நடிகை ரம்யாவுக்கு காங்கிரசில் புதிய பதவி

**ayyasamy ram** · **ayyasamy ram** Fri May 12, 2017 10:19 am

--
புதுடில்லி:
காங்கிரசின், தகவல் தொழில்நுட்ப பிரிவு தலைவராக,
கன்னட, தமிழ் படங்களில் நடித்த, ரம்யா, விரைவில்
நியமனம் செய்யப்பட உள்ளதாக தகவல் வெளியாகி
உள்ளது.

பிரபல கன்னட நடிகை ரம்யா, 34, குத்து, வாரணம்
ஆயிரம் ஆகிய தமிழ் படங்களிலும் நடித்துள்ளார்.
2012ல் காங்கிரசில் இணைந்த அவர், கர்நாடக மாநிலம்,
மாண்டியா தொகுதி இடைத்தேர்தலில் போட்டியிட்டு,
எம்.பி.,யாக தேர்வானார்;

எனினும், 2014 லோக்சபா தேர்தலில் தோல்வியடைந்தார்.
காங்கிரசில் தற்போது, தீவிரமாக பணியாற்றி வருகிறார்.
மேலும், சமூக, அரசியல் விவகாரங்கள் தொடர்பாக
கருத்துக்களை வெளிப்படுத்தி வருகிறார்.

அவரை, சமூக வலைதளங்களில், நான்கு லட்சத்துக்கும்
அதிகமானோர், பின் தொடர்ந்து வருகின்றனர்.
இந்நிலையில், நடிகை ரம்யாவை, காங்கிரசின், ஐ.டி.,
பிரிவு தலைவராக நியமிக்க, அக்கட்சியின் துணைத்
தலைவர் ராகுல் முடிவு செய்துள்ளார்.

இது தொடர்பாக, கட்சியின் பிற நிர்வாகிகளுடன் அவர்
பேசியுள்ளதாக கூறப்படுகிறது. இதற்கான அறிவிப்பு,
விரைவில் வெளியாகும் என தெரிகிறது. இதுமட்டுமின்றி,
காங்கிரசின், ஐ.டி., பிரிவை வலிமைப்படுத்தவும், ராகுல்
திட்டமிட்டு உள்ளார்.

பிரதமர் மோடி, சமூக வலைதளங்களில் தீவிரமாக
பங்கெடுத்து வருவதாலும், தகவல் தொழில்நுட்பத்தை,
பா.ஜ., அதிகளவில் பயன்படுத்தி வருவதாலும்,
அதற்கு பதிலடி கொடுக்கும் வகையில், காங்கிரசின்
தகவல் தொழில்நுட்ப பிரிவை வலுப்படுத்தும்
நடவடிக்கையை, ராகுல், விரைவில் மேற்கொள்ள
உள்ளதாகவும், காங்., வட்டாரங்கள் தெரிவிக்கின்றன.
-
---------------------------
தினமலர்