புதுக்கவிதை

ந.க.துறைவன் · ந.க.துறைவன் Sat Dec 24, 2016 6:22 am

நிலைமை ரொம்ப மோசமாக இல்லை..!!
*

நிலைமை ரொம்ப மோசமாக இல்லை
சமாளிக்கக் கூடிய வகையில் தானிருக்கிறது
சமாளிப்பதற்கான சாத்தியக் கூறுகள்
அத்தனையும் ஆராயப்பட்டுள்ளது.
எப்படியும் சமாளிக்கலாம் என்றுதான்
மையக் குழு முடிவு செய்துள்ளது
நிபுணர்கள் கருத்து தெரிவிக்கிறார்கள்.
விமர்சகர்கள் கரித்துக் கொட்டுகிறார்கள்.
நிலைமை ரொம்ப மோசமாக இல்லை
சமாளிக்கக் கூடிய வகையில் தானிருக்கிறது
எப்படியும் சமாளித்தே தீர வேண்டும் என்பதில்
வைராக்கியமாக இருக்கிறோம் என்பதை மட்டும்
தைரியமாகச் சொல்லிக் கொள்கிறோம்.
சமாளித்து விடுவோம் என்று நம்புங்கள்.
சமாளிப்பது என்பதும் ஒருவகையில்
சர்க்கஸ் வித்தை தான் தெரியுமா?
நிலைமை ரொம்ப மோசமாக இல்லை
சமாளிக்கும் தருணத்தில் கொஞ்சம்
சங்கடங்கள் இருக்கத்தான் செய்யும்
அதை தாங்கிக் கொள்ள மனப்பக்குவம் தேவை.
உங்களுக்கும் இருக்கிறது எனக்கும் இருக்கிறது
சங்கடங்களை வென்றுதான் நாம்
சாதனைகளைப் படைக்க வேண்டும்
சமாளிப்பதற்குள் யாருக்கும் எதுவும்
நேர்ந்து விடாது பார்த்துக் கொள்வோம்.
நிலைமை ரொம்ப மோசமாக இல்லை
சமாளிக்கும் வகையில் தானிருக்கிறது
ஆனால், எப்படி சமாளிப்பது என்பதில்
கொஞ்சம் சிக்கல் உருவாகிவிட்டது?
சிக்கலிலிருந்து தான் சிக்கலை
விடுவிக்க வேண்டும்…??

ந.க.துறைவன்.

ந.க.துறைவன் · ந.க.துறைவன் Sat Jan 14, 2017 9:35 am

விடியல் ஒளி பிறந்தது…!!

தைப் பொங்கல் பிறந்தது
மகிழ்ச்சி பொங்கி வழிந்து
புதிய ஆடைகள் வந்தது
குழந்தைகள் குலுங்கி சிரித்தது

போகியில் குப்பை எரிந்தது
மேளம் சத்தம் அதிர்ந்தது
துள்ளித் துள்ளி ஆட்டம் போட்டு
சிறுவர்கள் கூட்டம மகிழ்ந்தது.

உழவர் திருநாள் உதித்தது
உழைப்பின் பெருமை தெரிந்தது
நெல் மணிகள் அசைந்தது – புதிய
பானையில் பொங்கி வழிந்தது.

மாடு கன்று குளித்தது
ஆவாரம் மாலை அணிந்தது
கரும்பு கெடை நின்றது
உள்ளம் களித்து மிதந்தது.

இல்லம் எல்லாம் மணந்தது
பொங்கல் சோறு ருசித்தது
உறவுகள் ஒன்று சேர்ந்தது
உற்சாகம் பொங்கி மலர்ந்தது.

மரம் செடிகொடிகள் பூத்தது
காடு மலைகள் ஜொலித்தது
நாட்டு மக்கள் முகத்திலே - புதிய
விடியல் ஒளி பிறந்தது!!

ந.க.து்றைவன்.

ந.க.துறைவன் · ந.க.துறைவன் Fri Mar 03, 2017 10:15 am

மௌன மொழி…!!
*
அவனை எல்லோருக்கும்
தெரிந்திருந்தது.
அவனுக்குத் தான் யாரையும்
தெரிந்திருக்கவில்லை.
தெரிந்து வைத்திருப்பவர்கள்
பார்க்கும்போது பேசுவதில்லை
தெரியாதிருப்பதால் இவன்
யாரிடமும் பேசுவதில்லை.
எப்பொழுதும் நிலவுகிறது
இடைவெளிகளில் ஆழ்ந்த
மௌன மொழி.
ந.க.துறைவன்.
*

**ayyasamy ram** · **ayyasamy ram** Fri Mar 10, 2017 8:47 am

ந.க.துறைவன் wrote:மௌன மொழி…!!
*
அவனை எல்லோருக்கும்
தெரிந்திருந்தது.
அவனுக்குத் தான் யாரையும்
தெரிந்திருக்கவில்லை.
தெரிந்து வைத்திருப்பவர்கள்
பார்க்கும்போது பேசுவதில்லை
தெரியாதிருப்பதால் இவன்
யாரிடமும் பேசுவதில்லை.
எப்பொழுதும் நிலவுகிறது
இடைவெளிகளில் ஆழ்ந்த
மௌன மொழி.
ந.க.துறைவன்.
*

மேற்கோள் செய்த பதிவு: 1235302
-
புதுக்கவிதை 3838410834

-

**Dr.S.Soundarapandian** · **Dr.S.Soundarapandian** Sun Mar 12, 2017 10:55 am

ந.க.துறைவன் · ந.க.துறைவன் Mon Mar 13, 2017 9:18 am

மிக்க நன்றி டாக்டர். சௌந்தரபாண்டியன் சார்.

**T.N.Balasubramanian** · **T.N.Balasubramanian** Mon Mar 13, 2017 11:26 am

"வேறு யார்" சொந்த கவிதை பகுதியிலும் பதிவு செய்து இருக்கிறீர்கள் .
ஆகவே புது கவிதை தலைப்பில் வந்துள்ளது நீக்கப்படுகிறது.
இரு இடங்களில் ஒரே கவிதையை பதிவிடவேண்டாம்.

ரமணியன்

ந.க.துறைவன் · ந.க.துறைவன் Wed May 24, 2017 9:28 am

அக்னி நட்சத்திரம்.

மதிய கோடை வெயில் உக்கிர
அனல் முகத்தைத் தீய்த்தது.
பாதையில் நடக்கையில்
கால்கள் தடுமாறின. கண்கள்
கிறங்கின அந்நொடியில் எங்கே
ஒதுங்கி நிற்பதென புரியவில்லை.
இடமும் தென்படவில்லை.
கடந்து செல்லும் பாதசாரிகள்
வியர்வையை வழித்து வழித்து
சூரியனை நோக்கி வீசியெரிகிறார்கள்.
வீதியெங்கும் காய்கிறது
நெரிசல் இரைச்சல் எரிச்சல் உண்டாக்கி
விரைகின்ற புகைக்கக்கிய வாகனங்களின்
பெருநரக வாதை.
தலைக்கு மேலே இருக்கும்
சூரியனைப் பாத்தேன். கண்கள் கூசின.
மேகமில்லாத வெண்மை படர்ந்த
வானவெளியெலாரு காக்கை
குருவிகள் தென்படவில்லை.
எங்கும் வெப்பக் கதிரொளி.
ந.க. துறைவன்.
*

**T.N.Balasubramanian** · **T.N.Balasubramanian** Wed May 24, 2017 11:13 pm

அனுபவக் கவிதை . நன்று.
ரமணியன்

**M.Jagadeesan** · **M.Jagadeesan** Thu May 25, 2017 7:02 am

சுட்டெரிக்கும் சூரியனே !

காமனை சிவன் எரித்ததுபோல் என்னை
எரித்துவிடலாம் என்று எண்ணாதே !
அது உன்னால் முடியாது !
ஏன் தெரியுமா ?

தற்போது நான்
காதலியின் கரங்களிலே கட்டுண்டு கிடக்கின்றேன் .
அதனால் எனக்கு
அக்கினி நட்ஷத்திரமும் மார்கழிப் பனிதான் !

Sponsored content · Sponsored content

புதுக்கவிதை

புதுக்கவிதை

Re: புதுக்கவிதை

Re: புதுக்கவிதை

Re: புதுக்கவிதை

Re: புதுக்கவிதை

Re: புதுக்கவிதை

Re: புதுக்கவிதை

Re: புதுக்கவிதை

Re: புதுக்கவிதை

Re: புதுக்கவிதை

Re: புதுக்கவிதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக