சர்ச்சைகளுடன் நீட் தேர்வு நிறைவு... சட்டையை கிழித்து தேர்வெழுதிய மாணவர்கள்

**ayyasamy ram** · **ayyasamy ram** Mon 8 May 2017 - 7:45

பல்வேறு தரப்பில் எழுந்த கடும் எதிர்ப்பையும் மீறி தமிழகத்தில் இன்று நடைபெற்ற நீட் தேர்வு சர்ச்சைகளுடன் நிறைவுற்றது.

தமிழகத்தில் சுமார் 88 ஆயிரம் மாணவர்கள் தேர்வை எழுதினர். முழுக்கை சட்டை அணிந்துகொண்டு தேர்வு எழுத தடைவிதிக்கப்பட்டிருந்ததால் பல இடங்களில் மாணவர்கள் சட்டையை கிழித்துக்கொண்டு தேர்வு எழுத வேண்டிய நிலை ஏற்பட்டது. நாடு முழுவதும் 104 நகரங்களிலும் தமிழகத்தில் சென்னை, மதுரை, திருச்சி, கோயம்புத்தூர், சேலம் உள்ளிட்ட 8 நகரங்களிலும் நீட் தேர்வு நடைபெற்றது.

தேர்வு எழுத வந்த மாணவர்களுக்கு பல்வேறு கட்டுப்பாடுகள் விதிக்கப்பட்டதால் பலரும் அசவுகரியத்திற்குள்ளாகினர். முழுக்கை சட்டை அணிந்துகொண்டு தேர்வு அறைக்குள் செல்லக்கூடாது என்ற விதிமுறை தெரியாமல் வந்த பல மாணவர்கள் சட்டையின் கைப் பகுதியை கிழித்துக்கொண்டு தேர்வு எழுதச் செல்ல வேண்டிய நிலை ஏற்பட்டது.

எய்ம்ஸ் ஜிப்மர் தவிர நாடு முழுவதும் உள்ள மருத்துவ கல்லூரிகளில் எம்பிபிஎஸ் மற்றும் பிடிஎஸ் படிப்புகளில் நீட் தேர்வு மூலமே மாணவர் சேர்க்கை நடைபெறும் என இந்திய மருத்துவ கவுன்சில் அறிவித்தது. இதற்கு தமிழகத்தில் கடும் எதிர்ப்பு எழுந்தது. தேர்விலிருந்து தமிழகத்திற்கு விலக்களித்து சட்டப்பேரவையில் நிறைவேற்றப்பட்ட மசோதா குடியரசுத் தலைவரின் ஒப்புதலுக்கு காத்திருக்கிறது.
-
புதியதலைமுறை

**M.Jagadeesan** · **M.Jagadeesan** Mon 8 May 2017 - 10:13

சட்டப் பேரவையில் நிறைவேற்றப்பட்ட மசோதா இன்னமும் குடியரசுத் தலைவரின் ஒப்புதலுக்கே அனுப்பப்படவில்லை என்று செய்திகள் வந்துள்ளன .

**krishnaamma** · **krishnaamma** Mon 8 May 2017 - 19:38

இந்த விதிகள் எல்லாம் முன்னரே மாணவர்களுக்கு சொல்லப்பட்டிருக்க வேண்டும் சோகம்

.......ஆனால் எப்போதும் முதலில் நான் இந்தியன் பிறகு தான் தமிழன், நாங்களும் இந்தியாவில் தான் இருக்கிறோம்,
எங்களையும் கவனியுங்கள் என்று சொல்பவர்கள், இதற்கு மட்டும் ஏன் கட்டுப்பட மாட்டேன் என்கிறார்கள்?........ அநியாயம்

Sponsored content · Sponsored content

சர்ச்சைகளுடன் நீட் தேர்வு நிறைவு... சட்டையை கிழித்து தேர்வெழுதிய மாணவர்கள்

சர்ச்சைகளுடன் நீட் தேர்வு நிறைவு... சட்டையை கிழித்து தேர்வெழுதிய மாணவர்கள்

Re: சர்ச்சைகளுடன் நீட் தேர்வு நிறைவு... சட்டையை கிழித்து தேர்வெழுதிய மாணவர்கள்

Re: சர்ச்சைகளுடன் நீட் தேர்வு நிறைவு... சட்டையை கிழித்து தேர்வெழுதிய மாணவர்கள்

Re: சர்ச்சைகளுடன் நீட் தேர்வு நிறைவு... சட்டையை கிழித்து தேர்வெழுதிய மாணவர்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக