வளம்மிக்க தனியார் காடுகள்.

விளம்பரத்திற்காக பணம் வாங்கிக் கொண்டு படம்,காணொளி எடுத்து வெளியிடும் நடிகர் நடிகைகளைத் தெரிந்திருக்கும் நாம், இவர்களையும் தெரிந்து கொள்ளலாமே.

அனில்-பமேலா மல்கோத்திரா 1991 இல் வாங்கிய 55 ஏக்கர் பாவிக்கப்படாமல் கவனிப்பாரற்றுக் கிடந்த வயல் நிலம்,26 ஆண்டுகளுக்குப் பின்னர் இன்று வனவிலங்கு சரணாயமாக பறவைகள் விலங்குகள் உள்ள காடாக காட்சி தருகிறது.

அனில்-பமேலா இருவரும் 1960 இல் அமெரிக்கா-நியு ஜேர்சியில் சந்தித்தனர்.ஒரே ஆர்வம் கொண்ட அவர்கள் திருமணம் செய்து ஹவாய் தீவிற்கு தேன் நிலவைக் கழிக்க சென்றனர். அழகாக காட்சி தரும் ஹவாய் தீவுகள் அவர்களைக் கவரவே, அங்கே நிலத்தை வாங்கி இயற்கை அழகுடன் மாற்றி வாழந்தனர். 1986 இல் அனிலின் தந்தை மரணத்திற்காக இந்தியா வந்த அவர்கள்,கர்நாடக மாநிலம் கொடகு பகுதியில் நிலத்தை வாங்கி காடாக-வனவிலங்கு சரணாலயமாக மாற்றினர்.ஹவாய் நிலத்தை விற்று இந்தியாவிலேயே வாழ முடிவு செய்தனர்.இப்போது  SAI Sanctuary Trust  -Save Animals Initiative (SAI) Sanctuary  -என்ற பெயரில் இயற்கை எழில் பொங்க காட்சி தருகிறது.



இதேபோல் அசாமில் 1980  இல் இருந்து தனியார் காட்டை Mulai Kathoni என்ற பெயரில் அமைத்து இன்று 550 ஏக்கர் காடாக மாற்றி இருக்கிறார் ஜாடவ் பாயெங்க். பிரபுத்திரா நதி மணல்படுகையில் உள்ள இந்தக் காடு ஆரம்பத்தில் தரிசு நிலமாக எதுவும் இல்லாமல் மணற் காடாக இருந்ததாக சொல்கிறார் ஜாதவ்.



இதுபோல் தண்ணீர் இல்லாத் தமிழ் நாட்டில் ஒரு காட்டை உருவாக்கி உள்ளார் பியுஷ் மனுஷ்.ராஜஸ்தானை சேர்ந்த அவரின் நடவடிக்கைகளுக்கு தமிழக அரசு கொடுத்த பரிசை அனைவரும் அறிவோம். புற்று நோயாளியான அவரை சிறை பிடித்து செய்த சித்திரவதையை மறக்க முடியவில்லை.





(காட்டை அழிக்கும் ஈசா யோகா நிலையம் ஜக்கி வாசுதேவ் அவர்கள் பார்த்து கற்றுக் கொள்ள வேண்டும் என்பதற்காக இந்தப் பதிவு)