தந்தையின் அறிவுரை மகளுக்கு

**T.N.Balasubramanian** · **T.N.Balasubramanian** Fri May 19, 2017 4:40 am

தந்தையின் அறிவுரை மகளுக்கு

மறைந்த அமெரிக்க குத்துச் சண்டை வீரர், முஹம்மது அலி,
மகள், தன் தந்தையை பார்ப்பதற்கு வீட்டிற்கு சென்றபோது, மகளின் ஆடை சிறிது கவர்ச்சியாக இருந்துள்ளது. அதற்காக தன் மகளுக்கு எப்படி அறிவுரை கூறியுள்ளார் என்பதை அவரின் மகள் வெளியிட்டுள்ளார்.
நானும், எனது தங்கை லைலாவும் தந்தையின் அறைக்குச் சென்றோம். வழக்கம்போல், தந்தை கதவிற்குப் பின்னால் ஒளிந்துகொண்டு எங்களை பயமுறுத்துவது போல் நின்றார்.
நாங்கள் உள்ளே சென்றவுடன், எங்களை ஆரத் தழுவி, முத்தமிட்டப் பின்பு, அவர் எங்களை உற்றுப் பார்த்தார்.
எங்களை அருகில் அமர்த்திக்கொண்டு, என் கண்களை நோக்கி நேராகப் பார்த்து,
" ஹானா, இந்த உலகில் மி்க மதிப்பு மிக்கதாக இறைவன் படைத்த அனைத்தும் மறைக்கப்பட்டவையாகவும், இன்னும் பெறுவதற்கு மிகக் கடினமாகவும் தான் உள்ளது.
வைரங்களை எங்கு எடுப்பாய்? பூமியின் ஆழமான பகுதியில் மறைக்கப்பட்டதாகவும், பாதுகாக்கப்பட்டதாகவும் தான் வைரங்கள் உள்ளன.
முத்துக்களை எங்கு எடுப்பாய்? கடலின் ஆழமான பகுதியில் அழகான சிப்பிக்குள் மறைக்கப்பட்டதாகவும், பாதுகாக்கப்பட்டதாகவும் தான் முத்துக்கள் உள்ளன.
தங்கத்தை எங்கு எடுப்பாய்? சுரங்கத்தினுள்ளே, அடுக்கடுக்கான பாறைகளுக்குள்ளே மறைக்கப்பட்ட நிலையில், அதை எடுப்பத்தர்க்கு நீ மிகக் கடினமாக உழைக்க வேண்டும். "
என்னை உற்று நோக்கியவராக,
"உன்னுடைய உடல் புனிதமானது. வைரங்கள், முத்துக்களை விட நீ புனிதமானவள். உன் உடலை முறையாக நீ மறைத்துக்கொள்ள வேண்டும்"..

தந்தையின் அறிவுரை மகளுக்கு D7mDqSAR4iMPVu39BOgk+18582210_811059299059979_20629823635128934_n

தந்தையின் அறிவுரை மகளுக்கு D7mDqSAR4iMPVu39BOgk+18582210_811059299059979_20629823635128934_n

நன்றி முகநூல்.பாட்டுக்காரன்

ரமணியன்

**ayyasamy ram** · **ayyasamy ram** Fri May 19, 2017 5:42 am

இந்த பதிவைத் துவங்கியவர் நன்றி கூறியுள்ளார் ayyasamy ram

**M.Jagadeesan** · **M.Jagadeesan** Fri May 19, 2017 9:00 am

ஆடைகளால் கவர்ச்சியை முற்றிலும் மூடி மறைக்க இயலாது . மூடிய உடலைப் பார்ப்பவருக்கு ஆசைகள் கூடவே வரும் .

ஆடைகள் அழகை மூடிய போதில்
...ஆசைகள் நெஞ்சில் ஆறாகும்
மாந்தளிர்மேனி மார்பினில் சாய்ந்தால்
...வாழ்ந்திடும் காலம் நூறாகும் .

என்பார் கண்ணதாசன் .

தில்லி துருக்கர்செய்த வழக்கமடிப் பெண்கள்
...திரையிட்டு முகமலர் மறைத்து வைத்தல் !

என்று பாடினான் பாரதி .

முகத்தை திரையிட்டு மூடியவாறு ஒருபெண் தெருவில் வருகிறாள் என்று வைத்துக் கொள்வோம் . அவளது சிவந்த கையை ஒருவன் பார்க்க நேரிடுகிறது . அப்போது அவன் , " ஐயோ ! இவள் கையே இவ்வளவு அழகு என்றால் , முகம் எப்படி இருக்குமோ ! " என்று எண்ணி எண்ணி ஏங்குவான் .

ஆகவே ஆடைகளால் உண்மையான அழகை மறைக்க இயலாது . மேகங்களால் சூரியனை மறைக்க முடியுமா ?

**T.N.Balasubramanian** · **T.N.Balasubramanian** Fri May 19, 2017 9:31 am

ஆடை சிறிது கவர்ச்சியாக இருந்துள்ளது

தகப்பன் அறிவுரை.

ஆடை வேண்டாமென்று கூறவில்லை .கவர்ச்சியான ஆடை வேண்டாமென்றுதான் கூறுகிறார்.
இழுத்துப் போர்த்திக்கொண்டு செல்லும் பெண்களின் அழகையும் ஆராதிக்கிறோம்.
அங்கங்களை மூடாது ,கவர்ச்சியை காட்ட குறைந்த ஆடை வேண்டாமென்றுதான் கூறுகிறார்.
பாரதியார் ,"திரையிட்டு முகமலர் மறைத்தல் " முக அழகை மறைத்தல் "நம்மவர் பழக்கமில்லை
என்கிறார்.
கண்ணதாசன் ..கண்ணனின் தாசன் ... அவரது கற்பனை ,எழுத்துக்களின் அழகு ,அழுத்தம் ...
டாக்டரேட் பண்ணலாம்.

ரமணியன்

Guest · Guest Fri May 19, 2017 4:31 pm

முக அழகை மறைத்தல் - நம் நாட்டில் மட்டுமல்ல, உலகத்தின் எந்த நாட்டுக் கலாச்சாரத்திலும் பெண்கள் முகத்தை மறைப்பது கிடையாது. மதங்களிலும் கிடையாது.

இஸ்லாமில் குரானில் கூட முகத்தை மறைக்கும்படி எந்த இடத்திலும் சொல்லப்படவில்லை. சிலர் தவறாக அர்த்தம் கொண்டு முகத்தை மூட வேண்டும் என சொல்கிறார்கள், இதைச் சொல்பவர்
Dr.Raihan Ismail - lecturer in Middle East Politics and Islamic Studies.

அவர் burka, niqab, hijab, chador or dupatta என்பவற்றுக்கு விளக்கமும் கொடுத்துள்ளார்.
இப்படி அணிவது அவரவர் நம்பிக்கை,தனிப்பட்ட உரிமை.ஆபாசமில்லாது அணிந்தால் சரி என் கிறார் அவர்.

**T.N.Balasubramanian** · **T.N.Balasubramanian** Fri May 19, 2017 6:26 pm

இஸ்லாமில் குரானில் கூட முகத்தை மறைக்கும்படி எந்த இடத்திலும் சொல்லப்படவில்லை. சிலர் தவறாக அர்த்தம் கொண்டு முகத்தை மூட வேண்டும் என சொல்கிறார்கள், இதைச் சொல்பவர்

அப்பிடியா?
ஜாகீதா பானு கூறுவதையும் கேட்கலாமே !
ரமணியன்

@ஜாகீதாபானு

**Dr.S.Soundarapandian** · **Dr.S.Soundarapandian** Sat Sep 02, 2017 8:29 pm

Sponsored content · Sponsored content

தந்தையின் அறிவுரை மகளுக்கு

தந்தையின் அறிவுரை மகளுக்கு

Re: தந்தையின் அறிவுரை மகளுக்கு

Re: தந்தையின் அறிவுரை மகளுக்கு

Re: தந்தையின் அறிவுரை மகளுக்கு

Re: தந்தையின் அறிவுரை மகளுக்கு

Re: தந்தையின் அறிவுரை மகளுக்கு

Re: தந்தையின் அறிவுரை மகளுக்கு

Re: தந்தையின் அறிவுரை மகளுக்கு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக