நபிகளின் பொன்மொழிகள்

**சிவா** · **சிவா** Thu Mar 12, 2009 1:31 am

உலகில் மனிதன் எந்த ஒழுக்க நெறியில் வாழ வேண்டும் என்பதற்கு உதாரணமாய் வாழ்ந்து காட்டியவர் அண்ணல் நபிகள். அண்ணலாரின் அருளுரைகளை பின்பற்றினாலே போதும், நாமும் இறையன்புக்கு உரியவராகலாம். இறைவனின் சமூகத்தில் எதைப் பின்பற்ற வேண்டும், நமது தொழுகைகள் எத்தகையதாக இருத்தல் வேண்டும். ஒழுக்கமாக வாழ நாம் யாரைப் பின்பற்றவேண்டும் என்பது குறித்து கீழ்க்காணும் நபிமொழிகள் நமக்கு அறிவுறுத்துகின்றன.

* எவருக்கு அவருடைய கடைசி வார்த்தை, லாஇலாஹ இல் லல்லாஹி என்று இருக்குமோ அவர் சுவர்க்கம் புகுவார் என மாநபி (ஸல்) அவர்கள் நவின்றுள்ளார்கள்.

* என்னுடைய உம்மத்தில் (சமுதாத்தில்) குழப்பங்கள் நிறைந்த காலத்தில் யார் ஒருவர் சுன்னத்தைப் பின்பற்றுவாரோ அவருக்கு நூறு ஷஹீதுடைய அந்தஸ்து (கூலி) கிடைக்கும்.

* என்னுடைய தோழர் கள்(ஸஹாபாக்கள்) நட்சத்திரங்களைப் போன்றவர்கள். எனவே அவர்களில் யாரைப் பின்பற்றி னாலும் நேர்வழியை அடைந்து விடுவீர்கள்.

* எவர் (மார்க்க) கல்வியை நாடிச் செல்கின்றாரோ அவர் வீடு திரும்பும்வரை அல்லாஹ் வுடைய பாதையில் இருக்கிறார் என்பதாக திரு நபி(ஸல்) அவர்கள் மொழிந்துள்ளார்கள்.

* இஸ்லாமிய மார்க்க கல்வியைத் தேடிக் கொள்வது முஸ்லீமான ஆண், பெண் ஆகிய இரு சாராருக்கும் கட்டாயக் கடமையாகும்.

* உங்களில் மேலானவர் குர்ஆனை(விளங்கி) கற்றவரும், அதனைக் கற்றுக் கொடுப்பவரும் ஆவர்.

* ஸீப்ஹானல்லாஹ் (என்ற வார்த்தை) மீஸானுடைய (தராசில்) பாதியாகும். மேலும் அல்ஹம்துலில்லாஹ் (என்ற வார்த்தை) அதனை (மீஸானை) நிரப்பிவிடுகின்றது.

* நெருப்பு விறகைத் தின்பது போல கபடமும், பொறாமையும் நன்மைகளைத் தின்றுவிடும்.

* எந்தப் பெண்மணி தன்னுடைய கணவனுடன் கோபம் கொள்வாளோ அவள் மீது அல்லாஹ் லஃனத் செய்கிறான் (சபிக்கிறான்).

* தொழுகையாவது முஸ்லீம்களின் முக்கியக் கடமை. தொழுகை சுவர்க்கத்தின் திறவுகோல்.

சபீர் · சபீர் Mon May 10, 2010 10:30 pm

ரொம்ப அருமையான பொன்மொழிகளை பதிந்துள்ளீர்கள் சகோதரா நன்றி

நபிகளின் பொன்மொழிகள்

நபிகளின் பொன்மொழிகள்

Re: நபிகளின் பொன்மொழிகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக