அங்கு சாத்தியம்,இங்கு சாத்தியப் படாதா?

Guest · Guest Mon May 08, 2017 10:27 pm

மோயாறு (Moyar) தமிழகத்தின் நீலகிரி மாவட்டத்தில் உற்பத்தியாகி பவானி ஆற்றுடன் இணையும் ஒரு கிளை ஆறாகும். ஈரோடு மாவட்டம் சத்தியமங்கலம் அருகே பவானிசாகர் அணையில் மோயாறு பவானி ஆற்றுடன் இணைகிறது. மேலும் பிரிந்து செல்லும் இந்த ஆற்றின் தண்ணீரானது கர்நாடக்காவில் உள்ள கபினி அணையிலும், நூகு அணையிலும் கலந்து டி.நரசிபுரா என்ற இடத்தில் ஒன்றாக இணைந்து ஒகேனகல் வழியாக தமிழகத்திற்கு வருகிறது. [1] மேற்குத் தொடர்ச்சியில் உற்பத்தியாகி முதுமலை வழியாக கிழக்கு நோக்கி 50 கி.மீ பாய்கிறது .(விக்கிபீடியா)

தமிழ்நாடு மற்றும் கர்நாடகம் ஆகிய இரண்டு மாநிலங்களும் இந்திய- பாகிஸ்தான் போல மோதிக்கொள்ளும் ஒரு விஷயம் என்றால் அது காவிரி நதிநீர் விஷயம்தான்.

இந்த காவிரி பிரச்சனையை வைத்து தான் இரு மாநில அரசியல்வாதிகளுமே அரசியல் செய்து கொண்டிருக்கிறார்கள். இந்த பிரச்சனையானது தீர்த்து வைக்கப்பட்டு விட்டால் அரசியல்வாதிகளுக்கு வேலையே இருக்காது.

ஆனால் இன்று வரை கர்நாடகாவிடம் தண்ணீருக்காக கையேந்திக் கொண்டிருக்கிறோம். அவர்களும் கெத்தாக முடியாவே முடியாது என்று மார்தட்டி கொண்டிருக்கிறார்கள்.
ஆனால் கர்நாடகாவுக்கே நாம்தான் தண்ணீர் தந்து கொண்டிருக்கிறோம் தெரியுமா?

நமது தமிழ்நாட்டின் ஊட்டியில் மோயார் என்றொரு ஆறு பாய்ந்து கொண்டிருக்கிறது. இந்த மோயார் ஆற்றின் ஒரு பகுதி பவானிசாகர் அணைக்கும், மற்றொரு பகுதி கர்நாடகாவிலும் பாய்கிறது.
கர்நாடகாவில் பாயும் தண்ணீர் கபினி அணையிலும், நூகு அணையிலும் கலக்கிறது. பின்னர் இரண்டும் இணைந்து டி.நரசிபுரா என்ற இடத்தில் காவிரியில் கலக்கிறது. அதன்பிறகு ஒகேனக்கல் வழியாக தமிழகத்திற்குள் பாய்கிறது. ஆனால் நாம் கொடுக்கும் தண்ணீரை நமக்கே கொடுக்காமல் கர்நாடகம் நம்மை வஞ்சித்து கொண்டுள்ளது.

ஆனால் நாம் ஊட்டியில் இருந்து தண்ணீர் செல்லும் வழித்தடத்தை மறித்து அணையை கட்டினாலே போதும். கர்நாடகாவிடம் கையேந்தும் நிலை வராது. தமிழக விவசாயிகளின் எதிர்பார்ப்பு இதுதான். இதுபோலவே தமிழகம் முழுக்க உள்ள நீர்வளங்களை பாதுகாத்தாலே தமிழகம் செழிக்கும் என்பதில் மாற்று கருத்து இல்லை. தேர்தலில் ஓட்டிற்கு பணம் வாங்குவதற்கு பதில் தயவுசெய்து இதை கேளுங்கள்…

நன்றி-மனிதன்.

**T.N.Balasubramanian** · **T.N.Balasubramanian** Tue May 09, 2017 2:10 am

நன்றி , இம்மாதிரி ஒரு திட்டத்தை நிறைவேற்ற முடியும் என்றால்

இதே செய்தியை மாதத்திற்கு ஒரு முறை பதிவிட்டு
செயல்படும் /செயல் படா/ ஆளும் கட்சி--எதிர்க்கட்சி தலைகளுக்கு
அனுப்பலாம்.
அப்பிடி செய்யாத போது நீதிமன்றங்களை அணுகலாம்..
( இருக்கின்ற அரசியல் தலைகளுக்கு எப்பிடி பணத்தை சுருட்டலாம் என்ற அதீத கவலை.
இது மாதிரி பிரச்சனைகளை எல்லாம் மாணவர்கள் எடுத்துக் கொண்டால்தான் உண்டு.)

ரமணியன்

**ayyasamy ram** · **ayyasamy ram** Tue May 09, 2017 5:30 am

அங்கு சாத்தியம்,இங்கு சாத்தியப் படாதா? 103459460

-
இது சாத்தியமா என்பதை நீர் மேலாண்மை
வல்லுநர்கள், உறுதி செய்ய வேண்டும்...
-
இம்மாதிரி திட்டங்களை செயல்படுத்துவோம்
என்று உறுதி அளிக்கும் கட்சிகளுக்கே
தேர்தலில் ஓட்டு என்று வாக்காளர்கள்,
விவசாயிகள் நிபந்தனை விதிக்க வேண்டும்...
-

Guest · Guest Tue May 09, 2017 5:08 pm

இது பற்றி தமிழக PWD க்கு இரு தினங்களுக்கு முன்னர் அனுப்பப்பட்டுள்ளது.பரிசீலனை குப்பைத் தொட்டிக்கு போகுமா அல்லது பரிசீலனை செய்யப்படுமா என்பதை பொறுத்திருந்தே பார்க்க வேண்டும்.

**T.N.Balasubramanian** · **T.N.Balasubramanian** Tue May 09, 2017 5:34 pm

மூர்த்தி wrote:இது பற்றி தமிழக PWD க்கு இரு தினங்களுக்கு முன்னர் அனுப்பப்பட்டுள்ளது.பரிசீலனை குப்பைத் தொட்டிக்கு போகுமா அல்லது பரிசீலனை செய்யப்படுமா என்பதை பொறுத்திருந்தே பார்க்க வேண்டும்.

மேற்கோள் செய்த பதிவு: 1241626

உருப்படியாக ஒன்று செய்யலாம்
விதி எண்110 மூலம் சட்ட சபையில் அறிவித்து , ப்ரொஜெக்ட்டை உடனே ஆரம்பிக்கவேண்டியதுதான்.
செய்வீர்களா ,செய்வீர்களா,செய்வீர்களா............செய்வீர்களா?
ரமணியன்