வறட்சியால் விவசாயிகள் தற்கொலை செய்யவில்லை: சுப்ரீம் கோர்ட்டில் தமிழக அரசு பிரமாண பத்திரம்

சென்னை -
வறட்சியால் விவசாயிகள் தற்கொலை செய்யவில்லை
என சுப்ரீம் கோர்ட்டில் தமிழக அரசு பிரமாணபத்திரம்
தாக்கல் செய்து உள்ளது.

நதிகள் இணைப்பு, காவிரி மேலாண்மை வாரியம் அமைத்தல்
உள்ளிட்ட பல்வேறு கோரிக்கைகளை வலியுறுத்தி தமிழக
விவசாயிகள் டெல்லி ஜந்தர் மந்தர் பகுதியில் 70 நாட்கள்
பல்வேறு விதமான போராட்டங்களை நடத்தினர்.

விவசாயிகள் பிரச்சினை தொடர்பான வழக்கில் தமிழக
அரசுக்கு சுப்ரீம் கோர்ட்டு நோட்டீஸ் அனுப்பி இருந்தது.
அதற்கு பதிலளித்து தாக்கல் செய்துள்ள பிரமாண பத்திரத்தில்
வறட்சியால் விவசாயிகள் யாரும் தற்கொலை செய்து
கொள்ளவில்லை என்று குறிப்பிடப்பட்டுள்ளது.அரசு தாக்கல்
செய்துள்ள அந்த பத்திரத்தில் கூறியிருப்பதாவது:-

தமிழ்நாட்டில் வறட்சியால் விவசாயிகள் யாரும் தற்கொலை
செய்து கொள்ள வில்லை.

82 விவசாயிகள் மரணம் அடைந்துள்ளனர். அவர்கள் பல்வேறு
காரணங்களால் இறந்துள்ளார்கள். உடல்நலக்குறைவு,
வயது முதிர்வு, மாரடைப்பு, போன்ற காரணங்களால் மரணம்
அடைந்துள்ளார்கள்.

30 பேர் குடும்ப பிரச்சினை காரணமாக தற்கொலை
செய்துள்ளார்கள்.மரணம் அடைந்த 82 விவசாயிகள் குடும்பத்துக்கும்
மனிதாபிமான உணர்வோடு தலா ரூ. 3 லட்சம் நிதி உதவி
வழங்கப்பட்டுள்ளது.

தேசிய விவசாய காப்பீட்டு திட்டத்தின் கீழ் கடந்த ஆண்டு
ரூ.623 கோடி வழங்கப்பட்டுள்ளது.இவ்வாறு அதில் கூறப்பட்டுள்ளது.
-
----------------------------------
தினபூமி

இந்த செய்தி தலைப்பில் இடம் பெற்ற படம் -
-

-