சசியை சிறைக்கு அனுப்பிய நீதிபதி ஓய்வு

**ayyasamy ram** · **ayyasamy ram** Wed May 10, 2017 6:19 pm

-
புதுடில்லி:
ஜெயலலிதா, சசிகலா மீதான சொத்து குவிப்பு வழக்கில்
சிறை தண்டனையை உறுதி செய்து தீர்ப்பு அளித்த
சுப்ரீம் கோர்ட் நீதிபதி பினாகி சந்திர கோஷ், மே 27 ம்
தேதி பணியில் இருந்து ஓய்வு பெறுகிறார்.

ஜெயலலிதா, சசிகலா, இளவரசி, சுதாகரன் மீதான சொத்து
குவிப்பு வழக்கில், நான்கு ஆண்டு சிறை தண்டனையை
உறுதி செய்து சுப்ரீம் கோர்ட் நீதிபதிகள் பினாகி சந்திர கோஷ்,
அமித்வா ராய் ஆகியோர் கடந்த பிப்., 14ம் தேதி தீர்ப்பு
அளித்தனர்.

இதில், ஜெயலலிதா இறந்து விட்டார். மற்ற மூன்று பேரும்
பெங்களூரு பரப்பன அக்ரஹாரா சிறையில் அடைக்கப்பட்டனர்.

பணி ஓய்வு

இந்த சூழ்நிலையில், நீதிபதி கோஷ் மே, 27 ம் தேதி பணியில்
இருந்து ஓய்வு பெறுகிறார். இவர் 2013ம் ஆண்டு மார்ச் 8 ம்
தேதி முதல் சுப்ரீம் கோர்ட் நீதிபதியாக பணியாற்றி வருகிறார்.

மறைந்த கோல்கட்டா தலைமை நீதிபதி சாம்பு சந்திர கோஷ்
என்பவரின் மகன் தான் இவர்.

பணி ஓய்வு பெறுவதை ஒட்டி, டில்லியில் சுப்ரீம் கோர்ட்
பார் அசோசியேஷன் சார்பில் பிரிவு உபசார விழா நடந்தது.
இதில் பேசிய சுப்ரீம் கோர்ட் தலைமை நீதிபதி கேஹர்
கூறியதாவது:

ஒரு கடினமான பணியை மேற்கொள்ளும் போது உங்களுக்கு
மன ரீதியான வலிமை அதிகமாகவே தேவைப்படும்.
ஒரு பிரபலமான, சக்திவாய்ந்த நபருக்கு எதிரான வழக்கை
விசாரிக்கும் போது கூடுதல் மன வலிமை தேவைப்படும்.

அந்த வகையில், மறைந்த தமிழக முதல்வர் ஜெயலலிதாவுக்கு
எதிரான வழக்கில் தீர்ப்பு அளிக்கும் போது, தனது மன
வலிமையை நீதிபதி கோஷ் நன்கு வெளிப்படுத்தினார்.

அந்த தீர்ப்புக்காக என பல காலம் நினைவுகூரப்படுவார் என
நாங்கள் தெரிவித்து வருகிறோம். இவ்வாறு தலைமை நீதிபதி
கூறினார்.
-
------------------------------

**M.Jagadeesan** · **M.Jagadeesan** Wed May 10, 2017 9:06 pm

ayyasamy ram wrote:
-

ஒரு கடினமான பணியை மேற்கொள்ளும் போது உங்களுக்கு
மன ரீதியான வலிமை அதிகமாகவே தேவைப்படும்.
ஒரு பிரபலமான, சக்திவாய்ந்த நபருக்கு எதிரான வழக்கை
விசாரிக்கும் போது கூடுதல் மன வலிமை தேவைப்படும்.

அந்த வகையில், மறைந்த தமிழக முதல்வர் ஜெயலலிதாவுக்கு
எதிரான வழக்கில் தீர்ப்பு அளிக்கும் போது, தனது மன
வலிமையை நீதிபதி கோஷ் நன்கு வெளிப்படுத்தினார்.
------------------------------

மேற்கோள் செய்த பதிவு: 1241765

ஒரு நேர்மையான நீதிபதிக்கு எந்த மனவலிமையும் தேவையில்லை . குற்றவாளிக் கூண்டிலே நிற்பவர் பிரபலமானவரா , சக்தி வாய்ந்தவரா என்றெல்லாம் ஆராயக்கூடாது . அவர் செய்த குற்றத்தைத்தான் பார்க்கவேண்டும் .

" நெற்றிக்கண் திறப்பினும் குற்றம் குற்றமே " என்ற நெறியில் நிற்பதே ஒரு நீதிபதிக்கு அழகு .

" சமன்செய்து சீர்தூக்கும் கோல்போல் ' என்பார் ஐயன் வள்ளுவர் .

துலாக்கோல்போல் போல எப்பக்கமும் சாயாது நடுநிலையில் நிற்பவனே சிறந்த நீதிபதி .

சசியை சிறைக்கு அனுப்பிய நீதிபதி ஓய்வு

சசியை சிறைக்கு அனுப்பிய நீதிபதி ஓய்வு

Re: சசியை சிறைக்கு அனுப்பிய நீதிபதி ஓய்வு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக