ஓய்வு பெற்ற ராணுவ அதிகாரியின் வீட்டியில் இருந்து 117 கிலோ மான் இறைச்சி, ரூ. 1 கோடி பறிமுதல்

லக்னோ,

உத்தரபிரதேச மாநிலம் மீரட்டில் ஓய்வு பெற்ற ராணுவ அதிகாரி
தேவேந்திர குமாரின் வீட்டில் நேரடி வருவாய் துறை அதிகாரிகள்
திடீர் சோதனையில் ஈடுபட்டனர்.

அப்போது அவருடைய வீட்டில் இருந்து சுமார் 117 கிலோ
மான் இறைச்சி, ரூ. 1 கோடி மற்றும் 40 துப்பாக்கிகள் பறிமுதல்
செய்யப்பட்டு உள்ளது.

துப்பாக்கி தோட்டாக்களும் பெருமளவு பறிமுதல் செய்யப்பட்டு
உள்ளது. அவருடைய வீட்டியில் இருந்து சிறுத்தை தோலும்
பறிமுதல் செய்யப்பட்டு உள்ளது, ஆனால் தேவேந்திர குமார்
மற்றும் அவருடைய மகன் பிரசாந்த் பிசோனி தலைமறைவு
ஆகிவிட்டனர்.

விலங்குகளின் தோல்கள் மற்றும் கொம்புகள் அவருடைய
வீட்டில் இருந்து பறிமுதல் செய்யப்பட்டு உள்ளது.

சுமார் 17 மணி நேரமாக நேரடி வருவாய் துறை மற்றும்
வன இலக்கா அதிகாரிகள் சோதனையில் ஈடுபட்ட போது
இந்த பொருட்கள் பறிமுதல் செய்யப்பட்டு உள்ளது.

நேற்று தொடங்கிய சோதனையானது இன்று காலையில் தான்
முடிந்து உள்ளது. வருமானத்திற்கு அதிகமாக சொத்து குவித்த
வழக்கில்தான் சோதனை தொடங்கி உள்ளது,

இப்போது சோதனையின் வெளியாகி இருக்கு பொருட்கள் மற்றும்
தகவல்களால் சோதனையானது நீடிக்க வாய்ப்பு உள்ளது
என அதிகாரிகள் தரப்பில் தெரிவிக்கப்பட்டு உள்ளது.

சட்டவிரோதமாக துப்பாக்கிகள் மற்றும் விலங்குகளின்
கொம்புகள் பதுக்கி வைக்கப்பட்டு உள்ளது.
-
இது தொடர்பாக வனத்துறை அதிகாரி முகேஷ் குமார்
பேசுகையில், “வீட்டில் இருந்த பெரிய பிரிட்ஜில் இறைச்சி
பறிமுதல் செய்யப்பட்டு உள்ளது,

இறைச்சிகள் சோதனைக்கு அனுப்பப்படும்,” என கூறிஉள்ளார்.
ஓய்வு பெற்ற ராணுவ அதிகாரி மற்றும் அவருடைய மகனுக்கு
எதிராக வனவிலங்குகள் பாதுகாப்பு சட்டம் 1972-ன்  நடவடிக்கை
எடுக்கப்படும் எனவும் அதிகாரிகள் குறிப்பிட்டு உள்ளனர்.
-
தினத்தந்தி

-
ஆஸ்திரேலியா நாட்டின் தேசிய விலங்கான கங்காருவின்
இனப்பெருக்கம் அதிகமான போது, கங்காருவின்
இறைச்சியை உண்ண இருந்த தடையை நீக்கியது
அந்நாட்டு அரசு
-
அதே போல மான் இனப்பெருக்கத்தை அதிகப்படுத்தி
மான் இறைச்சியை உண்ண அனுமதிக்கலாம்.
-
திருட்டுத்தனமாக உண்ணும் குற்றங்கள் குறையும்
-
-----------------------------------