இந்தி கற்க மாநில அரசுகள் ஊக்குவிக்க வேண்டும் - மத்திய அரசு அறிவுரை..!

**ayyasamy ram** · **ayyasamy ram** Wed May 24, 2017 5:26 am

இந்தி படிக்க வேண்டும் என்பதை மாநில அரசுகள்
ஊக்குவிக்க வேண்டும், கட்டாயப்படுத்தக் கூடாது
என மத்திய மனிதவள மேம்பாட்டுத் துறை அமைச்சகத்தின்
இந்தி ஆலோசனைக் குழு பரிந்துரை செய்துள்ளது.

இந்தி தாய் மொழி அல்லாத மாநில அரசுகள் மீது இந்தி
திணிக்க முயற்சித்து வருவதாக பிஜேபி அரசு மீது பல்வேறு
மாநிலங்களில் இருந்து குற்றச்சாட்டுக்கள் எழுந்தன.

இந்தியை தாய்மொழியாக கொண்டிராத மாநிலங்கள் தங்கள்
எதிர்ப்பை கடுமையாக பதிவு செய்தன.

இந்நிலையில், மத்திய மனிதவள மேம்பாட்டு அமைச்சகத்தின்
இந்தி ஆலோசனைக் குழு 'இந்தி மொழி கற்பிப்பதை மாநில
அரசுகள் ஊக்குவிக்க வேண்டும்; கட்டாயப்படுத்தக் கூடாது'
என்று பரிந்துரை செய்துள்ளது. மத்திய மனிதவள மேம்பாட்டுத்
துறை அமைச்சர் மகேந்திர நாத் பாண்டே தலைமையில்
நடைபெற்ற இந்தி ஆலோசனை குழு கூட்டத்தில் இந்த முடிவு
எடுக்கப்பட்டுள்ளது.

இதற்கு ஜனாதிபதி பிரணாப் முகர்ஜி ஒப்புதல் அளித்துள்ளார்.
-
--------------------------------
விகடன்

**ayyasamy ram** · **ayyasamy ram** Wed May 24, 2017 5:28 am

காங்கிரஸ் ஆட்சிக் காலத்தில் இந்தி திணிப்பு குறித்து பேசாதது ஏன்? -
மு.க.ஸ்டாலினுக்கு நிர்மலா சீதாராமன் கேள்வி
-
மத்திய இணைஅமைச்சர் நிர்மலா சீதாராமன் சிவகங்கை மாவட்டம்
கீழடியில் நடைபெறும் அகழ்வாராய்ச்சி பணியை நேற்று நேரில்
சென்று பார்வையிட்டார்.

இன்று டெல்லி திரும்பிய அவர் சென்னை விமான நிலையத்தில்
செய்தியாளர்களிடம் பேசினார். அப்போது அவர், 'மத்திய அரசு
இந்தி மொழியை திணிக்கவில்லை. ஏதேனும் ஒரு இடத்தில்
தமிழ் மொழியை அகற்றிவிட்டு இந்தி மொழி சேர்க்கப்பட்டு
இருந்தால் அதற்கு மத்திய அரசு பதில் சொல்ல கடமைப்பட்டுள்ளது.

கொடநாடு எஸ்டேஸ்ட்டில் நடைபெற்ற கொலை சட்டம் ஒழுங்கு
தொடர்பான விவகாரம். அதில் மாநில அரசு உறுதியான நடவடிக்கை
எடுக்க வேண்டும்.

காங்கிரஸ் ஆட்சியில் தி.மு.க பங்கேற்றிருந்த போது மு.க.ஸ்டாலின்
இந்தி திணிப்பு குறித்து பேசாதது ஏன்?' என்று கேள்வி எழுப்பினார்.
-
----------------------------
விகடன்

இந்தி கற்க மாநில அரசுகள் ஊக்குவிக்க வேண்டும் - மத்திய அரசு அறிவுரை..!

இந்தி கற்க மாநில அரசுகள் ஊக்குவிக்க வேண்டும் - மத்திய அரசு அறிவுரை..!

Re: இந்தி கற்க மாநில அரசுகள் ஊக்குவிக்க வேண்டும் - மத்திய அரசு அறிவுரை..!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக