ரூ.12 இருந்தால் விமானத்தில் பறக்கலாம்: ஸ்பைஸ்ஜெட் அதிரடி சலுகை

**ayyasamy ram** · **ayyasamy ram** Tue May 23, 2017 8:46 pm

புதுடெல்லி:

குறைந்த கட்டணத்தில் விமான சேவை வழங்கி வரும் ஸ்பைஸ்ஜெட் விமான நிறுவனமானது தனது 12-ம் ஆண்டு விழாவை இன்று கொண்டாடுகிறது. இந்த கொண்டாட்டத்தின் ஒரு பகுதியாக கட்டண சலுகையை அறிவித்துள்ளது. ஸ்பைஸ்ஜெட் விமானத்தில் பயணிக்க குறைந்தபட்ச டிக்கெட் கட்டணம் ரூ.12 முதல் ஆரம்பிக்கும் என்ற சலுகையை அறிவித்துள்ளது. இந்த 12 ரூபாய் என்பது அடிப்படை கட்டணம் மட்டும்தான். வரிகள் மற்றும் கூடுதல் வரிகள் தனியாக செலுத்த வேண்டும். இந்த சலுகையானது உள்நாட்டு மற்றும் வெளிநாட்டு விமான சேவை இரண்டுக்கும் பொருந்தும்.

இது தொடர்பாக ஸ்பைஸ்ஜெட் நிறுவனம் வெளியிட்டுள்ள அறிக்கையில், ‘இந்த சலுகையின் கீழ் குறைந்த அளவிலான இருக்கைகளே விமானத்தில் இருக்கும். முதலில் வருபர்களுக்கே சலுகை கிடைக்கும்.

இந்த டிக்கெட் விற்பனை இன்று (மே 23) தொடங்கி மே 28 வரை செய்யப்பட உள்ளது. இந்த சலுகை விலை டிக்கெட் மூலம் ஜூன் 26 முதல் அடுத்த ஆண்டு மார்ச் 24-ம் தேதி வரை விமானத்தில் பயணிக்கலாம்” என்று குறிப்பிடப்பட்டுள்ளது.

மேலும், ஸ்பைஸ்ஜெட் நிறுவனத்தின் ஆண்டுவிழா சலுகை விற்பனையை ஒட்டி நடத்தப்படும் போட்டிகளில் வெற்றி பெறுபவர்களுக்கு இலவச டிக்கெட்டுகள் உள்ளிட்ட பல்வேறு சிறப்பு சலுகைகள் அறிவிக்கப்பட்டுள்ளது.
-
மாலை மலர்

**T.N.Balasubramanian** · **T.N.Balasubramanian** Tue May 23, 2017 10:52 pm

10 /12 ஆண்டுகளுக்கு முன் கேப்டன் கோபிநாத் என்பவர்
ஏர் டெக்கான் என்ற விமான போக்குவரத்தை ஆரம்பித்தார்.
அதில் பேசிக் ஃ பேர் ஒரு ரூபாய்தான். குறிப்பிட்ட தினங்களில் இந்த சலுகை இருந்தது.
பின்பு விஜய் மல்யா இதை வாங்கி கிங் ஃ பிஷர் என்று பெயரிட்டு விமானங்களை
ஓட்டினார். இதன் மூலம் சேவை செய்தாரோ என்னவோ அதிகமாக பாங்குகளில்
கடன் வாங்கினார்.
இவரும் பணக்காரர் ஆகினார் சில பாங்கர்களும் பணக்காரன் ஆகினார்கள்.

ரமணியன்

**ராஜா** · **ராஜா** Wed May 24, 2017 8:24 pm

சும்மா மக்களை ஏமாற்றும் அறிவிப்பு , அடிப்படை கட்டணம் என்று சொல்லிவிடு அதற்கப்புறம்

வரி , எரிபொருள் செலவு என்று ஏறக்குறைய வழக்கமான கட்டணத்தை பிடுங்கி விடுவார்கள். அனைத்து விமான நிறுவனங்களும் ஏமாற்றுகாரர்கள் தான்.

**T.N.Balasubramanian** · **T.N.Balasubramanian** Wed May 24, 2017 10:48 pm

வியாபாரிகள் எல்லோரும்.
இலவசமாக எதையும் தரமாட்டார்கள் ஆதாயம் இல்லையென்றால்.
ரமணியன்

**விமந்தனி** · **விமந்தனி** Wed May 24, 2017 11:23 pm

ஹய்....

**விமந்தனி** · **விமந்தனி** Wed May 24, 2017 11:24 pm

ராஜா wrote:சும்மா மக்களை ஏமாற்றும் அறிவிப்பு , அடிப்படை கட்டணம் என்று சொல்லிவிடு அதற்கப்புறம்

வரி , எரிபொருள் செலவு என்று ஏறக்குறைய வழக்கமான கட்டணத்தை பிடுங்கி விடுவார்கள். அனைத்து விமான நிறுவனங்களும் ஏமாற்றுகாரர்கள் தான்.

நிஜம் தான். இதோ சாம்பிள் .
ரூ.12 இருந்தால் விமானத்தில் பறக்கலாம்: ஸ்பைஸ்ஜெட் அதிரடி சலுகை 9p4PPADnSWm74I1Fxv1P+screenshot-book.spicejet.com-2017-05-24-23-06-56