உலகில் தரமான மருத்துவ சிகிச்சை அளிக்கும் நாடுகள்

by Guest Sun May 21, 2017 12:50 am

சர்வதேச அளவில் தரமான மருத்துவ சிகிச்சை அளித்து இறப்பு சதவிகிதத்தை குறைக்கும் முன்னணி நாடுகளின் பட்டியல் தற்போது வெளியாகியுள்ளது.

இங்கிலாந்து நாட்டை சேர்ந்த Healthcare Access and Quality Index (HAQ) என்ற மருத்துவ துறையை சார்ந்த நிறுவனம் இந்த பட்டியலை வெளியிட்டுள்ளது.

சர்வதேச அளவில் 195 நாடுகளில் ஆய்வுகள் மேற்கொள்ளப்பட்டது. கடந்த 1990-ம் ஆண்டு முதல் 2015-ம் ஆண்டு வரை இந்நாடுகளில் மருத்துவ சிகிச்சை எந்தளவிற்கு முன்னேறியுள்ளது என்பது குறித்து ஆய்வு மேற்கொள்ளப்பட்டது. மக்களைத் தாக்கும் பல நோய்களை வரிசைப்படுத்தி அவற்றின் தாக்கத்தையும் ஆய்வு செய்தது.

இந்த ஆய்வின் முடிவில், தரமான மருத்துவ சிகிச்சை அளித்து இறப்பு சதவிகிதத்தை குறைத்துள்ள நாடுகளின் பட்டியலில் ஐரோப்பாவில் உள்ள அண்டோரா நாடு முதல் இடத்தை பிடித்துள்ளது.
இதே பட்டியலில் இடம்பெற்றுள்ள முதல் 10 நாடுகளின் தரவரிசை இதோ!

1. அண்டோரா
2. ஐஸ்லாந்து
3. சுவிட்சர்லாந்து
4. சுவீடன்
5. நோர்வே
6. அவுஸ்திரேலியா
7. பின்லாந்து
8. ஸ்பெயின்
9. நெதர்லாந்து
10. லக்ஸம்போர்க்

பிரான்ஸ் – 15, கனடா – 17, ஜேர்மனி – 20, பிரித்தானியா – 30, அமெரிக்கா – 35, இலங்கை – 85, இந்தியா – 154 ஆகிய இடங்களை பிடித்துள்ளது குறிப்பிடத்தக்கது. இலங்கை,நேபாளம்,சீனா,பாகிஸ்தான்,பங்களாதேசம் இந்தியாவை பின்னுக்கு தள்ளி பல காத தூரம் முந்திக் கொண்டன.

அமெரிக்க மாகாணங்களில் மசசுசெற்ஸ்(Massachusetts) முதல் இடத்தையும்,15 வது இடத்தை நியு யோர்க்க்கும்,47 வது இடத்தை டெக்சாசும்,கடைசி இடத்தை (50 )அலாஸ்காவும் பிடித்துள்ளன.

-Healthcare Access and Quality Index (HAQ)-

by **T.N.Balasubramanian** Sun May 21, 2017 12:53 am

ஆஹா ,நம் நாட்டில் போலி மருத்துவர்கள் இருக்கிறார்கள் என்பது
இவர்களுக்கும் தெரிந்து விட்டதா மூர்த்தி?

தகவலுக்கு நன்றி.

ரமணியன்

by **M.Jagadeesan** Sun May 21, 2017 6:29 am

எல்லோரும் சிங்கப்பூருக்கு ஓடுகிறார்களே ! அந்தநாடு இந்தப் பட்டியலில் இடம்பெறவில்லையே !
அங்கு தரமான மருத்துவ மனைகள் இருப்பதாகச் சொல்கிறார்கள் !

by Guest Sun May 21, 2017 1:12 pm

நீண்ட பட்டியல் என்பதால் எல்லாவற்றையும் தரவில்லை.
சிங்கப்பூர் -ஜேர்மனிக்கு அடுத்து 21 ம் இடைத்தைப் பிடித்துள்ளது.

by **ayyasamy ram** Mon May 22, 2017 5:37 am

லக்ஸம்பர்க் - மிக மிக சிறிய நாடு
அதன் மக்கள் தொகை 537,039
-
அண்டோரா- மிக மிக சிறிய நாடு
நாட்டின் பரப்பு 468 சதுர கிமீ
மக்கள் தொகை- 71,822
--
சென்னை மாநிலத்தின் மக்கள் தொகையை விட குறைந்த மக்கள்
வாழும் நாடுகள் எல்லாம் பட்டியலில் இடம் பெற்றுள்ளன
-
சுற்றுலா பயணிகள் வரவால் செல்வ வளமிக்க நாடாக
உள்ளன
-
இந்த நாடுகள் சுகாதாரத்தில் பத்துக்குள் இடம் பிடிப்பதில்
ஆச்சரியம் ஏதுமில்லை
-

by **ராஜா** Mon May 22, 2017 7:25 pm

ayyasamy ram wrote:லக்ஸம்பர்க் - மிக மிக சிறிய நாடு
அதன் மக்கள் தொகை 537,039
-
அண்டோரா- மிக மிக சிறிய நாடு
நாட்டின் பரப்பு 468 சதுர கிமீ
மக்கள் தொகை- 71,822
--
சென்னை மாநிலத்தின் மக்கள் தொகையை விட குறைந்த மக்கள்
வாழும் நாடுகள் எல்லாம் பட்டியலில் இடம் பெற்றுள்ளன
-
சுற்றுலா பயணிகள் வரவால் செல்வ வளமிக்க நாடாக
உள்ளன
-
இந்த நாடுகள் சுகாதாரத்தில் பத்துக்குள் இடம் பிடிப்பதில்
ஆச்சரியம் ஏதுமில்லை
-

உலகில் தரமான மருத்துவ சிகிச்சை அளிக்கும் நாடுகள் 3838410834

மிகச்சரி

இந்த லிஸ்ட்ல வருவதற்கு குறைந்தபட்சம் மக்கள் தொகை அல்லது நாட்டின் பரப்பளவு ச.கிமீ இவ்வளவு இருக்க வேண்டும் என்று வரைமுறை இருக்க வேண்டும்

by Guest Mon May 22, 2017 10:52 pm

இந்த அறிக்கையில் பணம்/ஏழ்மை,சனத்தொகை, பரப்பளவு போன்றவை எந்தத் தாக்கத்தையும் ஏற்படுத்தவில்லை. 1990- 2015 இடைப்பட்ட காலத்தில் உயிரிழப்பைக் கொடுத்த 32 விதமான நோய்களை முக்கியமாக வைத்து அதற்காக எடுக்கப்பட்ட நடவடிக்கைகள், மருத்துவர்கள் செயல்பாடு,மருத்துவ நிலையங்கள்,தரமான சிகிச்சை,அரசின் செயல்பாடுகள் போன்றவை கருத்தில் கொள்ளப்பட்டு மதிப்பெண்கள் கொடுக்கப்பட்டன. இதில் பங்காற்றியவர்கள் அந்தந்த நாட்டை சேர்ந்த பல்கலைக்கழகங்கள்,சுகாதார நிறுவனங்கள் என பல்வேறுபட்டவர்கள்.

அந்த நாடுகள் தனித்தனியாக ஆராயப்பட்டு புள்ளிகள் வழங்கப்பட்டு,பின்னர் மற்றைய நாடுகளின் புள்ளிகளுடன் ஒப்பிடப்பட்டு தரம் பிரிக்கப்படுகின்றன.

அண்டோரா Hodgkin’s lymphoma கான்சருக்கு குறைந்த புள்ளிகளைப் பெற்றது.
சோமாலியாவை விட இந்தியா சிறு நீரக செயலிழப்பு,சிறு நீரக நோய்களினால் அதிக இழப்பை சந்தித்துள்ளது.எனவே நாட்டின் மக்கள் தொகை,பணம்,பரப்பளவு இதில் எந்தவித தாக்கத்தையும் ஏற்படுத்தவில்லை.

by Sponsored content

உலகில் தரமான மருத்துவ சிகிச்சை அளிக்கும் நாடுகள்

உலகில் தரமான மருத்துவ சிகிச்சை அளிக்கும் நாடுகள்

Re: உலகில் தரமான மருத்துவ சிகிச்சை அளிக்கும் நாடுகள்

Re: உலகில் தரமான மருத்துவ சிகிச்சை அளிக்கும் நாடுகள்

Re: உலகில் தரமான மருத்துவ சிகிச்சை அளிக்கும் நாடுகள்

Re: உலகில் தரமான மருத்துவ சிகிச்சை அளிக்கும் நாடுகள்

Re: உலகில் தரமான மருத்துவ சிகிச்சை அளிக்கும் நாடுகள்

Re: உலகில் தரமான மருத்துவ சிகிச்சை அளிக்கும் நாடுகள்

Re: உலகில் தரமான மருத்துவ சிகிச்சை அளிக்கும் நாடுகள்