7 மணல் குவாரிகள் திடீரென மூடப்பட்டன.

by **ayyasamy ram** Sun Apr 30, 2017 9:10 am

கடந்த சில வாரங்களாகவே மணல் தட்டுப்பாடு அதிகமாக
இருந்து வருகிறது. இந்த நிலையில் விழுப்புரம், அரியலூர்,
திருச்சி, கரூர் ஆகிய மாவட்டங்களில் உள்ள 7 மணல்
குவாரிகள் திடீரென மூடப்பட்டுள்ளன.

இதன் காரணமாக இந்த தொழிலை நம்பியுள்ள 10 லட்சம்
தொழிலாளர்கள் வேலை இழக்கும் அபாயம் ஏற்பட்டுள்ளது.

குவாரிகள் மூடப்பட்டதால் ரூ.35 ஆயிரம் வரை விற்கப்பட்ட
ஒரு லோடு மணல், தற்போது ரூ.65 ஆயிரம் வரை
விற்கப்படும் நிலை உருவாகி உள்ளது.

இது குறித்து தமிழ்நாடு மாநில மணல் லாரி உரிமையாளர்கள்
சங்கங்களின் கூட்டமைப்பு தலைவர் யுவராஜ் கூறியதாவது:–

நடவடிக்கை
7 மணல் குவாரிகளில் மணல் அள்ள எந்திரங்களை பயன்படுத்த
கூடாது என்று ஐகோர்ட்டு உத்தரவிட்டு உள்ளது.

இதனால், ஒப்பந்ததாரர்கள் ஒட்டு மொத்தமாக மணல் குவாரிகளை
மூடி உள்ளனர். அரசின் நேரடி கட்டுப்பாட்டில் குவாரிகள்
இயங்காததால் இந்த நிலை ஏற்பட்டு இருக்கிறது.

கட்டுமான பணிக்கு மணல் கொண்டு செல்ல முடியாத நிலை
ஏற்பட்டு இருக்கிறது. பொதுப்பணித்துறையை கவனித்து வரும்
முதல்–அமைச்சர் எடப்பாடி பழனிசாமி
இது குறித்து உடனடி நடவடிக்கை எடுக்க வேண்டும்.

சந்திப்பு
டாஸ்மாக் நிறுவனத்தை அரசு நடத்துவது போல மணல் குவாரி
நடத்துவதையும் அரசே ஏற்று நடத்த வேண்டும்.
இதற்காக 4 மண்டலமாக பிரித்து ஐ.ஏ.எஸ். அதிகாரிகளின்
மேற்பார்வையில், மணல் வழங்குவதை உறுதி செய்ய வேண்டும்.

அரசே நேரடியாக மணல்குவாரியை நடத்த முன்வந்தால் எந்த
பிரச்சினையும் வராது.

இது தொடர்பாக வருகிற 2–ந்தேதி முதல்–அமைச்சர் எடப்பாடி
பழனிசாமியை சந்தித்து பேச உள்ளோம்.

மறுநாள் (3–ந்தேதி) நாமக்கல்லில் எங்கள் கூட்டமைப்பின்
ஆலோசனை கூட்டத்தை கூட்டி இருக்கிறோம். மணல் வழங்குவதில்
தொடர்ந்து தாமதம் ஏற்பட்டால் போராட்டம் நடத்துவோம்.

இவ்வாறு அவர் கூறினார்.
-
--------------------------
தினத்தந்தி

by **ராஜா** Sun Apr 30, 2017 11:06 am

இதன் காரணமாக இந்த தொழிலை நம்பியுள்ள 10 லட்சம்
தொழிலாளர்கள் வேலை இழக்கும் அபாயம் ஏற்பட்டுள்ளது
-தினத்தந்தி

ஏண்டா ஊடக வி*****ளே, 10 லட்சம் பேருக்கு வேலை போகப்போகுதுன்னு கவலைப்படுறீங்களே.

ஆறுகள் வறண்டுவிட்டதால் புல்,பூண்டு முதற்கொண்டு ஆடுமாடு மனித இனம் வரைக்கும் தண்ணீர் இல்லாமல் செத்துக்கிட்டு இருக்காங்களே இது உங்க கண்ணுக்கு தெரியாதா?!

இந்த மண்ணை அள்ளி வெளிமாநிலத்திற்கு வித்து கோடி கொடிய பணத்தை சேர்த்தது வைத்து என்ன பண்ண போறீங்க. ஜெயலலிதா மாதிரி எல்லாத்தையும் இங்கேயே போட்டுட்டு அனாதையா தானே சாக போறீங்க, அப்புறமா எதுக்கு இப்படி ஊரை அடிச்சி உலையில் போட்டு சம்பாதிக்க அலையுறீங்க....

by **M.Jagadeesan** Sun Apr 30, 2017 12:28 pm

ஜெயலலிதா மரணம் , கொள்ளையடிக்கும் கும்பல்களுக்கு சரியான பாடம் . ஆனால் அவருடைய மரணத்திலிருந்து யாரும் பாடம் கற்றுக்கொண்டதாகத் தெரியவில்லை . இருக்கின்ற நான்கு வருடத்திற்குள் , முடிந்த வரைக்கும் சுருட்டிவிடுவோம் என்று தீர்மானம் செய்துகொண்டு விட்டார்கள் .