மழை வேண்டி விண்ணப்பம்

by vashnithejas Sat Apr 29, 2017 4:00 pm

“நீரின்றி அமையாது உலகு” என்பது வள்ளுவன் வாக்கு
முன்பெல்லாம் அதின் அர்த்தத்தை
கண்டு கொள்ளவில்லை நான் - இன்றோ,
நீருக்காக வாடி நீருக்காக அலைந்த
நீரின்றி மரித்த செய்தியை கேள்விப்படும் போது
உணர்கிறேன் உன்னை..
ஆனால் நீயோ காணல் நீராகிவிட்டாய் (பிழை திருத்தம்)
காணல் நீராக்கி விட்டோம் உன்னை – ஏனெனில்
மரங்களை வெட்டியதும் காடுகளை அளித்ததும் நாங்கள் தானே
தாராளமாய் நீ கிடைத்த பொழுது அலட்சியமாய் இருந்ததும் நாங்களே
இன்று உனக்காக ஏங்கி நிற்கிறேன் நான்
மழையே வந்து விடு என் தேகமும் என் மனமும் குளிர
உன்னால் தான் தோகை விரித்தாடும் மயிலையும் மண்ணின்
வாசனையையும் வண்ணத்தோடு ஒளிரும் வானவில்லையும் கண்டோம்
வந்து விட மாட்டாயா விவசாயியின் வயல் நிலமெல்லாம் செழிக்க
எங்கள் கால்நடைகளும் காய்ந்து போன நிலத்தை
பார்த்து ஏங்குகிறது புல் வெளிக்காக
வந்து விட மாட்டாயா மழையே
நீ வந்தால் உன்னை இந்த மண்ணில் அல்ல
என் மடியில் ஏந்தி கொள்வேன் நான்....

வஷ்ணி....

by **M.Jagadeesan** Sat Apr 29, 2017 5:10 pm

Rain rain go away,
Come again another day.
Little Johnny wants to play;
Rain, rain, go to Spain,
Never show your face again!

என்று நர்சரி குழந்தைகளுக்கு நாம் சொல்லித் தருகிறோம் . இது வருண பகவானின் காதுகளில் விழுந்துவிட்டது . எனவே அவனும் " மக்களே! நீங்கள் விரும்பாதபோது நான் ஏன் வரவேண்டும் ? " என்று சொல்லி பூமிக்கு வருவதை நிறுத்திக்கொண்டான் .

by **krishnaamma** Mon May 01, 2017 1:00 am

M.Jagadeesan wrote:Rain rain go away,
Come again another day.
Little Johnny wants to play;
Rain, rain, go to Spain,
Never show your face again!

என்று நர்சரி குழந்தைகளுக்கு நாம் சொல்லித் தருகிறோம் . இது வருண பகவானின் காதுகளில் விழுந்துவிட்டது . எனவே அவனும் " மக்களே! நீங்கள் விரும்பாதபோது நான் ஏன் வரவேண்டும் ? " என்று சொல்லி பூமிக்கு வருவதை நிறுத்திக்கொண்டான் .

ஆமாம் ஐயா , ஆனால் ராஜஸ்தானில் (நாங்கள் 87 இல் அங்கு இருந்தோம் ) இந்தப்பாட்டு க்கு பதிலாக, ரெயின் ரெயின் கம் again என்று பாடுவார்கள்............ .இப்போது, போன வருடம் போனபோது பார்த்தோம் நல்ல சுபிக்க்ஷமாக இருக்கிறார்கள் ....தண்ணீர் கஷ்டமே இல்லை என்று வீட்டுக்கார மாமி சந்தோஷமாய் சொன்னார்கள் புன்னகை