உருக்காலையில் திட்டமிட்டு பணி முடக்கம்

**ayyasamy ram** · **ayyasamy ram** Wed May 17, 2017 5:28 pm

சேலம் :
உருக்காலையில், அதிகாரிகள் திட்டமிட்டு, பணிகளை முடக்கி
உள்ளதால், 200 கோடி ரூபாய் இழப்பு ஏற்பட்டதாக, குற்றச்சாட்டு
எழுந்துள்ளது.

சேலம் உருக்காலை நஷ்டத்தில் இயங்குவதாக கூறும் மத்திய
அரசு, தனியார் மயமாக்க நடவடிக்கை எடுத்து உள்ளது.
இதற்கு எதிர்ப்பு தெரிவித்து, ஆலை ஊழியர்கள், தொடர்
போராட்டங்களில் ஈடுபட்டுள்ளனர்.

நேற்று, சேலம், பழைய பஸ் ஸ்டாண்ட் அருகே, தலைமை
தபால் நிலையம் முன், ஆலை ஊழியர்கள் ஆர்ப்பாட்டம் நடத்தினர்.
உருக்காலை பாதுகாப்பு கூட்டமைப்பு தலைவர் சுரேஷ்குமார் தலைமை
வகித்தார்.

பின், சுரேஷ்குமார் கூறியதாவது:அரசியல் சூழ்ச்சியால், ஏப்., 1 முதல்,
இதுவரை, ஆலையில் உள்ள அனைத்து பணிகளும் திட்டமிட்டு
முடக்கப்பட்டு உள்ளன. ஆலை இயங்க தேவையான கச்சா பொருட்கள்
வாங்க, ஆவணங்களில் உயரதிகாரிகள் கையெழுத்திடவில்லை.

இதனால், பணிகள் நிறுத்தப்பட்டுள்ளதாக, அதிகாரிகள் தெரிவிக்கின்றனர்.
இது, திட்டமிட்டு நடத்தப்படும் நாடகம். இதன் மூலம், இங்கு பணிபுரியும்
அதிகாரிகள் கையூட்டு வாங்கியிருப்பரோ என்ற சந்தேகம் எழுகிறது.
தற்போது, பணிகள் நிறுத்தப்பட்டு உள்ளதால், ஆலைக்கு, 200 கோடி
ரூபாய் இழப்பு ஏற்பட்டுள்ளது.

மேலும், ஆலையை லாபகரமாக இயக்க, ஊழியர்கள், பல்வேறு முயற்சியில்
ஈடுபட்டனர். அதனால், 2015 - 16ல், 450 கோடி ரூபாயாக இருந்த நஷ்டம்,
2016 - 17ல், 200 கோடி ரூபாயாக குறைந்துள்ளது. தொடர்ந்து குறைந்து
வந்தால், சட்ட விதிப்படி, ஆலையை தனியார் மயமாக்க முடியாது,
என்றார்.
-
---------------------------------
தினகரன்

உருக்காலையில் திட்டமிட்டு பணி முடக்கம்

உருக்காலையில் திட்டமிட்டு பணி முடக்கம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக