைத்தது. பிடிக்கவில்லையென்றால் பிரிந்து போவதும் நிகழ்கிறது. ஆண் -பெண் உறவோ , பெண் -பெண் உறவோ பிரிந்து செல்லும் இருவரில் ஒருவர் வெகு சீக்கரமாக இயல்பான வாழ்விற்கு திரும்பி விடுகிறார். மற்றொருவரால் அவ்வளவு எளிதில் இயல்பு வாழ்விற்கு திரும்பிவிட முடிவதில்லை. அதையும் இத்திரைப்படம் வெளிப்படுத்தியது. இத்திரைப்படத்தில் வயதில் மூத்த பெண்ணிற்கும் (ஆண்களைப் போல குறைவான முடி கொண்ட ), இளவயது பெண்ணிற்கும் இடையே உறவு உருவாகிறது.இத்திரைப்படத்தில் நிர்வாண காட்சிகள் இருந்தாலும் அவை அழகியலுடன் உருவாக்கப்பட்டிருக்கும்.

Room in Rome - ஒரு இரவில் , ஒரே அறையில் உலகின் வெவ்வேறு பகுதிகளிலிருந்து வந்து எதேச்சையாக சந்தித்து கொண்ட இரு பெண்களுக்கு இடையான உரையாடல் ,அன்பு , காதல் , காமம்தான் திரைப்படம். இத்திரைப்படத்திலும் வயதில் மூத்த பெண் ஆணைப் போல குறைந்த முடி கொண்டவராகவே இருக்கிறார்.இதில் ஏதேனும் குறியீடு உள்ளதா என்று தெரியவில்லை. இத்திரைப்படத்தில் நிர்வாணமில்லாத காட்சிகள் வெகு குறைவு.ஆனால் அழகியலுடன் உருவாக்கப்பட்டிருக்கிறது. பின்னணி இசை பெரும் பலம். "Loving Strangers .. Loving Strangers , a hole in packet,all the money go away ( சரியாக தெரியவில்லை ) " என்ற பாடல் பட்டுக்கோட்டை கல்யாணசுந்தரம் எழுதிய "கையில வாங்கினேன் பையில போடல... காசு போன இடம் தெரியலை ..." என்ற பாடலை நினைவுபடுத்தியது.

நிர்வாணம் என்பது ஆபாசமல்ல கலை என்பது நம் முன்னோர்கள் வடித்து வைத்திருக்கும் சிற்பங்களைப் பார்த்தாலே புரியும். இப்படங்களைப் பார்த்தாலும் புரியும்.

ஒரே வாரத்தில் இரண்டு, உரையாடல்களை மையப்படுத்திய திரைப்படங்களை பார்த்தாகிவிட்டது. ஒன்று , Before Sunrise- எத்தேச்சையாக சந்தித்துக் கொண்ட ஆணுக்கும் பெண்ணுக்குமான உரையாடல். மற்றொன்று , Room in Rome - எத்தேச்சையாக சந்தித்துக்கொண்ட பெண்ணுக்கும் பெண்ணுக்குமான உரையாடல்..

தமிழில் எப்போது இம்மாதிரியான உரையாடலை மையப்படுத்திய திரைப்படங்கள் வெளிவரும் என்று தெரியவில்லை.

கலை, மனிதனாக பிறந்த ஒவ்வொரு மனிதனும்...

Habitación en Roma – Rome in Rome - இரு பெண்கள் -ஒரு இரவு - ஹோட்டல் அறையில் நடக்கும்,வெளிப்படையான பாலியல் ரீதியிலான காதல் கதையாக எடுக்கப்பட்டுள்ளது.

Blue Is the Warmest Color -15 வயது பெண்ணின் வெளிப்படையான பாலியல் கதை.அந்த வயதில் ஏற்படும் பழக்கங்களை காட்டினாலும்,பல பெற்றோர்கள் இப்படியான படங்களுக்கு எப்படி நம் பிள்ளைகளை அனுப்புவது,கூட்டிச் செல்வது என்று கேள்விகளை அன்று வைத்திருந்தனர்.

இந்த இரண்டு படங்களும் பல ஆண்டுகளுக்கு முன்னர் வந்த 18+  ஸ்பானிய/பிரென்ச் படங்களாகும். இந்தப் படங்களை கலை வடிவமாக எப்படிப்  பார்க்க முடியும் என்று தெரியவில்லை.பாலியல் ரீதியிலான ஒரு கதையாக,டீனேஜ் வயதில் ஏற்படும் குழப்பம் நிறைந்த வாழ்க்கையை எடுத்துக் காட்டுவதாகவே பார்க்க முடியும்.

இந்தப் படங்களையும் நமது சிற்பக் கலையையும் ஒப்பிட்டு பார்ப்பது வியப்பாக இருக்கிறது.

Before Sunrise 1995– காதல் கதை -பார்க்கக்கூடிய படம்

சிறப்பான எதிர்வினை எழுதிய மூர்த்தி அவர்களுக்கு நன்றி. மகிழ்ச்சியாகவும் இருக்கிறது. நிர்வாணம் என்பது ஆபாசமல்ல என்பதை முன்னிறுத்தவே சிற்பங்களை உதாரணம் காட்ட வேண்டியுள்ளது.