தெர்மோகோல்கள் --அறிவியல் எழுத்தாளரும் விஞ்ஞானியுமான த.வி.வெங்கடேஸ்வரனிடம் பேச்சு

**T.N.Balasubramanian** · **T.N.Balasubramanian** Sun 23 Apr 2017 - 23:00

தெர்மாகோல் சோதனை முயற்சியே: மதுரை கலெக்டர்

மதுரை:''வைகை அணையில் தண்ணீர் ஆவியாதலை தடுக்க, தெர்மாகோல் அட்டைகளை பரப்ப விட்டது சோதனை முயற்சியே. இதற்காக, 8,000 ரூபாய் மட்டுமே செலவிடப்பட்டது,'' என, மதுரை கலெக்டர் வீரராகவ ராவ் தெரிவித்தார்.

வைகை அணையில், தண்ணீர் ஆவியாவதை தடுக்க அமைச்சர் ராஜு தெர்மாகோல் அட்டைகளை தண்ணீரில் மிதக்க விடும் திட்டத்தை துவக்கினார். பொதுப்பணித்துறை அதிகாரிகள் யோசனையின்படி, அமைச்சர் மிதக்க விட்ட தெர்மாகோல் அட்டைகள், உடனே காற்றில் கரை ஒதுங்கின. இதனால் அட்டைகள் மிதக்கவிடப்பட்டதன் நோக்கம் நிறைவேறவில்லை. அமைச்சர் செயல்பாட்டை மக்கள் கடுமையாக விமர்சித்து வருகின்றனர்.

இது குறித்து, மதுரை கலெக்டர் வீரராகவ ராவ் கூறியதாவது: பெரியாறு, வைகை அணைகளில் நேற்றைய நிலவரப்படி, 25 நாட்களுக்கு மட்டும் தண்ணீர் கிடைக்கும். வைகை அணையை மட்டும் எடுத்து கொண்டால், 12 நாட்களுக்கு மட்டுமே மதுரைக்கு தண்ணீர் கிடைக்கும். இதில் தினமும் பெருமளவு தண்ணீர் ஆவியாவது, பொதுப்பணித் துறை ஆய்வில் தெரிய வந்தது. இதை தடுக்க பொதுப்பணித் துறையினர் சோதனை முயற்சியாக, தெர்மாகோல் அட்டையை மிதக்க விட்டனர்.

தற்போது அணையில், 30 ஏக்கர் பரப்பில் மட்டுமே தண்ணீர் உள்ளது. இதில், 5 சென்ட் பரப்பில் தான், தெர்மாகோல் அட்டைகள் மிதக்க விடப்பட்டன. இதற்காக, 8,000 ரூபாய் மட்டுமே செலவானது. இவ்வாறு அவர் கூறினார்.
மதுரை:''வைகை அணையில் தண்ணீர் ஆவியாதலை தடுக்க, தெர்மாகோல் அட்டைகளை பரப்ப விட்டது சோதனை முயற்சியே. இதற்காக, 8,000 ரூபாய் மட்டுமே செலவிடப்பட்டது,'' என, மதுரை கலெக்டர் வீரராகவ ராவ் தெரிவித்தார்.

வைகை அணையில், தண்ணீர் ஆவியாவதை தடுக்க அமைச்சர் ராஜு தெர்மாகோல் அட்டைகளை தண்ணீரில் மிதக்க விடும் திட்டத்தை துவக்கினார். பொதுப்பணித்துறை அதிகாரிகள் யோசனையின்படி, அமைச்சர் மிதக்க விட்ட தெர்மாகோல் அட்டைகள், உடனே காற்றில் கரை ஒதுங்கின. இதனால் அட்டைகள் மிதக்கவிடப்பட்டதன் நோக்கம் நிறைவேறவில்லை. அமைச்சர் செயல்பாட்டை மக்கள் கடுமையாக விமர்சித்து வருகின்றனர்.

இது குறித்து, மதுரை கலெக்டர் வீரராகவ ராவ் கூறியதாவது: பெரியாறு, வைகை அணைகளில் நேற்றைய நிலவரப்படி, 25 நாட்களுக்கு மட்டும் தண்ணீர் கிடைக்கும். வைகை அணையை மட்டும் எடுத்து கொண்டால், 12 நாட்களுக்கு மட்டுமே மதுரைக்கு தண்ணீர் கிடைக்கும். இதில் தினமும் பெருமளவு தண்ணீர் ஆவியாவது, பொதுப்பணித் துறை ஆய்வில் தெரிய வந்தது. இதை தடுக்க பொதுப்பணித் துறையினர் சோதனை முயற்சியாக, தெர்மாகோல் அட்டையை மிதக்க விட்டனர்.

தற்போது அணையில், 30 ஏக்கர் பரப்பில் மட்டுமே தண்ணீர் உள்ளது. இதில், 5 சென்ட் பரப்பில் தான், தெர்மாகோல் அட்டைகள் மிதக்க விடப்பட்டன. இதற்காக, 8,000 ரூபாய் மட்டுமே செலவானது. இவ்வாறு அவர் கூறினார்.

சேகரிப்பு

தெர்மாகோல் சோதனை முயற்சியே: மதுரை கலெக்டர்தெர்மாகோல் அட்டை ஒன்றுகூட தண்ணீருக்குள் இல்லை. கரையில் இருந்து, 100 அடி துாரத்திற்கு துாக்கி வீசப்பட்டிருந்தன. வைகை அணை உதவி செயற்பொறியாளர் மேற்பார்வையில் பணியாளர்கள், நேற்று அட்டைகளை ஒன்று விடாமல் சாக்கு மூட்டைகளில் சேகரித்தனர்.

'ஐடியா தந்தது அமைச்சர் ராஜு'

தேனி கலெக்டர் வெங்கடாசலம் கூறுகையில், ''மதுரை குடிநீர் திட்டங்களுக்கு சிக்கல் ஏற்படும் எனக் கருதி, அமைச்சர் ராஜு, மதுரை கலெக்டர் வீரராகவ ராவ் உள்ளிட்டோர் ஆலோசனைப்படியே, தெர்மாகோல் அட்டைகள் மிதக்க விடப்படும் திட்டம், வைகை அணையில் துவக்கப்பட்டது. முதலில் சோதனை ஓட்டம் தான் நடந்துள்ளது. அதுவே வேதனையாகி விட்டது. இதனால், இந்த திட்டம் வெற்றி பெறுமா என்பது கேள்விக்குறியாக உள்ளது. இத்திட்டத்திற்கும் மாவட்ட நிர்வாகத்திற்கும் எந்த சம்பந்தமும் இல்லை,'' என்றார்.

நன்றி தினமலர்

ரமணியன்

**T.N.Balasubramanian** · **T.N.Balasubramanian** Sun 23 Apr 2017 - 23:05

இதில் ஈடுபட்டவர்கள் யாவருக்கும் ஒரு டாக்டர் பட்டம் கொடுத்து ,
இவர்கள் மூளையை பில்லியன் கணக்கில் இன்ஷூர் செய்து ,
நேரம் வரும் போது , ஆராய்ச்சி செய்து ,
இந்த சமூகத்திற்கு ஒரு புதிய ஒளியை ஏற்படுத்தவேண்டும்.
முன்னோடியாக நோபல் பரிசுக்கு மத்திய அரசு பரிந்துரை செய்யவேண்டும்.

ரமணியன்

**T.N.Balasubramanian** · **T.N.Balasubramanian** Sun 23 Apr 2017 - 23:14

இது விஷயமாக வந்த ஒரு கட்சேவி செய்தி.
"என்னது...300 தெர்மாகோல்கள் விலை ரூ.10 லட்சமா?====== ====== வைகை அணை நீர் ஆவியாகாமல் இருக்க அதன் மேல் தெர்மாகோலை கொண்டு மூடும் திட்டத்தை அமைச்சரும், பிரபல விஞ்ஞானியுமான செல்லூர் ராஜூ அமல்படுத்த, அந்த தெர்மாகோல்கள் கொஞ்சமும் அந்த அறிவியல் விஞ்ஞான அமைச்சரின் திட்டத்தை மதிக்காமல் கரை ஒதுங்கியது, ஒரு பெரும் வரலாற்று சோகம். மறைந்த புரட்சித்தலைவருக்கும், தலைவிக்கும் விசுவாசமில்லாத தெர்மாகோல்கள் செய்த துரோகம். வெறும் 300 தெர்மாகோல்களுக்கு ரூ.10 லட்சம் செலவா?என்று தமிழக மக்கள் நொந்து நூடுல்சாகி விட்டனர்

போனவாரம் சென்னையில் மெட்ரோ ரெயில் திட்டத்தால் அண்ணா சாலையில் விழுந்த பெரும்பள்ளத்தை கண்டு தானே நேரடியாக களமிறங்கிய பிரபல விஞ்ஞானியும், அமைச்சருமான ஜெயக்குமார் மண்ணின் ஈரப்பதத்தால் தான் இந்த பெரிய பள்ளம் என அவர் அளித்த விஞ்ஞான விளக்கத்தை கேட்டு அறிவியல் உலகம் அரண்டுபோய் இப்போதுதான் சகஜ நிலைக்கு திரும்பின. அதற்குள் அடுத்த அமைச்சர்?

புரட்சித் தலைவியின் புகழுக்கு மேல் தங்கள் புகழ் ஒரு சொட்டுக்கூட மேலே வந்துவிடக்கூடாது என தங்கள் அறிவுத்திறனை அடக்கி வாசித்து தங்கள் தியாக உணர்வை மறைத்த இந்த அறிவியல் விஞ்ஞானிகளின் தியாகத்தை ஜிப்ரீஷ் மொழியில் எழுதி, நாசா உதவியுடன் விண்வெளியில் வைத்தால் வருங்காலத்தில் ஏதாவது இந்த பால்வெளியில் வாழ சாத்தியமுள்ள ஏலியன்களுக்கு உதவலாம் என்பது இந்த கல்தோன்றி மண்தோன்றா காலத்து மூத்தகுடி தமிழனின் சிறு வேண்டுகோள்.

உலகெங்கும் விஞ்ஞானிகள், அரசியல்வாதிகள் ஆவது பற்றி கேள்விப்பட்டிருக்கும் இத்தமிழ் சமூகம், மொத்த அமைச்சர்களும் அறிவியல் விஞ்ஞானிகளாவே இருப்பது தமிழகம் செய்த பெரும்பேறு(?) ஆகும்.

கடைசியாக தமிழகத்தில் நிலவும் கடுமையான வெயிலை கட்டுப்படுத்த நம் தமிழக விஞ்ஞான அமைச்சரவை, சூரியனுக்கு குளிர்கண்ணாடி அணிவிக்கும் மாபெரும் விஞ்ஞான திட்டத்தை அமல்படுத்த தீவிர விவாதத்தில் இருப்பதாகவும் தகவல். இதனை கண்காணிக்க இரு அறிவிற் சிறந்த குழுக்களை இன்று அமைத்திருப்பதாகவும் கூடுதல் தகவல்."

ரமணியன்

**T.N.Balasubramanian** · **T.N.Balasubramanian** Sun 23 Apr 2017 - 23:19

தென்னோலையில் கூரை வேய்ந்தால் மிகவும்
பயன் தரும் என்று நினைக்கிறேன்
ஈகரை உறவுகள் தங்கள் பொன்னான யோசனைகள் சொன்னால்,
அவைகளை சேகரித்து அரசுக்கு நேரில் கொடுத்து வரவும் தயார்.

ரமணியன்
.

**M.Jagadeesan** · **M.Jagadeesan** Mon 24 Apr 2017 - 0:49

இமயமலைக்கு முண்டாசு கட்டமுடியுமா ?

அதுபோலத்தான் இதுவும் . ஒரு பள்ளி மாணவனைக் கேட்டால் கூட , " இது முடியாது ; வீண்செலவு " என்றுதான் சொல்லுவான் .

அரியகற்று ஆசற்றார் கண்ணும் தெரியுங்கால்
இன்மை அரிதே வெளிறு .

என்பார் ஐயன் வள்ளுவர் .

பல நூல்களை நன்கு கற்றவரிடத்தும் , சில சமயங்களில் அறியாமை தோன்றும் என்பது இக்குறளின் கருத்தாகும் .

**krishnaamma** · **krishnaamma** Mon 24 Apr 2017 - 2:20

அமைச்சர்கள் ஆவதற்கும் படிப்புக்கும் சம்பந்தம் இல்லை என்று நமக்குஎல்லாம் தெரியும்.......கலெக்டர் ஆவதற்கு கூட படிப்பே வேண்டாமா?.............. அநியாயம்

.
.
.
படிக்கவே இல்லை என்றாலும் சிறுவர்கள் கூட இந்த திட்டத்தைக் கேட்டால்..." ஐயோ! முடியாது என்று சொல்வார்களே? ....இவங்க எல்லாம் ஒரு கலெக்டர், அமைச்சர் ..........தமிழ் நாட்டுமானம் டெல்லி இல் மட்டும் இல்லை வானளாவ பறக்கிறது போங்கள் ! சோகம்

.......

**krishnaamma** · **krishnaamma** Mon 24 Apr 2017 - 2:21

T.N.Balasubramanian wrote:தென்னோலையில் கூரை வேய்ந்தால் மிகவும்
பயன் தரும் என்று நினைக்கிறேன்
ஈகரை உறவுகள் தங்கள் பொன்னான யோசனைகள் சொன்னால்,
அவைகளை சேகரித்து அரசுக்கு நேரில் கொடுத்து வரவும் தயார்.

ரமணியன்
.

மேற்கோள் செய்த பதிவு: 1239782

சூப்பர் ஐடியா ஐயா, எனக்கும் இதுபோல தோன்றினால் சொல்கிறேன், ஒரு நடை சிரமம் பார்க்காமல் அமெரிக்காவில் இருந்து வந்து அரசிடம் கொடுத்துவிடுங்கள் ஜாலி

; )...........இப்படி பல ஐடியா க்கள் தந்தால் நம் பெயர் கல்வெட்டில் வரும் தானே ஐயா? ஜாலி

**T.N.Balasubramanian** · **T.N.Balasubramanian** Mon 24 Apr 2017 - 2:29

krishnaammaa wrote:இப்படி பல ஐடியா க்கள் தந்தால் நம் பெயர் கல்வெட்டில் வரும் தானே ஐயா

ஆம் புதிதாக கல் வெட்டி நம் மீது எறிவார்கள்.

ரமணியன்

**T.N.Balasubramanian** · **T.N.Balasubramanian** Mon 24 Apr 2017 - 2:35

யோஜனை கேட்டால், நண்பர் அனுப்பிய நகைச்சுவையை பாருங்கள்.

[quote] "மனைவி : ஏங்க. பைப்பே திறந்தால். ஜவ்வரிசியாக வருகுதுங்க !
கணவன்: ஜவ்வரிசி இல்லேடி அமைச்சர் போட்ட தெர்மோகோல்டி"

புன்னகை

ரமணியன்

**ayyasamy ram** · **ayyasamy ram** Mon 24 Apr 2017 - 7:46

சுமார் 1.5 ஏக்கர் பரப்பில் மட்டுமே தெர்மாகோல்
அட்டைகளை பரப்பினர்
-
செலவு ரூபாய் எட்டாயிரம் மட்டுமே...!!
-
ஆனால் ஊடகங்கள் பத்து லட்சம் ரூபாய் செலவு
என எந்த அடிப்படையில் தெரிவித்துள்ளன என
தெரியவில்லை...!!
--------------------------------
அமெரிக்காவில் லாஸ் ஏஞ்சல்ஸில் குடிநீர் பஞ்சம் ஏற்பட்டபோது
அங்குள்ள ஆற்றில் நீர் ஆவியாதலை தடுக்க காற்று நிரப்பப்பட்ட
பந்துகள் ஆற்றில் மிதக்கவிடப்பட்டன,

இது வெற்றியடைந்து உலகப்புகழ் பெற்றது குறிப்பிடத்தக்கது.
--

Sponsored content · Sponsored content

தெர்மோகோல்கள் --அறிவியல் எழுத்தாளரும் விஞ்ஞானியுமான த.வி.வெங்கடேஸ்வரனிடம் பேச்சு

தெர்மோகோல்கள் --அறிவியல் எழுத்தாளரும் விஞ்ஞானியுமான த.வி.வெங்கடேஸ்வரனிடம் பேச்சு

Re: தெர்மோகோல்கள் --அறிவியல் எழுத்தாளரும் விஞ்ஞானியுமான த.வி.வெங்கடேஸ்வரனிடம் பேச்சு

Re: தெர்மோகோல்கள் --அறிவியல் எழுத்தாளரும் விஞ்ஞானியுமான த.வி.வெங்கடேஸ்வரனிடம் பேச்சு

Re: தெர்மோகோல்கள் --அறிவியல் எழுத்தாளரும் விஞ்ஞானியுமான த.வி.வெங்கடேஸ்வரனிடம் பேச்சு

Re: தெர்மோகோல்கள் --அறிவியல் எழுத்தாளரும் விஞ்ஞானியுமான த.வி.வெங்கடேஸ்வரனிடம் பேச்சு

Re: தெர்மோகோல்கள் --அறிவியல் எழுத்தாளரும் விஞ்ஞானியுமான த.வி.வெங்கடேஸ்வரனிடம் பேச்சு

Re: தெர்மோகோல்கள் --அறிவியல் எழுத்தாளரும் விஞ்ஞானியுமான த.வி.வெங்கடேஸ்வரனிடம் பேச்சு

Re: தெர்மோகோல்கள் --அறிவியல் எழுத்தாளரும் விஞ்ஞானியுமான த.வி.வெங்கடேஸ்வரனிடம் பேச்சு

Re: தெர்மோகோல்கள் --அறிவியல் எழுத்தாளரும் விஞ்ஞானியுமான த.வி.வெங்கடேஸ்வரனிடம் பேச்சு

Re: தெர்மோகோல்கள் --அறிவியல் எழுத்தாளரும் விஞ்ஞானியுமான த.வி.வெங்கடேஸ்வரனிடம் பேச்சு

Re: தெர்மோகோல்கள் --அறிவியல் எழுத்தாளரும் விஞ்ஞானியுமான த.வி.வெங்கடேஸ்வரனிடம் பேச்சு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக