10 தலையை எடுப்போம் என்றீர்களே செய்தது என்ன? மத்திய அரசுக்கு பாதிக்கப்பட்ட பெண் கேள்வி

ஸ்ரீநகர்,

காஷ்மீரில் பாகிஸ்தான் நடத்திய ராக்கெட் தாக்குதலில்
இந்திய ராணுவ அதிகாரி உள்பட 2 வீரர்கள் பரிதாபமாக
உயிரிழந்தனர்.

அவர்களது தலையை பாகிஸ்தான் ராணுவத்தினர் துண்டித்து
வெறியாட்டத்தில் ஈடுபட்டது கண்டுபிடிக்கப்பட்டு உள்ளது.
பாகிஸ்தான் ராணுவம் இதுபோன்ற மிருகத்தனமான செயலில்
ஈடுபட்டு வருகிறது.

கடந்த 2013-ம் ஆண்டு எல்லையில் இந்திய வீரர்
லாஞ்ச் நாயக் ஹேம்ராஜ் உடல் பாகிஸ்தான் ராணுவத்தால்
சிதைக்கப்பட்டது. இப்போது பாகிஸ்தான் மிகத்தனமாக நடந்து
கொண்டதையடுத்து இது தொடர்பாக பேசிய
லாஞ்ச் நாயக் ஹேம்ராஜின் தாயார்,

இந்திய வீரரின் ஒரு தலைக்கு எதிரியின் 10 தலையை எடுப்போம்
என்ற மத்திய அரசின் வாக்குறுதியை நினைவு படுத்தி உள்ளார்.

இது தொடர்பாக அவர் பேசுகையில் “அவர்கள் என்னுடைய
மகனின் தலையை துண்டித்தார்கள், இப்போது தொடர்ந்து
இதுபோன்ற சம்பவங்கள் நடப்பதை பார்த்து வருகிறோம்.

நம்முடைய வீரர்களின் ஒரு தலையை துண்டித்தால் எதிரியின்
10 தலையை கொண்டு வருவோம் என இந்திய அரசு வாக்குறுதி
அளித்தது,

ஆனால் இப்போதுவரையில் ஒரு நடவடிக்கையும் கிடையாது.
பாகிஸ்தானுக்கு எதிராக இந்தியா இப்போது கடும் நடவடிக்கையை
எடுக்கவேண்டும்,” என்றார்.

குழந்தையை இழக்கும் வலியை மத்திய அரசு புரிந்துக் கொள்ள
முயற்சி செய்யவேண்டும், பதிலடி கொடுக்கவேண்டும் எனவும்
அவர் வலியுறுத்தி உள்ளார். பாகிஸ்தானுக்கு எதிராக இந்திய
அரசு கடும் நடவடிக்கை எடுக்கவேண்டும்.

வீரமரணம் அடைந்த வீரர்களின் குடும்பத்தாருக்கு வழங்கிய
வாக்குறுதி எதையும் மத்திய அரசு நிறவேற்றவில்லை எனவும்
கூறிஉள்ளார்.

ஹேம்ராஜ் சகோதரர் பேசுகையில், “ நம்முடைய ராணுவ
வீரர்கள் உயிரிழக்கும் வழியும், மத்திய அரசு நடவடிக்கை
எடுக்காததும் மிகவும் மோசமான நிலையாகும். இதுபோன்ற
சம்பவங்கள் நடக்காமல் இருக்க இந்திய அரசு கடும் நடவடிக்கையை
பாகிஸ்தானுக்கு எதிராக எடுக்கவேண்டும்,” என வலியுறுத்தி
உள்ளார்.

“மோடி அரசில் ஒவ்வொரு நாளும் ஒரு வீரர் அவருடைய உயிரை
இழந்து வருகிறார். மத்திய அரசு அனைத்து தரப்பு மக்கள் பற்றி
கவலை கொள்வது கிடையாது. அவர்களிடம் இதுபோன்ற நிலையை
எதிர்க்கொள்ள நிலையான வியூகம் கிடையாது,” என மற்றொரு
உறவினர் சாடிஉள்ளார்.
-
--------------------------------
தினத்தந்தி